يجماعه عندي باجيرو 2008 مشكله بالطعس

[عاشق نوف]

مشكلتي انه إذا دقيت الدبل بالتطعيس الموتر يشيل عزمه وبعدين تطلع عندي مانع الأنزلاق
ويمسك الموتر ويخق عزمه ويوقف هذي مشكلت الباجيرو والله جني سايق باص مدرسه وناسي الطلاب بالمدرسه

[ابونبيل]

افصل مانع الانزلاق اول قبل لا تخش تراب

[عاشق نوف]

اشلون الطريقه بارك الله فيك اخوي بونبيل

[عاشق نوف]

دلوني بالطريقه ويفضل بالصوره

[ابونبيل]

والله مالي خبره بالباجيرو بس المعروف ان في السيارات زر مرسوم عليه سياره واثار انزلاق وراها (مثل ماتقول خطوط تفحيط)
اغمز الزر همن تمش لان اذا شبكته ودخلت البر يخرب التراكشن=مانع الانزلاق

[مولع بالطير]

اخوي مشكلتك هينه انشالله شف مانع الانزلاق بالسيارات الجديده يجيك شغال علي طول بغلب السيارات فيه سيارات له دقمه تفصله وهاذا قله فا انت لازم تروح لمكانيكي ناجح ويركبلك الدقمه عشان تفصله متي مابغيت وذا ماتبي احد يعبث فيه رح لمكانيكي وخله يعلمك وين المكان الي تقدر تفصل سلكه من الكبوت عشان ينفصل المانع وهو يعلمك اتمني اني افدتك

[volcano]

عندك زر اسفل الدركسون ACS او يشبهه اضغط عليه راح تولع لمبة الانزلاق في الطبلون بعدها تقدر تطعس عادي لكن لما تجي ترقى طعس عالي يشتغل على خفيف والحل اثنين انك تشيل فيوز الاي بي اس قبل التطعيس وترجعه بعده او تروح لكهربائي ويركب لك فاصل له تشغله وتطفيه وقت ما تبغى وكثير سووها وبالتوفيق ,

[عاشق نوف]

بارك الله فيكم اخواني لاكن بعض الكهربائي بدل التصليح يخرب عليك شي كثير وتعال رقع
ابي شخص معه باجيرو وجرب الشغلات هذي وصار معه وشاكر لخواني إلي فادوني

[عاشق نوف]

دلوني على كهربائي شاطر

[ابونبيل]

علم الجماعه موقعك وماهم مقصرين

[عاشق نوف]

موقعي بالكويت

[رعب الصحراء]

مشكلتي انه إذا دقيت الدبل بالتطعيس الموتر يشيل عزمه وبعدين تطلع عندي مانع الأنزلاق
ويمسك الموتر ويخق عزمه ويوقف هذي مشكلت الباجيرو والله جني سايق باص مدرسه وناسي الطلاب بالمدرسه

اخوي عاشق نوف ان شاء الله ابفيدك معاي باجيرو 2008 فل اوبشن من السعودية
اتبع الخطوات التالية بحذافيرها خطوة خطوة انتبه زين ركز لا تحوس نفسك :

1- طف السيارة و حط المفتاح بجيبك .( مهممممممممه جدا ).
2- افتح الكبوت و للعلم السيارة طافيه .
3- شف علبة الفرامل بالجهة اليسرى من السيارة خلف البطارية طالع منها مجموعة السلاك مع بعض تتبع سيرها تلقى في نهايتها كلبس واحد لونه اسود و الثاني لونه رصاصي( تراهم اثنين مستقلين عن بعض ).
4- افصل الكلبس الرصاصي من مقبسه .
5- شغل الموتر و بتلقى اللمبات التالية ولعت إذا ً اوقفت مانع الانزلاق من العمل حتى ترجع الكلبس مكانه اللمبات هي التالية (لمبة الهاند بريك- لمبة asc ماني متأكد بس هي حروف انجليزية-و لمبة ثالثة ما ني متذكرها )

(((نصيحة إضافية : عاير الكفرات على 15 ))))

إذا أنتهيت من التطعيس و ودك تروج للبيت إعمل التالي علشان تسمح لمانع الانزلاق بالعمل :

1- طف السيارة و حط المفتاح بجيبك .( مهممممممممه جدا ).
2- افتح الكبوت و للعلم السيارة طافيه .
3- رجع الكلبس لارصاصي مكانه و اهم شي لا زم تسمع صوت تكة صغيرة اذا دخلته مكانه .
4- شغل موترك و تأكد كل اللمبات سالفة الذكر انمحت من الطبلون و ما بقي الا حقت حزام الامان.

أستودعك الله الذي لا تضيع ودائعه أعتذر على الاطاله و على الجمل غير المرتبة.

[هاوي موتري96]

اخوي في الباجير اذا بغيت تشيل مانع الانزلاق لازم تعشق الدبل الثاني الباجيرو ييجي ثلاث تعشيقات التعشيقه الثانيه يفصل مانع الانزلاق تلقائيآ من نفسه
ان شا الله اني افدتك

[عاشق نوف]

مكشورين يشباب على ردودكم الحلوه وان شاءالله بتبع خطواتكم
وبارك الله فيكم كل من شارك

[عاشق السيل]

بس خلاص عطاك إياها رعب الصحراء وقال اللي ناوي أقوله الله يبيض وجهه !!!

وعلى فكرة بالنسبة للزر حق مانع الإنزلاق بالباجيرو مايسوي أي شي مفصول أو مشبوك لازم تفصل القابس اللي بالكبوت مثل ماشرح لك أخوي رعب الصحراء ،،، أما اليوكن فإذا فصلت الزر تقدر تدخل البر !!!

وفق الله الجميع .....