اخواني من الكويت ..المساعده

[falcon 1]

السلام عليكم ورحمة الله وبركاته
مساكم الله بالخير جميعا ..كيف حالكم يالربع عساكم طيبين ومرتاحين

اخواني ادورلي مكان بالكويت يفصلي سلة للنيسان باترول .وين اقدر احصلي واحد شغله مضبوط ونظيف.

الله يجزاكم خير
والسلام عليكم ورحمة الله وبركاته

[الخفاره]

السلام عليكم فيه بصناعية الفحيحيل خلف مركز سلطان اللي وجهه شرق احسن من اللي وجهه غرب

[falcon 1]

الله يجزاك خير اخوي الخفاره على ردك الطيب وتعاونك الطيب وبيض الله وجهك
اخوك فالكن 1

[النداوي الهدد]

فيه واحد في جليب الشيوخ اول ماتعدى الجمعية بإتجاه الغرب يصير على يسارك بس ترا موقعة غير واضح وشغله ممتاز وسعره معقول

[AL-LUCKY]

السلام عليكم
في كراج اسمه كراج السوري كان محله في الجليب وانتقل الى الصليبية الصناعية اسأل عن مكانه يعلمونك ان شاءالله وهذا شغل كامل للسفاريات

[abo_hoor]

وعليكم السلام ورحمة الله وبركاتة
حياك الله اخوي فالكون 1 والله
ياهلا ومرحبا فيك بالكويت
اما بخصوص سلة اللي فوق عندك صناعية الجهراء وفيه صليبيه وشيوخ طبعاا معروفين
بس والله يااخوي ماعرف عنهم شي يعني محل بعينه اقدر ادلك عليه
وان شاء الله بسال وارد لك خبر يالغالي واسمحلي على القصور

[كويتي المكشات]

السلام عليكم ورحمة الله وبركاته

اخوي فيه واحد بصناعية الجهراء سوري وشغله مجرب وطلبك موجود عنده عنوانه صناعيه الجهراء بين كراج القطري وكراج انوار تيماء

[falcon 1]

السلام عليكم ورحمة الله وبركاته
مرحبا بكم جميعا ...الله يجزاكم عني الف خير وبيض الله وجيهكم حميعا عسا الله يوفقكم ويرزقكم من واسع فضله يالربع .
واشكركم شكر جزيل لتعاونكم الطيب وردودكم المشرفه.
والسلام عليكم ورحمة الله وبركاته
اخوكم
فالكن 1