فترة التمرين أو التليين : طروحات ونقاشات بالطريقة الصحيحة

[* Storm *]

السلام عليكم ورحمة الله وبركاتة


كيف حالكم أخواني اعضاء المنتدى الكرام


كثرت هذي الايام الاختلافات حول تمرين السيارة أو بالأصح ( التليين )


منهم من يقول لايحتاج أي تمرين ودس على البنزين وتوكل على الله !!


من هم من يقول إحذر تشغيل التكييف في الفترة الأولى من الصيانة ( 1000 كم )


منهم من يقول السيارة تحتاج الا ضغط البنص بطريقة قوية نوعا ما حتى يزيد عزم


السيارة ؟ !


منهم من يقول اذا زدت العزم بأول 1000 كم يموت العزم لاحقا !


الحيره مشكلة


نريد الطريقة الصحيحه وعن طريق تجربه شخصية ..


وهل يختلف التمرين بين السيارات ! مثلا تويوتا أو هونداي



فسيارتي الجديده هونداي إلنترا 2011 !!


هل إستخدم احد من المكشاتيه هذا النوع وتعامل معه !!


دائما الحيرة نجد حلولها بين اعضاء هذا الصرح


ياليت كل واحد يكتب الي عنده حتى نرى اكثر الاراء وتجتمع !


والسلام عليكم ورحمة الله وبركاتة

[فنجال شاهي]

والله من خلال ما سمعت والي عملت فيه انا شخصيا

ما تمشي اكثر من 100 في اول 5000 كيلو

وبالنسبة للمكيف لا خذ راحتك شغله زي ماتبي

بس لا تخلي السيارة شغلها وهي واقفه مكانها اكثر من ربع ساعه في وقت التمرين او التليين

هذا مكتوب في كتلوج السوناتا

واقرى كتلووج السيارة تراه مليان معلوماااااات رهييييبة ويغفلها كثير من الناس

والله يعيطيك خير السيارة ويكفيك شرها

[بساط احمدي]

اولا الله يعطيك خيرها ويكفيك شرها

ثانيا بكل صراحه اصلا السياره ما يطلعونها لك الا انه دخلت على اختبارات قبل وفاجرين واااالدينه

الامر الاخر من تجربتي المتواضعه .. والله ادووووووووس دوووووووس بعد والحمد لله ما فيه الا العافيه

اذكر واحد من العيال طلع له غماره ددسن .. والله العظيم يا خوان انه ما وقف الا بنفود كسر هههههههههههه

والله يا الددسن قالت ياليتني بالوكاله ازيييييييين ههههههههههههه وابشرك اموره من احسن ما يكون بل ماشاء الله عليه نشاااااااااط ما شاء الله بس

لكن اظن انه على حسب الصناعه والشركه ... ويبقى الياباني .. ياباني .....

ارجوا اني افتك حبيب قلبي

[khdt hgl'dvd]

انا طلعت ددسن من الوكاله وسافرت عليها حايل 160
ولا ضرها ولا شي زي الحلاوه ومعي لحد الحين ما شا الله عليها

[عاشق السيل]

دق سلف وتوكل على الله بس لا تزر الموتر بقوة ،، ومن ناحية المكيف شغل وأنت بمواقف الوكالة !!!!

[ن م ر]

فترة التليين ينبغي فيها عدم الجور على محرك السيارة لأن معادن المحرك تكون جديدة واحتمال فيها شوائب
لذلك ينصح بتغيير الزيت بعد 1000 كيلو الأولى للسيارة

نرجع لموضوع معادن المحرك
فيه فرق يا اخوان بين معادن توها تشكلت أو صنعت وبين معادن مصنوعه من 4 أو 5 سنوات أو اكثر
فالقصد من التليين هو تعويد تلك المعادن [ ألمنيوم أو حديد أو فولاذ ] على الاستخدام والحرارة تدريجياً

وجميع السيارات اللي امتلكتها وهي جديدة مرنتها مثل ما هو مذكور في دليل المالك والحمد لله مشت من أفضل ما يكون

[مطيعيس]

السلام عليكم ورحمة الله وركاته
ياخوي من اشارة اكادمية نايف الى اشارة طبق المائدة بالنظيم وتكون قد تمرنت وخلاص
لالا امزح معاك المتعارف عليه اول1000كيلو لاتمشي اكثر من100 ولا تشغل المكيف على اخر سرعه
وشكرا

[ملك الفكتوريا]

شف وش يقول الكاتلوج ترى محد أفضل وأعرف من الشركه المصنعه


وللمعلومية المكينه والقير ما طلعت إلا بعد ما مرت في عدة تجارب وقوية مثل تشغيل المكينه والقير على اقصى سرعه وقوة لمدة 6 ساعات تقريبا ويشوفون وش يصير بالمكينه وهذا اللي حاصل


أما بالنسبه للتمرين وما تتعدى 100 في أول 1000 كيلو بسبب الامور اللي تربط السيارة ببعضها البعض


الشاصيه والعكوس والامور هذي وليس تمرين للمكينه


والله العالم

[النبع الصافي]

حلوة يا مطيعيس ههههههههه
أخاف يطول إلين تشليح النظيم ويرجع مع الكدادين الله يستر

[trailblazer04]

يارجال حال ما تطلع من الوكاله خذلك فرتين وثم امسك خط وطلع اللي ببطنها وان صار شي عالضمان وشغل مكيف وعيش