ابي شوركم ياراعين الددسن

[ابو يوسف GX-R]

صبحكم الله بالخير انا شريت ددسن 2011 مادري وش افضل زيت تحطونه ابي رايكم وشكرا

[جال النفود]

الله يطعمك خيره ويكفيك شره

ويا عساه مركوب السلامة

الددسن موتر طيب ما هو معقد مثل مواتر الكهرب أموره طيبة

شوف الكتالوج وش يقول ؟

[sgl2002]

الله يبارك لك فيها ...


شف ياخوي .. أنا أكثر مااستعملت من السيارات هي الدداسن سواء بخاخ والا كلبريتر ...


وأفضل زيت لها ولاتحط غيره اللي هو (( سوبر جيتي علبة بلاستيك سوداء )) كنت أغيره كل 6آلاف مع السيفون ...

[ابوصالح77]

أخوي سلمك الله
من واقع تجربتي لأغلب الزيوت لشركات متعددة لا يوجد أفضل من إلتر 7
لا ينقص ولا يقلب لونه
أما الأنواع الأخرى تغيرت جودتها

[الغلاء كله]

اخوي مالك الا الوكالة لانك اذا غيرت عند بنشر غير حق الوكالة يروح الضمان عليك حق السيارة وانت شف الوكالة وش يعبون زيت واذا خلصت مغيرة عاد اذا تبي تغير ببتشر استخدم نفس الزيت الي غيرته عند الوكالة
وتقبل تحياتي

[صيادالجبيل]

اسأل وكالتة ولا شف الكتالوج الله يعطيك من خيرة ويكفيك شرة

[مخاوي نحله]

السلام عليكم بإمكان الاخوان الرجوع لهذا الرابط سوف تستفيدون منه اكيد
http://www.mekshat.com/vb/showthread.php?t=364714

[HCW]

استاذي الكريم من واقع تجربه اكثر من 5 زيوت لمده 16 سنه

موبيل XHP 15-40

في الشتاء يستحمل الى 7000- 9000 كيلو
في الصيف اقصى حد 5000 كيلو

اهم شي في الزيت هو اللزوجه بعد مده من الاستخدام ولا تشيل هم ان اللون تغير

اهم نقطه مع كل تغيره زيت غير سيفون نصيحه جدا مهمه لانك لو ما غيرت راح تخلط الشوائب اللي موجوده بالسيفون من الزيت القديم مع الزيت الجديد و انت كذا تزيد الطين بله.

السيفون بالوكاله اتوقع ب 17 ريال اصلي اشتر كرتوت يكفيك سنه اونص او اكثر و ارخص من البناشر و اغلبهم يبيعون تجاري و ب 25 ريال


بالتوفيق

[اليامي 911]

انصحك بسوبر جيتي اكثرهم يمدحونة

[ابو يوسف GX-R]

الله يعطيكم العافيه والله مندون شوركم مادري وش كنت ابسوي الله يسهل اموركم ودربكم شكرا

[أطلال نجد]

كل الزيوت زينة ومتقاربة إلى حد كبير
خصوصاً زيت كاسترول ، سوبر جيتي ، إلترا 7
المهم أنك في فصل الشتاء ما تحرص على استبدال الزيت قبل الـ 10 ألاف ك.م مع استبدال السيفون
وفي الصيف كل 5 ألاف ك.م مع السيفون
طبعاً المعدل هذا حسب استخدامك للسيارة، فإذا كنت راعي تطعيس ومطامر وسرعة زايدة ستضطر إلى استبدال الزيت في مسافة أقل من ذلك
وألف مبروك إن شاء الله والله يطمعك من خيره ويكفيك شره

موفق للخير