مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
طق عليه بوالين وارفعه من ورا شويه اضرب عليه هدرز مع فلتر وفالك البيرق وان كان تبيه حق مكاشيت فكمل عزبتك ورا كامله مع التانكي والثلاجه وبعد بطاريه اضافيه ولك احترامي والموتر مشاء الله عليه سكبه
اسعدني مرررروك العطر
وهدى رئي زين وحلو بس ما ادري كم يكلف ممكن الاشياء اللي دكرتها
الف شكر على الرد
ماشااء الله الله يعطيك من خيره ويكفيك شره اذا تبي الموتر سكبه وحلو وراقي ..
فك الرفارف السوود والنسافات وركب له نسافات حقت باترول سلقه وارفع الموتر خفيف من الخلف .. واذا بغيت كفرات بالون وهلل واذا ماهويتها .. ركب جنوط 17 بس شي ماراح يخسرك واهو بيضبط شكل الموتر واذا تبي زياده ركب خطوط 97 يطلع الشكل لايعلى عليه ،،
الجنوط والبوالين الجديد يكلفك 2000 ريال الهلل والجنوط 17 بكفراتها تحصل مستخدم بحدود 1200 ريال .. والخطوط اذا تبيها بحدود 120 ريال التجاري طبعا والنسافات خذ تجاري وبتحصلها رخيصه .. وموفق يابعدي ..
كـــ ن مع الله يكن معك ...
اخوي ما ادري وش وجهتك كشتات ولا تبي عزم وتطعيس ؟
المهم اخوي اول ما تسوي فك هالتضليلة والزعانف السود وركب مثل ما قالو الشباب نسافات ستاندر سعرها في بحر الـ180 وغير مساعداته حط استراليات وياي خلفي فقط استرالي
وارفعة قدام 2 سنتي و ورا مع الياي الاسترالي كعكه 4 سنتي
وغير جنوط الـ15 ذي وحط هلل وبالون وفك المرتبة الاخيرة وسق مكانها طبق وتانكي واقف واذا كنت راعي شعبان دبل مساعد الدركسون 2 جبريال
<< هذا اذا وجهتك بر وكشتات
واذا تخاف من الرفع الزايد او شي ارسلي ع الخاص اوريك صورة موتري لأني كل الي قلت مسويه بموتري
يعني عن تجربة
الله يوفقك دنيا وآخرة
فيه موضوع شبيه لموضوعك 100%
ولكنه قديم ويوجد فيه شغلات تنفعك
ابحث عنه بإذن الله تستفيد
الموضوع لشخص من الكويت تقريباً
يبي يعدل على موتره نفس موترك
والاخوان سوو له شغلات بالفوتوشوب هائله
الله يسلمك يالخالدي وماشالله عليك
وعلى ارائك الزينة طيب كيف اتواصل معاك ما قدرت على الخاص لاني جديد والادارة تطلب مني 50 مشاركة
عشان نتراسل واشوف موترك
الله يسعدك يالغالي
هدا ايميلي
بعد ادن الادارة
hmh4744@hotmail.com
اولاً الله يعطيك خيره ويكفيك شره وانا اقول من رايي وانا اهم شي عندي ماتضرر السياره بالنسبه للهدرز يلعب بالسياره وانت رجال ماتبي تسابق يومك تركبه فلذلك انا اوافق الاخوانى اللي قالو ركب بالون وغير الجنوط لأن البالون يرفع الموتر ويطلع منضره ويحافظ على تربيط الموتر اذا خليت هواه من 28 الى 30 وفك الرفارف السود ترا يطلع منضره احلى وركب عاد تجهيزات ثابته بالسياره مثل التانكي الواقف خلف المرتبه والطبق لترتيب الاغراض والتلبيسه الخلفيه ضروري ضروري ضروري وبالإضافه الى جركل البانزين اللي يجي على الباب الاخير برضه ضروري وكيف97 ماله الكشاف اللي يجي على الرفرف الامامي
ونصيحه ترا والله الهدرز مايصلح مايصلح مايصلح وانت حر 0اما الجنوط اللي بالصوره اللي انت جايب خ م ط ومنضرهن بايخ جداً كذلك الاصطبات منضرهن على ال97 ابيخ شف شكلهن طالعات برا عموماً ركز على كلامي وتقبل مروري
تنبيه تنبيه تنبيييييهمن جنوط الهلل مع احترامي للاعضاء الذين صوتو بها لانها طال عمرك تقطم البراغي وتنطلق من الهوب وتسبب حوادث انقلاب لا سمح الله وهذا واقعي وصاير وللتأكد اكتب بالشيخ قوقل بحث بالصور جنوط هلل وشف
وتقبل مروري وارجو منك ابداء رأيك بما قلت
شف ونا اخوك خل الموتر على شد بلده ولا تسوي فيه شي الا في حاله وحده
اذا فلوسك واجد ومضيقه عليك سو اللي تبي
لاكن لو تركز على الميكانيكا وتنفضه بيكون افضل من وضع الدراهم في شي غير ضروري
والبوالين خطره مع نزول الامطار ويعيبها الرجه وليست راسيه
بعدين كان السياره بيركبها عوائل لاترفع السياره نصيحه
فيه نقطه مهمه اذا كشتاتك خفيفه ولست راعي قنص وصيد خله على شد بلده
والقرار بيدك يالغالي
اهم شي بالموتر
بواجي اسلاك بواجي صفاي بنزين
تركيب بليتين اصلي يسمونه ابو جخر
وزن الديلكو و البلوف
تضبيط الكبليتر
سيور مكينة اذا كانت تعبانه
غسل الاديتر و السنلدر و التاكد من البلف و الغطاء
التشييك على زيوت القير و الدبل و الدفرنسات و عدم نقصها
اصلاح الصوف و التاكد من عدم تهريبها مثل صوف العكوس الامامية و الخلفية
صوف العمدان القير و الدبل و الدفرنسات
التاكد من رقع او طبات المكينة خصوصا الطبات اللي خلف المكينة بين المكينة و القير
وزن و رفع ميزانية الكلتش اذا كان ضعيف
تركيب كراسي بدي اصليه الحبة ب40ريال تقريبا تطلع وقفة الموتر تمام نصبه
جنوط برازيلي او اظن باجيرو + كفرات هانكوك نقشة شاهين حلوة بالحيل و سعر منطقي للكفرات
كذلك انا من ضمن المؤيدين للأخ العاذر وكديان كلامهم هم المهم قبل كل التجهيزات اللي انا وغيري ذكرها
واشكر الاخوان العاذر وكديان لانهم افادوني انا من خلال هذا الموضوع
وتقبلوا مروري
السلام عليكم
مثل مصري
اللى فلوسو محيراااه يشري حماام ويطيرو
ونا خوك تظبيط الموتر على حسب حاجتك
اذا كنت راعي مقانيص فالشباب ما قصروا
لكن اذا كنت راعي كشتات خفافية فاهتم ونا اخوك بالأمور الميكانيكية افضل لك وامد باذن الله لعمر الموتر
دمت بود
بسم الله الرحمن الرحيم
لا يهمونك والله يقويك وفلوسك بتحطها في موترك ما بتحطها في شي حرام ،،
وعجبتني المرايات الي في صورة الباترول المعدل وشنوعها ؟
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ
الذين يشاهدون الموضوع الآن: 1 (0 من الأعضاء و 1 زائر)