ايهما افضل تانكي داخلي او خارجي ؟ اتمنى التفاعل ....

[داورد]

السلام عليكم

يا شباب انا عندي لاندكروزر اسبير علاق وودي اركب تانكي لكن ايهما افضل :

- تانكي داخلي ويصير الموتر إسبيرين ؟

- او تانكي تحت والموتر إسبير واحد ؟

مع ان كل منهما له سلبيات
وايجابيات ..............اتمنى منكم التفاعل

وشكراً

[أبو هزاع911]

والله يا اخوك بما ان موترك اسبيرين فيالله لك الحمد

واحد من الزملاء موتره اسبيرين وحاط التانكي تحت

وطلع يوم من الايام وكتب الله ان يبنشر عليه كفرين في اقل من يوم

ويقول تحسفت اني فاك الاستبنه ذاك اليوم

انت شف وقيم نفسك واسال الي جربوا كل الطريقتين

وعلى حسب علمي ان التانكي من داخل احيانا تجي فيه صجه والله العالم

والله يوفقنا واياك

[شفر 2005]

انا افضل تانكي ستيل لانه ما يغير طعم الماء ويكون تحت الموتر والله يطعمك من خير ويكفيك شرة

[داورد]

عزيزي ابو هزاع افهم من كلامك انك تشوف ان السفلي افضل ...؟ صح

كل الشكر لك

- شفر 2005 الله يعطيك العافية ايضا ترى ان اللي تحت افضل ؟

كل الشكر لك وننتظر بقية الشباب

[البرتقالي]

على حسب طلعاتك للبر اذا هي من اسبوع وطالع اسبيرين افضل لك
وإذا هي اقل يكفيك استبنه وحده

الله يوفقنا وياك وكل مسلم

[قناص*07]

على حسب طلعاتك للبر اذا هي من اسبوع وطالع اسبيرين افضل لك
وإذا هي اقل يكفيك استبنه وحده

الله يوفقنا وياك وكل مسلم

فعلا على حسب كشتاتك ومحلات الكشتات
اذا كانت بالايام والارض جلد وكد على الموتر ولا يوجد قرى قريبه من محلات المقانيص فإسبيرين افضل
اما اذا كنت ما تبعد وارض سهله فواحد يكفي

معي GX سبير علاقي ومركب تانكي اسفل السياره
ميزاته:
ان الماء خارج السياره ولا تخاف من لي يهرب او تانكي يجيه شيء او ينفتح المحبس بتأثير اي شيء ولا اصوات ولا ازعاج وتقدر تستخدم المرتبه الاخيره
عيوبه:
الماء حار بالصيف خاصه اذا انت مسافر بالنهار
المحبس خارجي وقد يأتي ابن الحرام اللي ما يخاف الله ويفتح الصمام وانت بالشقه نايم او قانص ضلع ويذهب كل الماء.

اتمنى اني افدتك

[ن م ر]

أفضل تانكي واقف خلف المرتبه 100 لتر تقريبا

1- ما ياخذ حيز كبير
2- بإمكانك نقله في اكثر من سيارة ( لانكروزر - باترول - جمس - هايلكس - تريله )
3- ما يحتاج ترهيم وتلحيم وتعديل وتبديل
4- ما يكلف كثير
5- غير معرض للسرقة أو العبث

وبالتوفيق

[عبدالله 102]

والله انا اشوف ان الخارجي افضل لعدة اسباب

منها انك تفتك من صوت الماء رايح راجع

وايضاً تستفيد من المكان في شنطة السيارة وتحط فيه اغراضك بدل ما تحط تانكي

والاسبير الثاني مهوب ضروري اذا كانت روحاتك مهيب طويلة وخل معك عدة رقع وان شاء الله ما تشوف شر

[sameer_1798]

الاستبنة تحت ليست عمليه وخصوصاً بالجيوب .
والتانكي الأفضل يكون تحت الموتر وعليه شبك وعازل حراري ومايزيد عن 80 لتر للجيوب الجديده
أما الاستبنتين مهمه جداً في البر وياكثر ما ابنشر (ويكون الشق أكبر من الرقعه )
لذلك الأفضل تركب تانكي تحت الموتر وتركب استبنه ثانيه فوق التنده على الشبك ولاتحطها إلا وقت الحاجه .

[عاشق الفكسار]

اذا كان التانكي داخل السيارة :

الايجابيات :
1- يكون الماء دافئ في الشتاء وبارد في الصيف .
2- تقدر تركب تانكي فيبر مثل خزان الوادي او الزامل 90 لتر 200 ريال ارخص من الستيل او الالمونيوم .
3- سهولة اخراج التانكي عند عدم الحاجه اليه .

السلبيات :
1- يجيك تهريبات احيانا تكرهك بالتانكي وعلى حسب متى تدري عن التهريب بيخيس الموتر وانت ما انتبهت ( يمكن تفادي هذه النتقطة بالتشييك باستمرار على التانكي اسبوعيا او على حسب الاستخدام).
2- ياخذ عليك حيز بسيط من الشنطة وما تستفيد من المرتبة الثالثة .
3- أصوات الماء (يمكن تفادي هذه النقطة بوضع عازل ويروح 80% من الصوت ) * فيه ناس ما تحس انها طالعة البر الا اذ سمعت صوت المويه مثلي *
4- صعوبة تعبئة الماء واستخدامه بالنسبة للتانكي الخارجي .

اذا كان التانكي خارج السيارة :

الايجابيات :
1- تختفي نسبة كبيرة من الاصوات المزعجة وخاصة اذا ركبت عازل .
2- ما تشيل هم التهريبات ، ويسهل الوصول الى الماء بالتعبئة والاستخدام .

السلبيات :
1- الماء حار في الصيف وباااااااارد في الشتاء .
2- الاستغناء عن الكفر الاسبير (وهذا يعتمد على الاماكن الي تروح لها وعدد السيارات اللي معك) .
3- اسعار توانك الالمنيوم والستيل اغلى من الفيبر .

هذي تجربتي باختصار وانت اختر اللي يناسبك وتوكل على الله

[داورد]

كل الشكر للشباب اللي ردو على موضوعي

والله يعطيهم العافية

لكن لللأسف مازالت الحيرة موجودة واللي محيرني اكثر ان كل واحد فيه ايجابيات ...

ملاحظة / انا اطلع احيانا لمناطق وعرة كالحرات او سلاسل الجبال واحتجت الاسبير
الثاني مرتين بضروة ملحه مع العلم ان الموتر ماله الا سنتين معي ,,,,

وشكراً وننتظر بقية الردود

[سفاااري]

أفضل تانكي واقف خلف المرتبه 100 لتر تقريبا

1- ما ياخذ حيز كبير
2- بإمكانك نقله في اكثر من سيارة ( لانكروزر - باترول - جمس - هايلكس - تريله )
3- ما يحتاج ترهيم وتلحيم وتعديل وتبديل
4- ما يكلف كثير
5- غير معرض للسرقة أو العبث

وبالتوفيق

اناااااا مع اخوووووي نمرر

بس لازم يكوووون الي ولمفتااااح (( البزبوووز )) برااااا

ولالالا تبلش
زي ماااحصلل معاااااااااي

وبالتوفيق للجميع

[العاذر]

ماقصرو الشباب

[ابو كلام]

السلام عليكم جميعا
اخى الكريم ..............
/انا جربت كلا الاثنين 1/اللى فوق حلو من ناحيتين
1انه مايتعرض لاى اضرار مثل الشق 2/ان المويه دايم بارده ومقبواله
وسئى من نواحى
انه لجه داخل السياره
يضيق الشنطه
واللى اهم من هذا وذاك *تشوف الحسره عند التعبئه وشلون (انتبه لايمتلى *اوه ه ه ه ه
فاض على الفرشه .....................الخ
*** اما اللى تحت زين من نواحى وشين من نواحى
*زين من ناحبه التعيئه لا تشيل هم امتلا او فاض او او او
وزين بعد ما ينشاف ولا يوئثر على الشكل العام للسياره
**نجى للسلبيات
*انه يكون حار الا اذا زودت العزل
** انه معرض لاى ضرر لاقدر الله
وانت قرر وش اللى تراه مناسب واى خدمه حاضرين وممنونين
ملاحضه مهمههههههه **/**كلا الحالتين الانسب لهما تانكى الالمنيوم

[اسير الغضا]

الفرق اللي برا بالصيف حار وبالشتاء بارد وشكله غبي لاصار كبير
واللي منداخل ياخذ مساحه