سييرا z71 1500 استفسار

[مكشآتي للآخر]

السلام عليكم
إخوآني انا شريت لي سييرا z71 2010 1500
حرارة الترانسمشن توصل معي لاشغلت الدبل 82 هل يضر بالقير؟؟
وهاذا بالشتاء كيف بالصيف؟؟؟ افكر اركب له مبرد قير الكبير لاكن وين احصلة؟؟
وتنصحوني اركبة ولالا؟
وافضل مكان للكنود وين؟؟
والوكالة يقولون لي المكينة 5.3 يعني 5300 تعآدل كم حصان؟؟ وكيف اعرف هي
5300 ولا 4800 ؟؟ والمرايات الي تحت الصغيرة لها تحكم اكتروني؟؟ ولا يدوي؟
ويعطيكم العافيه مقدمااا.!

[شوير الشيخ]

السلام عليكم
مبروك الموتر يعطيك خيره ويكفيك شره
سؤالي: ايش موديله وكيف قيادته معك وبكم اخذته ووش مقاسه غمارة وغمارتين
وليش ما أخذت نوعhd
وهل تنصحني بالشراء

[تناهيت]

هلا بك اخوي ومبروك عليك السيرا والله يعطيك خيره ويكفيك شره وزين ما اخترت


بالنسبة لأستفساراتك برد عليها تباعاً على حسب طرحك :


1- حراراه القير طبيعي ترتفع مع الدبل وفي الصيف توصل معك الى 90 و95 بدون دبل على حسب استخدامك للموتر .
2- كانك راعي مراقى وتطعيس انصحك تركب وقمته مابين 300 -500 حسب بلد الصنع وفهي مراكز متخصصه تركبه لك وتقدر تطلبه من الخارج اذا بغيت راسلني اوصلك لشخص يطلب قطع باستمرار .
3- الكنود ما ادري عن احسن مكان له لاكن اشوف الشباب معهم متنقل وتقدر تثبته مقابل التكايه بقاعده .
4-مكينة 5300 سي سي تعادل 315 حصان تقريبا عند 5200 آربي ام وتقدر تعرفها عن طريق الحرف المكتوب في الخانه الثامنه من رقم الشاص (ارجوا منك ذكر الحرف او الأفضل تكتب لي رقم الشاص كاملا).
وايضا غطا الفلتر عندك فيه استكر متكوب فيه الحجم تحصل مكتوب 5.3 أو 4.8 .
5- مراياتك الحجم الكبير مثل الي في الصورة ادناه وتكون مقسمه اللي فوق تماتيك والاسفل يدويه وعز الله اني اقدر هذا النوع معطي شكل هيبه خاصه على حجم 2500 و3500 مثل اللي في الصورة والرؤية من خلالها واضحة جداً خاصه في الأماكن الضيقه والخطوط .







للعلم

1-موترك فيه دف لوك الكتروني

2-وتراكشن تحكم من عندك تحت المسجل فيه زر خاص له في النفود لا تنسى تفصله عشان تستمتع أول زر من اليمين في آخر الصورة أدناه .





3-وايضا الأفضل تستخدم التوب ترونيك في المراقى القوي ونمره رقم 3 حلوه .
4- القير 6 سرعات( نمر ) .

تحياتي

[مجنون نحم]

عز الله ان تناهيت بيض الوجه

[تناهيت]

اهديك هالمقطع
مكينة الشفر هذا 5300





وهذا المقطع يقولك مع السلامه واستمتع بالموتر

[aboeyade]

أنا معي تاهو 2008

وإذا شديت على الموتر بالتطعيس بدون تنسيم للكفرات توصل درجة حرارة القير لـ 110

وإذا نسمت الكفرات ما يوصل للـ 100 (للمعلومية جنوطي 20)

وسبق وإن سألت فني بالوكالة قال عادي لحد 120

[مكشآتي للآخر]

يعطيكم الف الف عافيييه على هالشرح والي يسئلني عن الموتر اقولة عزالله انه موتررر
وعلى فكرة انا اخذت غمارة وحدة فقط ..
وبالنسبة للتراكشن الي هو مانع الانزلاق وانا مطفية تطلع لنبة صفرا بالطبلون لاكن اثناء التطعيس احس انه
الدعاسة تهتز لاطعست .. وبالنسبة لعداد الزيت اذا كنت موقف ضغط الزيت تحت ال275 واذا مشيت 275 هل يضر؟الظاهر ناقص الزيت مادري ..

[تناهيت]

هلا بك اخوي

بخصوص اللمبه هذي لمبه التراكشن اللي في الطبلون تولع معك اذا فصلت التراكشن والعكس صحيح

وبخصوص العداد اللي تقول هذا مو خاص بمستوى الزيت هذا يعطيك قراءه لضغط طرمبة الزيت وقوه دفع الزيت للمحرك ووضعها طبيعي معك الى الثلث وتزود مع الدعسه ويكون الامبير ثابت عند الوقوف التام وهكذا ....
الزيت وصلاحيته قراءته من خلال الطبلون من لوحه التحكم يعطيك الصلاحيه وضغط الأطارات وحراره القير ....الخ

تحياتي

تحياتي

[aboeyade]

يعطيكم الف الف عافيييه على هالشرح والي يسئلني عن الموتر اقولة عزالله انه موتررر
وعلى فكرة انا اخذت غمارة وحدة فقط ..
وبالنسبة للتراكشن الي هو مانع الانزلاق وانا مطفية تطلع لنبة صفرا بالطبلون لاكن اثناء التطعيس احس انه
الدعاسة تهتز لاطعست .. وبالنسبة لعداد الزيت اذا كنت موقف ضغط الزيت تحت ال275 واذا مشيت 275 هل يضر؟الظاهر ناقص الزيت مادري ..

إذا كنت إنه الدعسه تفصل وأنت تتطعس

فلازم تضغط ضغطه طويلة لين تطلع لك رسالة على الشاشة (جهاز الثبات مطفأ) , لأنه بكذا يفصل التركشن و الستابلي تراك

---

بالنسبة للزيت فعادي يكون تحت النص إذا السيارة واقفه وإذا مشيت يزيد حسب دعستك

[مكشآتي للآخر]

1GTPKVE08AZ235208 رقم الشاصي