الزير للبيع !!!!!!!! ( جير )

[قنيص غبر]

السلام عليكم ...

والله كلي حرقة وانا اكتب الموضوع ..

ابتدي من وين ولا وش اقوول .. والله ماحدني لبيع الطير الغالي عندي اللا لاسباب خارج عن السيطرة .. الله وفقني واشتريت السنة هذي كم طير .. والزير ماقصر معاي وحبيت اعطيه حقه حق رجال يعرف قدر هذا الطير بما عرف عنه في مواضيع سابقه .. الطير كفا و وفا . صال معي جولات وطولات في المقناص والشاهد الله انه ماقصر معي لا في حباري ولا كراويين ولا ارانب .. وان شاءالله نذكر علوم الطير اللي هي كالتالي






















ما نوع الطير جير حر . ثري كوارتر
ماعمرالطير ؟؟ : اربع سنين
ما(قياسه او وزنه)؟؟ : 17.5 في 17.5 وزنه 1260
مالمزرعه التي انتجته (للمفرخات والمهجنات) ؟؟ : HERMEN
أين مكان الطير حاليا (المنطقه / المدينه)؟؟: ابوظبي
ماهي الحاله الصحيه للطير؟؟ : سليم ولله الحمد
علوم الطير ؟؟ (للقرانيس البيتيه)
هل صاد الطير الحباري والكروان أو الارنب ؟؟ هدد حتى الاشباع .رصيدة من الحباري الى هاللحظه تعدى ال 80 حبارى وقابل للزيادة في اي لحظة . كراويين صاد معي كم واحد للامانة لاني ما اقنص كراووين . الارانب تعدى ال 50 . صلال وطيور البحر صايد كثير
هل الطير طلاع على الحباري؟؟ نعم
هل الطير راكد على التكايه ؟؟ 70% راكد
هل الطير يمسح على التلواح او يلاعب الشلو(خالي ) ؟؟ تلواح خالي والطير مرشح كبير في جوائز التلواح لكن ما اشتركت فيهن .. يطير تحت
هل توجد في الطيرعيوب (الارتفاع,الكوشه,نقل العلف,الصياح)؟؟
لا يوجد ولله الحمد طبوعه كلها زينه لكن فيه خرمه شوي في منسره
ماهو حدك في الطير أو اخر سومه للطير ؟؟؟ سيم عندي العام على 80 الف ولا بعته لاني ساير مقناص .. وحتى اعطي الطير حقه لاحد يسوم تحت ال عشرين الف ..
ملاحظات اخرى :
مال الحكي داعي . طير حشيم للي يحشم الطير . ويبشر بالعشا ان نقلته طير سبوق شوي عليه, سبق فوق العادي .. الطير للامانه مايرغب كثير في الحمام للعم هديتله كم مره حمام سلم وصاده .. لكن الطير يستصغر الحمام ..
الطير اشرط عليه السبق الفارط . واشرط عليه اذا طلعت على حبارى وطارت يمديلك تشربلك فنجال قهوه وتعدل الغتره لزوم التصوير بعدين, وبعدين اتهد واطمش .. واللي بيشارك في مسابقة التلواح .. الطير سبوق سبق غير عادي في التلواح .
في الاخير يا اخوان الطير غالي عندي واتمنى من اللي الله بيوفقه في الطير التوفيق .. السووم في المنتدى او عن طريق الايميل .. والطير في ابوظبي جاهز بس مايندعى الان . واذا كان الشراي في السعوديه او قطر بنحاول في التوصيل ...
(( اسمحلي يالزير ))
اي استفسار او معلومة انا حاضر .. ونسمع من الوجيه الطيبه

[قنيص غير]

الله يرزقك من واسع فضله

[عبدالرحمن السالم]

ماشاء الله تبارك الله ، الطير معروف ومزيون
الله يرزقك بالزبون الصامل ويوفقك يارب

[بدر المغيري]

الله يرزقك البيعه الطيبه

[راعي فتان]

طير فخم فل أوبشنز


على كلامك اللي يشتريه ما يحتاج شوزن

ما شاء الله تبارك الله

عسى الله يسهلك أمرك ويرزقك بالقيمه اللي تنسيك الزير

[@قرناص@]

وعليكم السلام ورحمة الله وبركاته ,, طير غني عن التعريف ......

الله يعوضك بآلي أطيب منه .. وتلقى الزبون الصآمل ألي يعطي طيرك حقه ,

[أبوإبراهيم1]

وعليكم السلام ورحمة الله وبركاته
تحية طيبة لك وللزملاء والاصدقاء في منتدى مكشات .
قنيص غير لااعرف احد يدخل الطير إلى السعودية ان تم البيع ولاكن
افتح باب السوم لطير 25000ريال خمسة وعشرون الف ريال

[صقار مبتدئ]

لالالالا الا الزير لا تفرط فيه نصيحة لوجه الله
ترى الخوي ينشرى بالذهب وهذا الطير مثل خويك الله يا مواضيع امتعنا بها الزير تبغى تحرم نفسك و تحرمنا انت حر

[skeet]

الله يرزقك

[قنيص غبر]

ابو ابراهيم سومتن طيبة من رجال طيب .. ونطلب الزود من عند اللحا الغانمة الطير يستاهل اكثر ..

[رمثان155]

الله يرزك البيعه الطيبه ....

[قنيص غبر]

صقار مبتدئ .. لا تزيدها تراها واصله عندي .. بس ان شاءالله اللي جابه يجيب غيره واريدة ياخذ فرصه ويكون لاعب محترف خارج البلاد خخخخ ..

[رفحاوي 999]

الله يرزقك

[أبو أمين]

مدري انت وش جاك لان الموضوع هذا خارج عن المألوف لكن الظروف تحدك على شئ ما تبغيه

الزير علي ب 26000 الف والتوصيل ما نختلف ان شاء الله

[الحمش1]

افـا اي والله افـا
وقـهههر خـله عندك طيب
لاتبيعه يمـكن الله يفرجها
بـع الطيور الي عندك وخـل
الـزير والله انه متعنا بصور هدد
وفيدويـو هدد وصراحـه مايـنتفرطـبه