ايش الفرق بين شاص موديل 91 و92

[TARTOOSH]

مرحبا شباب
عندي سؤال بخصوص
الفرق بين
شاص موديل 91
و
شاص موديل 92
حسب ماسمعت انه في فرق
لاني معروض علي شاص نظيف
ومخزن بس المشكله ما عندي خبره في الشاصات بالمره

احتاج مساعدتكم
وتحياتي للجميع

[ابوفاضل2]

فرق الثرى عن الثريا
مكينة ال91 صغيره وعزمها ردي بالحيل 12بلف
وال92 طيرة شلوى4500 تجي 24بلف عزم ماشاء الله يبيد الموتر مابادت
تحياااااااااااااااااااااتي

[صيادالجبيل]

عطاك العلم ابو فاضل ولا أزيد علية

[خمسين]

لا تشتري 91 والله كان عندي واحد موديل 90 والله ما قعد عندي 3 اسابيع الا بعته بخساره عزمه زفت وانت بالكرامه اما 92 ماعليه كلام خذه ولاتشاور

[راعي المقانيص]

موديل 91 قوة المكينة 3800 سي سي

موديل 92 قوة المكينة 4500 سي سي

الفرق بينهم ياغالي قوة المكينة بالاضافة الى ان موديل 92 طلع فيه عيب بسيط من الوكاله وهو حجم القير صغير بالنسبه للمكينة وفيه بعض المشاكل البسيطه

واذا تبي نصيحة اخو ياغالي

اكيد فيه فرق بالسعر واجد واذا انت راعي مكاشيت وطلعاتك كلها ركاده ولا انت راعي مطاليع ومطاعس وتبي تحوس الموتر
خذ 91 لانه يبي يغطي لزومك وييض وجهك وين مارحت والدليل بسيط وواضح

الهايلكس مافيه احد يذمه والكل يمدحه ويمدح قوته وفرق قوة المكينة بينه وبين شاص 91 1100 سي سي

الهايلوكس 2700 سي سي

والراي الاول والاخير لك وانا مجرد طرحت راي شخصي وتقبل مروري اخي الفاضل

[ن م ر]

في موديل 1992م نزل المحرك الشهير 4500cc على الشاص والربع وأضيف عليه بخاخ موديل 2000 واستمر حتى 2009
وتوقف انتاجه و اصبح محرك الشاص والربع 2010 4000cc 6V وهو نفس المحرك على اللاندكروزر fj والبرادو من 2003 واللاندكروزر G . Gx . Gxr من موديل 2008

[سرطوقا]

بيض الله وجيه الاخوان ماقصروا