ضع هنا جميع الاستفسارات للمبتدئين بالسلق

[شراع]

الله لايهينكم .. وش معنى كلمة (اجعال .. بالسلقه)..؟

[رفيق الأمل]

الله لايهينكم .. وش معنى كلمة (اجعال .. بالسلقه)..؟

تسلم ياخوي المعني هو أن السلقة إذا صرفت دم يسمي ( اجعال ) وهذا وقت التشبيت للتزاوج

[udubai]

سؤالي : - اسباب الاسهال عند السلق ؟

[رفيق الأمل]

تسلم ياطيب وبخصوص موضوعك تفضل بالرابط المعد من قبل الاخ الفاضل راصد بيئي وارجو الاستفادة منه

http://www.mekshat.com/vb/showthread.php?t=365525

[عاشق.السلق]

س1ٍٍٍٍ{اقدر اشبي السلقة مرة وحدة بس يعني ولادة مرة وحدة؟ س2{كم مدة حملة {متى تولد} س3{اقدر اجربع بالسلقة وهي مشبية {حامل} ومتى اجربع بة عقب التشبية اقدر اول ما تشبي
اسف على الاطلاع ’جديد,

[رفيق الأمل]

هلا بالأخ الفاضل عاشق السلق وبالنسبة لموضوعك فهو مايلي
1 )السلقة تحمل في السنة مرتين وتقدر تشبيها بعد صرفها برغبتها إذا رغبت جراوة منها
2 )مدة حمل السلقة شهرين وعشر ايام يعني يحسب عشر الأيام الاولي من اول تشبيه وبعدها بـ 60 يوم ان شا ءالله
3 ) انصحك من اول التشبيت لا تجربع بها واتركها براحة وعليك بالأكثار من الطعام وتهيء المكان المناسب والراحة لها وبأمكانك ان تجربع بها بعد الولادة بـ 3 أو 4 شهور لكن اولاً عليك بالتدريب الجري ربع ساعة اسبوعياً وهكذا كل من تطول الأيام يطول وقت التدريب لكي تستعيد اللياقة بعد الولادة
وان كان افادتي قليلة فالأخوان مايقصرون يفيدونك بالأكثر والأهم
مع جزيل شكري وتقديري لك

[روعب السلق]

سلام عليكم
ياربع عندي سلوقين اخوان اذا ربت واحد منهم بمشيبه هاوش اخوه وطقيت واحد منهم طق قولولي وش الحل ولا طعنت امهم اثنينهم ربيتهم تربيه حلوه بس يوم طلعتهم ودلعتهم قامو يلعنون جدي

[كيفي سعودي..؟]

السلام عليكم
ابي افادتكم
عندي جرو عمره شهرين2
اقدر ادربه على الجرابيع في ذا العمر
وكيف طريقت التدريب في البدايه
ارجوو الإفاده...

[عاشق هواها]

السلام عليكم عندي سؤال لاهل الخبره جاني سلوقي هديه من رجال شرواكم السلوقي طيب بالحيل بس فيه عيب السلوقي يخاف ويصوي اذا كان في العشه ابد مايسكت واذا قلت له عيب يصاوي وينبح.واذا طرد مايمد يدينه ؟

[طيــر شلــوى]

السلام عليكم عندي سؤال لاهل الخبره جاني سلوقي هديه من رجال شرواكم السلوقي طيب بالحيل بس فيه عيب السلوقي يخاف ويصوي اذا كان في العشه ابد مايسكت واذا قلت له عيب يصاوي وينبح.واذا طرد مايمد يدينه ؟

هلا بك يالغالي ..

أكيد أنك دايما أذا سمعته يصوي تروح له وتدخل عشته ..

< وهذا أكبر غلط !!

اذا صوى ونابح لاتجيه ولا تقرب له

.. لإن اذا صوى وجيته ، يحط بباله انه دايما اذا صوى او نابح انك بتجيه

كم يوم ويتعود هذا شي طبيعي

تحياتي لك

[طيــر شلــوى]

السلام عليكم
ابي افادتكم
عندي جرو عمره شهرين2
اقدر ادربه على الجرابيع في ذا العمر
وكيف طريقت التدريب في البدايه
ارجوو الإفاده...

هلا بك اخوي الغالي ..

لا !!

هذا العمر دربه على اسمه وكلمة تعال

أما تدريب الصيد ..

فإذا كمل الـ 6 شهور فك له جرابيع بالحوش وشجعه إنه يمسكها

وإذا كمل 8 شهور إطلع جربع فيه ويفضل انه يكون معه سلقه مدربه يتعلم منها السنع !

تحياتي لك

[طيــر شلــوى]

سلام عليكم
ياربع عندي سلوقين اخوان اذا ربت واحد منهم بمشيبه هاوش اخوه وطقيت واحد منهم طق قولولي وش الحل ولا طعنت امهم اثنينهم ربيتهم تربيه حلوه بس يوم طلعتهم ودلعتهم قامو يلعنون جدي

هلا بك ..

إنتبه تدلعهم

هذا سلوقي إلعن جده ولا يقول شيء < بس بحدود المعقول

دايما طال عمرك اطلع فيهم مشهم كلهم وخلهم مربوطين وخذ بهم فره بالحوش لمدة ربع ساعه

ويتعودون مع الوقت

تحياتي لك

[كيفي سعودي..؟]

يعطيك العافيه اخوي طير شلوى
والله لا يهينك

[عزيز النفس 66]

السلام عليكم يالربع

جاتني سلقه وذيخ هديه من رجال شرواكم اعمارها 7 شهور وهم اخوان عربيه ولا قد دربت ومشكله السلقه انك اذا ابعدتها عن اخوها تبدا تصيح ولا تبي احد يلمسها اذا قربت منها تنحاش واذا جبتلها اكلها تقرب تاكل وتروح
واذا بغيت اطلعها امشيها السلقه ما تبي تتحرك واذا مشت تلقاها تتلفت للحوش كانها تبي اخوها والذيخ والف علي واذا دعيته يجي اما السلقه عكسه تمشي مع اخوها بس واذا دعيته يجي وتجي معه وش الحل يا جماعة الخير

واسف على الاطاله

[mishary-]

السلام عليكم ..
ياشباب عندي سلقه لعوب : لانزلت من السياره ماتركب ..
ولاناديتها ماتجي ولا احب اني اضربها مادري شسوي فيها