هل المشي على هذا الكفر فيه خطورة ؟؟؟ صورة !!

[يريور عيمان]

السلام عليكم

كل عام و انتم بخير

يا اخوان اليوم لاحظت انقطاع جزء من نقشة الكفر نوع بريجستون جنط 16 للسفاري
هل فيه خطورة المشي على كفر بهذه الحالة ؟؟
من ناحية انفجار الكفر في الخطوط لاني كثير التنقل والمشاوير وسرعتي في السفر 120 الى 140 او من ناحية البنشر

صورة توضح الانقطاع





افيدونا الله يبارك فيكم

[احمد الشمال]

اخوي اتوقع مع السرعه الزايده وطول المسافه اذا كانت منقشعه بالحيل اتوقع ينفجر

لكن انا عندي لك حل بدله بالاسبير (الاستبنه) وخله للحاجه وتوكل على الله


اخوك:أحمد الشمال

[عناز الحره]

انتبه تتعدااااااا 80 على هذا الكفر

[راصد بيئي]

والله ياخوق القطع كبير

اما تغيره وتخليه احتياطي عندك او ركب السبير

[بن شمروخ]

والله يالغالي ان كان مسافة طويلة ... ايه نعم يضر وبقوة

مرة كنت ماشي على موتر ولد خالتي ولا علمني ان الكفر منقشع وحط رجلك على الدواسة يابن شمروخ 160 لين وصلت الشرقية ويوم وصلت بالسلامة يالله لك الحمد
الا هو يعلمني عن القشعة ... >>> لا تألني وش صار بيني وبينه وقلت بكرة ابغيرهـ
كسل ونوم وعزايم لين حل وقت الرجعة للرياض والجيب فاضي والاستبنة صغيرة قلت توكلنا على الله
بالرجعة للرياض ماتعديت الـ 120 وسبحان الله ينفجر الكفر علينا حول سعد وربك ستر لكن اعدم علينا الرفرف والقربة حقت المساحات واسلاك الكشافات ....

من المنطق انك تغيرهـ

لكن دام انا الحين بوقت الشتى ماتضر ان شاء الله لكن انبته من السرعة لا تعدى الـ 120 ولا تبعد عن الديرة الا وانت ضامن الاستبنة
ولاتسرع حتى لو كفراتك جديدة لا تسرع ترى والله مامنها فود ... الله يحفظك وايسر امرك

[volcano]

مابه خطر ان شاء الله ولا تزيد عن 140

[ابو خالد 1992]

والله يالغالي ان كان مسافة طويلة ... ايه نعم يضر وبقوة

مرة كنت ماشي على موتر ولد خالتي ولا علمني ان الكفر منقشع وحط رجلك على الدواسة يابن شمروخ 160 لين وصلت الشرقية ويوم وصلت بالسلامة يالله لك الحمد
الا هو يعلمني عن القشعة ... >>> لا تألني وش صار بيني وبينه وقلت بكرة ابغيرهـ
كسل ونوم وعزايم لين حل وقت الرجعة للرياض والجيب فاضي والاستبنة صغيرة قلت توكلنا على الله
بالرجعة للرياض ماتعديت الـ 120 وسبحان الله ينفجر الكفر علينا حول سعد وربك ستر لكن اعدم علينا الرفرف والقربة حقت المساحات واسلاك الكشافات ....

من المنطق انك تغيرهـ

لكن دام انا الحين بوقت الشتى ماتضر ان شاء الله لكن انبته من السرعة لا تعدى الـ 120 ولا تبعد عن الديرة الا وانت ضامن الاستبنة
ولاتسرع حتى لو كفراتك جديدة لا تسرع ترى والله مامنها فود ... الله يحفظك وايسر امرك

عندي احساس ان كفر موترك برجستون هذي حركاته لازم يظف الرفرف معه وكم فيش ؟؟؟

[س6ك7ب]

انصحك تغيره لأن الشق كبير وأي حرارة أومسمار وأنت على سرعة .... الله يستر
نصيحتي غيره أقل شي تنفك من شر الوسوسة
يكمن يضرب الكفر ولا ما يضرب
بالتوفيق

[مسفر الاكلبي]

الروح اغلى من الكفر يا سنايدي

وفقك الله ورعاك

[السلمان2010]

اقول غيره !! وخل عنك التساهل انت رجال راعي سفر
والروح غاليه وانا اخوك

[بيك اب 4X4]

وش اغلى الروح او الكفر ؟

غيره الله يحمينا و يحميك

[جون الشمالي]

اخوي اهم شي روحك غيرها

[النتاوي]

انتبه تتعدااااااا 80 على هذا الكفر

والله يا خوي .. نفس القطع في الكفر عندي .. والحمد لله أسافر عليه

وما شكيت منه.. بس فسه مشكلة لا بد تنتبهلها ..

القطع هذا معرض للبنشر في أي وقت ..

وترى السرعة وأنا أخوك ما فيها إلا الهلاك ..

[بن مانع التميمي]

ماعليه خوف ابد

وخذها مني

ولاتتعدا 140

[يريور عيمان]

حياكم الله
ما قصرتوا في النصح و الارشاد
انا اليوم رحت عند البنشرشية و شاورت 3 منهم و من محلات مختلفة و عاينوا القطع و الكل قال ان القطع ما فيه خطورة و ان الكفر قوي
و على نصايحكم ان شاء الله ببدله بالاحتياطي لقطع الوسواس