نرجو التفاعل لان دمي شيهانه قدامي ارمي لها من حوالى 100 متر يوم ارمي الشبكة
تطير وتروح مكان ثاني ونفس الطريقة ارمي وتطير وش الحل
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
نرجو التفاعل لان دمي شيهانه قدامي ارمي لها من حوالى 100 متر يوم ارمي الشبكة
تطير وتروح مكان ثاني ونفس الطريقة ارمي وتطير وش الحل
مكشاتي متواصل
والله ياخوي حاول انك تبعد عنها حتي لو 200 متر او اكثر خل الشبكه في وجهها ويمكن ماتبي شبكه يمكن تبي حمامه زهب حمامتك
مكشاتي متواصل
هلا اخوي اذا جيت تزرق الحمامه لازم تكون مخلي الشيهانه من جهة اليمين وتزرق الحمامه من الجهه المقابله .. والمسافه مو ابعد من 200 الى 300 متر وبعدها تبعد اكثر من 500 وتطفي موترك واذا صادها قرب منه ودور حواليه لين يشبك مظبوط وان شفت علق عطه خشم الموتر اطرده لين ينبطح على كبده وامسكه والباقي انت ادرى
وسلامتك
اول شي انتف الحمامه ولاتخليها تقدر تطير علشان ما تحلقك وتدخل تحت السياره زي ماصار معي وتفلس من الطير
وثاني شي اذا خليت صدر الطير للسياره نزل الزريق من الجهه المقابله حتى لايلاحظ
مكشاتي متقدم
مشكورين على لإفادة
لكن يا سندباد بري
اول ما اطرح الصقر هل في شيء اسوية غير البرقع والسبوق
واذا رميت له اخلية ياكلها والا على طوووووووووووووول والا اخلية لما ياكلة
وكم طول الحبل اللي اربطة في شبكة الحمامة لأني حاط 5 متر تقريبا
واسف على كثرت لأسئلة
مكشاتي متواصل
لا ياخوي لا تخلي ياكلها حاول اذ مسكته تتاكد انها مسكته وحاول تجيب السياره قدامه وتتعبه شوي لين يطيح والاخوان يفيدونك ولازم تمهد الطير اذ معك مهاد واذ مامعك مهاد بشماغك والله يرزقك وبشرنا بالبشاره الطيبه
مكشاتي متواصل
المشاركة الأصلية كتبت بواسطة راعي السلاح
هلا ومرحبا اول ماتطرح الطير تمهده وطريقة المهاد في احد الاخوان شرحها بالمنتدى مع الصور .. طبعا لاتخليه ياخذ راحته بالاكل لازم تدور عليه بالسياره علشان يرفع وينزل بكفوفه وهو يدور مع دوران السياره لين يعلق وبعد ما تتأكد اهجم عليه ولاتعطيه فرصه يرتاح لين تمسكه. وبعد المسك
خل معك الماي اشرب وانفخ عليه وكرر العمليه لايوقف قلبه من الخرعه وبعد ما يهدأ برقعه وخله بمهاده لين توصل البيت وجهز خيشه صغيره املها تراب (من غير بوجهك)
واربط عليها حبل وبعدها حط سبوق الطير واربطه بجرير وبالخيشه . لاتحطه على وكر يكفخ ويتكسر ريشه
وطول 5 امتار مناسب وتقدر تحط ثقل تربطه برجل الحمامه ويكون الخيط بطول 30 سم يغنيك عن الحبل الطويل
واسأل وانا اخوك كلنا نحب نخدم بعض باللي نعرف وحياك الله
التعديل الأخير تم بواسطة سندباد البري ; 04/10/2010 الساعة 06:28 PM سبب آخر: خطأ
مكشاتي متقدم
الله يعطيك الف الف الف الف الف الف الف الف عاااافيو يا السندباد
ابرقع الطير على طول والا لازم النفخ بالماي على وجه
واسف اتعبتك معاي
مكشاتي متقدم
السلام عليكم
اول ماتطرح الطير تمهده اذا مامعك مهاد تمهده بشماغك تلفه بشماغك
وترش عليه ماء وبـرقعه واربطته بخيشه صغيره وامله تراب ورش عليه ماء
والله يرزقـنا بالنادر القاطع
مكشاتي متواصل
الله يعافيك .. لاتبرقعه على طول عشان ماينصرع . انفخ الماء بوجهه ودواغره وكررها كل شوي لين يهدأ بعدين برقعه
والشباب ماقصروا الكل افادك وكلهم صح
طال عمرك انا اقول ترميها على بعد 200 - 400 متر ..واذا بعدت مو مشكلة ..هذا صقر طل عمرك اكييد بيشوفها ههه
اخوك فالكن 1
[
لا اله الا الله وحده لا شريك له له الملك وله الحمد وهو على كل شيء قدير
مكشاتي نشيط
المفروض نأخذ دورة مع الصقارين وهم ماقصروا بصراحة أفادوا وأجادوا لكن المفروض انك قبل كذا تروح مع صقار وتتعلم بسهولة وتبدأ بمطارد الصقور وأعتقد سهلة الشغلة رزق وتوافيق , والله يوفقك بالنادر.
مكشاتي متواصل
بارك الله بالاخوان ما قصرو ما شاء الله
الجير والحر والشاهين كلها جوارح عريقة عن مين اسأل واصاحب مين من الطيور الصديقة
مكشاتي برونزي
عسى يرزق الجميع
مكشاتي متواصل
ألف شكر لصاحب الموضوع (لاني انا حديث بالصقاره و كنت محتاج هالمعلومات)
و الله يجزاهم خير الجماعة ما قصروا بالشرح و التوضيح.
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
