فيوز ماطور ابو جمل هل يفيد قطعه ؟؟

[PATHFINDER 4]

بسم الله

حياكم الله جميعا

اول شئ ترددت وين اكتب الموضوع في عدد وادوات الرحلات او السيارات وتجهيزاته لكن عالعموم

عندي ماطور هواء ابو جمل (بستمين) شريته من محل السنيدي فرع الرياض بـ 370

المهم

الجهاز زي الحلاوة لكن قبل 5 شهور تقريبا

خرب على في الطوقي << مب وقته

كلمت كم واحد اشاوره يقولون البلا من الفيوز غيره من الوكيل

لكن انا منب موديه يم الوكيل فكرت اني اقطع الفيوز اللي في السلك واوصله فقط لاغير

سؤالي هل القطع فيه ضرر ؟؟ او ممكن مايشتغل الماطور ؟؟

اللي اعرفه في الفيوز يفيد اذا صار فيه التماس في السيارة او الماطور بحيث ما ياثر لا على الماطور او السيارة

لكن النية ابقطع هالفيوز وش رايكم

والله لايحرمكم الاجر ويجزاكم عني كل خير

[رفيع المقآم]

والله نصيحتي انك تدور لك فيوز وتغيره
ترى له اهميه الله يكفينا الشر

[ابوفرايديز]

احفظ لك غير فيوز الله يستر عليك

[كاتم الشكوى]

لا تقطع الفيوز
الفيوز يحمي الجهاز والسيارة من أي إلتماس
وتقدر تغيره من الوكيل وألا تلقاه عند محلات زينة السيارات

[PATHFINDER 4]

جزاكم الله خير جميعا لكن فيوزه غبي شوي حاولت افكه وماطاع مدري وش بلاه
طريقة صناعته غبية مرة يعني فك الفيوز وتغييره صعب
(ترا يختلف عن فيوز البستم الواحد)

وكيله طبعا الشراع في الغرابي وبعيد عنه عشان اوديه

سؤالي هل فيه مشكله بعد قطع الفيوز ؟؟

[ابوالشيهانه.]

لا ما فيه مشكله بعد قطع الفيوز بس شف سلك الجهاز حق الصيد مثل الكنود او الايكوم الي يوصل من البطاريه الى الجهاز الاصلي يجي بنص فيوز وفيه بلاستيك غطاء والفيوز قديم لسيارت القديم
وتوكل على الله

[شاص2007]

اقطع الفيوز ورهم له فيوز من عندك وتنتهي المشكه بأذن الله

[هويدي]

الفيوز اللي خربان مدري مايع حق ماطور هوا ولا دسكفري
ناس تقول رح للوكيل وناس تقول يختلف !!

وظيفه الفيوز لو حصل التماس ( انقطع ) علشان يفصل الكهرباء الموجبه عن مكان الالتماس
فيه علب جاهزه سلك ومكان لتثبيت الفيوز عند بعض المحلات او بأمكانك تجيب قفيزين
زي اللي بالصوره ـ بعد اذن صاحبها ـ تركبها على سلك الموجب وتشبك الفيوز الجديد وتشرطن وخلصنا

[باوزير]

عندي علبة الفيوز ذابت من الحرارة شليت الفيوز و شبكت الوايرين و لا في مشاكل

[خشم العرمة]

شف وانا اخوك ممكن انك تفطع الفيوز وتشبكة مباشرة لكن في حالة وحده بس اذا بتشغله على الولاعة حقت السيارة لان الولاعه لها فيوز يعني لو حصل التماس يحترق فيوز الولاعه
لكن اذا تشبكة على البطارية لازم لازم لازم فيوز ولا اي شورت كهرباء ممكن يتسبب في ظرر في ظفيرة الكهرب وهذا العن شي او مككن يحوس عليك كمبيوتر السيارة وهذا العن والعن او على اقل الاحوال تخرب عليك البطارية والبطارية بقيمة ماطور هواء
فية احد الاخوان نصحك بسلك الايكوم وهو فعلا سلك ممتاز وقوي ويوجد به فيوز

[دحومي10]

طيب اللمبه اللي انتشرت اوم مغناطيس لو اركبهآ ع الولاعه تضر ولا يكون فيها شي ؟

[السلمان2010]

فيه سلك مع فيوز موجود عند برق الحيا وعند ساكو قص السلك وركبه محل السلك الاول وتاكد من مقاس الفيوز يكون مناسب

[PATHFINDER 4]

لا ما فيه مشكله بعد قطع الفيوز بس شف سلك الجهاز حق الصيد مثل الكنود او الايكوم الي يوصل من البطاريه الى الجهاز الاصلي يجي بنص فيوز وفيه بلاستيك غطاء والفيوز قديم لسيارت القديم
وتوكل على الله

والله راي طيب ومشكور يالغالي والله لايحرمك الاجر

[PATHFINDER 4]

اقطع الفيوز ورهم له فيوز من عندك وتنتهي المشكه بأذن الله

شاكر لك ردك يالغالي

[PATHFINDER 4]

الفيوز اللي خربان مدري مايع حق ماطور هوا ولا دسكفري
ناس تقول رح للوكيل وناس تقول يختلف !!

وظيفه الفيوز لو حصل التماس ( انقطع ) علشان يفصل الكهرباء الموجبه عن مكان الالتماس
فيه علب جاهزه سلك ومكان لتثبيت الفيوز عند بعض المحلات او بأمكانك تجيب قفيزين
زي اللي بالصوره ـ بعد اذن صاحبها ـ تركبها على سلك الموجب وتشبك الفيوز الجديد وتشرطن وخلصنا

شرح واضح ياهويدي والله يجزاك الجنة ومن تحب والنية ان شاء الله سلك جاهز فيه فيوز