شاص أبو جميل ولا وارد اليحيى؟؟؟؟؟

[fof6666]

السلام عليكم
حصلت شاص عند ابو جميل 2010ب 114(ونش دفلوك)
وعند اليحيى ب 115
علما ان اليحيى يقول الموتر بدون ضمان لكن دخله
صيانة أبوجميل ويقبلونه

وشرايكم لأني متردد بالحيل وعطونا من خبراتكم وتجاربكم

[عبون الجواء]

وعليكم السلام
خذ شاص بريمي من عند المسند او الشيباني افضل من ابو جميل واليحيى من واقع تجربه ومسوره
واتمنى لك التوفيق
اخوك الصغير ابو عبدالله

[قطب 999]

اليحي بدون تردد وشل من بالك الضمان في هذي البلد نا في حارة كل من ايدو الوه

[ابن عكاش]

البريمي بعده اليحيى بعده ابوجميل وترى فيها فرق في المواصفات حاول تقارن علشان تعرف الفرق
وترى الخلل المصنعي يشمله ضمان ابوجميل حتى لوه بريمي

[البتار2011]

اليحي

لان شكل الخط مثل خط البريمي ....اما السعودي خطه خايس ... وقيمة الخط اصلي ب 1300 ريال

[عين حصنان]

ما ادري ليه الناس تفكر بالديكور و المواصفات ... كــ جوده

خط ...تخشيب وما ادري ايش

ما احد فكر في مواصفات الميكانيكا والاجزاء الداخليه لها .... كـــ جوده

خذ من عند ابو جميل ... أجود وامتن بالمواصفات الميكانيكيه من الخليجي عموما

والله يبارك لك

[ياوجودي]

ما ادري ليه الناس تفكر بالديكور و المواصفات ... كــ جوده

خط ...تخشيب وما ادري ايش

ما احد فكر في مواصفات الميكانيكا والاجزاء الداخليه لها .... كـــ جوده

خذ من عند ابو جميل ... أجود وامتن بالمواصفات الميكانيكيه من الخليجي عموما

والله يبارك لك

أخوي ميكانيكياً أبو جميل أفضل؟؟ << أول مره أسمع هالشي

[ابوغزاي]

البريمي وبس لااكسسورات صيني ولاغيرها

[كراع الذيب]

تبي نصيحتي خذ حق ابو جميل خل منك المواصفات ..

يكفيك ابو جميل سياراته كلها فيها (عمود توازن ) يحمي من الانقلاب بعد الله سبحانه ..

والشي الثاني رفارف ابو جميل احسن واكشخ ..

تحياتي .. كراع الذيب

[بلاتين]

اذا تبي تاخذ سعودي خذ الفل يجي بدون رفارف 11 ريشه وكفرات رملية ونش ودفلك
من موصفاته 2010
فرمايكة غامق في الديكورات
درجة الحراره الخارجيه
تحكم في الانوار الاماميه
سيدي وكسيت مسجل اصلي
اريل كهرباء
مريات كهرباء

الى متاكد منه ان الفرق في السعودي تحكم الانوار , مافيه في الخليجي لاكن الخليجي فيه بلوتوث للمكلمات

[النبع الصافي]

المكينة والقير والدبلات واحد ما تفرق بينهم بشي الفرق بشغلات بعضها مهم مثل المكيف والجنوط ووو
وبعضها أقل أهمية مثل الاكسسوارات ووو
والبريمي يتفوق عليهم من هذي الناحية و عبداللطيف جميل يعطيك ضمان لكن أشوف الناس بنسبة 99% ما يستفيدون منه أما أن العطل ما يتبين إلا بعد انتهاء الضمان أو خلال الضمان ولا يشملك أو أنه يصلحه لك وهذي نادر , والأكثر أن الحافظ الله وقليل اللي واجهو مشاكل من التصنيع , سواء كان اليحيى أو البريمي أو جميل
اليحى مثل طريقة البريمي بدون ضمان بس مكان استيراده يختلف .
عسى الله يكتب لك الخير وكل مسلم
البريمي ماسك السوق بيع وشراء وحتى استعمال

[البراق2003]

ب ر ي م ي بعده ا ل ي ح ي

وابو جميل
سياراته قص ولزق

[السسسعد]

أقول خذ العلم الصحيح وخلك من اعلوم الشريطيه والشيبان

خذ سعودي وعلمك الفرق بينهم وانت احكم

السعودي مسجل سيدي كاسيت .. البريمي كاسيت

السعودي فيبر على الصندوق .. البريمي بدون

السعودي تخشيبه كامله على الطبلون والابواب .. البريمي ماتجي الا على حواف المسجل فقط والابواب بدون

السعودي تتحكم بالنور .. البريمي لا

السعودي سعره اول مانزل فل بدون رفارف 120 والبريمي 126 واذا لقطه بـ 124

وعند البيع والله مافيه فرق انا بايعلي 2008 سعودي قبل سنه تقريبا مو فل 90 والبريميات والله اني لاقيهن على 85 و87

وبعدين يكفيك الضمان الله لايعوزك له

الناس تحسب السعودي مثل اول الحين تطور وغطى على البريمي شفها بشوارع وش كثرها

واللي يقول السعودي صيني اقوله رح شف بريميك 2010 فالنت اول مانزل بالامارات وين تخشيبته ووين المساكه ؟؟؟

هذا يدل انهم كلهم نصابين لابريمي ولا ابو جميل بعدين من جدكم الشاص مو حق شخصيات عشان يجي من بلاده مخشب الشاص اصلا سيارة حكومية <<< اقول طولتها واهي قصيره

[بدر المغيري]

البريمي أفضل ثم وارد اليحيى أو وارد الساير

[ابوعزااام]

اليحي افضل