افضل فرارات ( تحضيره ) لاندكروزر من 2001 الى 2005

[ابو جملا]

اخواني سلام عليكم ورحمه الله وبركاته

حبيت استفسر وش افضل نوع فرارات للدبل

البرازيليات ارخص ومادري عن استخدامهن
والوكاله عندهم ب1400 ريال


وش رايكم وننتظر مشاركتكم

[الطير الطائر]

تكفى اذا لقيت حل اطرحه هنا -- لاستفيد ويستفيد غيري

انا مثلك ادور فرارات للدبل -- موتري لاندكروزر 2001 - وش رايكم يقولون الفرارات تريح المكينه وتقللمن صرفيه البنزين افيدونا يا اصحاب الخبرات -- الله يجزاكم خير وينفع بكم الجميع

[ماجد الحايلي]

اخوي ارجو منك السماح لي بمشاركتك موضوعك
والله اني كنت ناوي اكتب
موضوع استفسار عن الفرارات
لانه عندي جيب ربع 2008 وودي اركب
عليه فرارات ولا ودي تكون بارزة بالحيل
وماادري هي تنفعه او لا
ياليت تفيدوننا عن النوع المناسب

[M.60]

مفيده جداً بس لقيتوها عطوناهاتكفون

[حضرة الظابط]

موفق خير ... ولك مني اجمل تحية

[متعب السليمي]

هل يوجد فرارات غير بارزه
وياليت توضع صور لانواع الفرارات

[بيارق 312]

انا مجرب البرازيلي الي عند السليماني من 3سنوات والى الان الحمدلله
ويركب على انواع كثيره من السيارات

[مسمار شداد]

اكيد انها تريحك من صوت العمود وتخف السياره بس بنسبه قليله ولاكن انا احس ان السياره مع الفات معاد هي براسيه مثل اول طبعا هذي تجربه قديم وانا اليومين ان شاء بركب في الجيب لاني احس فيه صوت في العمود

[راعي الشروكي2]

السلام عليكم

انا مجرب حقت السليماني ماتنفع ابد لانها خربت علي ورجعت لمهم وقالي ماعليها ضمان وفكيتها علي حسابي عندهم ونفس المشكله مااستفدت اي حاجه واخر شي تكسرت علي بالبر والحمدلله ان فلنجات الوكاله كانت معي ولا كان كلتها خابور لاكن ربك ستر

[youssf]

على فكر ترى ماتركب على التماتيك

[راع الحيزى]

السلام عليكم ........عن تجربه....
افضل فرارات للاندكروزر ,,,, ASIN الياباني الاصلي ... تحصله عند الوكالة او بعض موزعين قطع الغيار الاصلي ...... لكنها غاليه ..... بس تستاهل
جربت البرازيلي على في اكس ار 2001 من عند السليماني ... رخيصة 500 ريال لكنها ماتتحمل الكرف... الجهه اليسرى خربت معي بعد استخدام سته شهور.

اهم شي اذا ركبت اي فرار تنتبه للأمور التاليه:
1- بعد تركيب الفرار... تفك الكفر وتشوف يطلع الجنط بعد تركيب الفرار و لا لا....حصلت في مواتر كثير بعد البنشر ماقدروا يغيرون الكفر إلا بعد فك الفرار.
2-احتفظ بالفلنجات الاصلية معك في السيارة مع الوجيه بحالة سليمة ومفتاح مسدس او امريكي مشرشر... لأنه ربما تخرب عليك الفرارات وانت في مكان بعيد وتحتاج ترجع الفلنجات الاصلية.

موفق للخير

[متعب السليمي]

عندي الجنوط هلل
هل تجي فرارات الوكاله بارزه
فيه نوع وارن
ايهما اللي يجي بارز الوكاله والا وارن
الصوره اللي بالاسفل وش نوعه وكم قيمته وهل هو عملي

[sameer_1798]

عندي الجنوط هلل
هل تجي فرارات الوكاله بارزه
فيه نوع وارن
ايهما اللي يجي بارز الوكاله والا وارن
الصوره اللي بالاسفل وش نوعه وكم قيمته وهل هو عملي

كل الفرارات تجي بارزة عن الجنط وانا مركب حقت السليماني على هلل
والفرار اللي بالصورة من تويوتا تلقاه عند النهدي او عبداللطيف جميل حاولت اركبة على جكسار 2000 وماركب معي إلا حقت السليماني من شركة AVM

وهو اوتماتيكي له وضعين :
ــ اوتماتيك : يفصل الاعمدة والعكوس ويشغلها على حسب وضع قير الدبل إذا عشقت الدبل تشتغل واذا فصلته يفصل الاعمدة (هذا تستخدمة إذابتفصل الدبل وتشغله بعض الاوقات للطواريء )
ــ لوك : يشبك الاعمدة دائماً (هذا تستخدمة إذا بتشغل الدبل دائما)

[عبدالرحمن81]

هل الفرارات تركب على لاندكروزر

قير اوتوماتيك ؟؟؟؟

[sameer_1798]

هل الفرارات تركب على لاندكروزر

قير اوتوماتيك ؟؟؟؟

يركب بس اهم شيء لايكون دفع رباعي مستمر
يعني إذا كانت الكتابة على الدبل هذه يركب : (H-N-L4)
وهذه مايركب (H-N-L) لأنه دفع رباعي مستمر