السلام عليكم ورحمه الله وبركاته
أهلاً وسهلاً بالمكشاتية
موقف حصل لي البارح .. غررريب جداً وبنفس الوقت قلت من حق البنقاليه والهنود يضحكون علينا ..
كنت بأحد محلات الكمبيوتر .. وصديقي قاعد ينتظرني بالسياره .. المهم خرجت من المحل وأشوف خويي واقف مع إثنين شباب وفاتحين كبوت سيارتهم .. المهم جيت وخويي قالي الرجال خربانه على سيارته .. شوف وش فيها ..
المهم رحت دقيت سلف .. وطلع البطاريه قاضيه .. باقي له إشتراك .. وشفت جك مويه على الكبوت .. وقلت له :
الحراره مرتفعه عندك !!! .. قال لا بس السياره ماهي راضيه تشتغل قلت يمكن من الأديتر !!!!!!!!!!!
يا لطيف يا جماعه وصل فينا الحال لهدرجه .. والجهل ..
بس للأمانه ما أستغرب هذا الشيء لعده أسباب :
* مره من المرات قبل العطله رحت للمعهد الصناعي وسألته إذا فيه دورات لو بفلوس بالسيارات والميكانيكا. . وقالي المدير للآسف مافيه ..
· السبب الثاني : مفروضاً يكون فيه شرح عملي لما الشخص يطلع رخصه سواقه .. يعلمون شبابنا على أجزاء السياره ( حتى لو شرح مبسط في حدود الساعه ) ..
· حنى للآسف تعودنا على العماله الأجنبيه .. وعيالنا تعودوا عليها .. والغلط الأكبر الامبالاه
( في الختام أحب أن أشكر كلاً من : بدوي جنوبي .. أصيل حجازي .. )
لأني كنت أستشيرهم بأغلب الأمور .. ومن أشد المتابعين لمواضيعهم أول بأول .. فشكراً لهما على ما قدماه لنا في هذا المنتدى الراقي