مشكله الكلتش بالونيت الجمس.قير عادي.

[1231]

السلآم عليكم ورحمه الله وبركاته.


الله يعطيكم العافيه جميعا,


آخواني.. انا سيارتي ونيت جمس موديل 2007 كلآسك قير عادي ..يجي نفس 2006.

السياره من اسبوع.. صآر فيها مشكله..



وهي:


اذا دعست الكلتش..وعشقت القير بـ2 تسمع صوت (تشششششششششش)


ومرات القير مايعشق ابد ..لآزم تطفي السياره ..وتعشق .بعدين تشغلها.



وديته لصناعيه.. وجميع الورش آجمعوا انه الكلتش يحتاج تغيير.



اغلبهم قالوا ..غــير دســـك +صحـــن+فحمـه.


شرينا الدسك والصحن..الفحمه ما حصلناها...........(قالوا ان الفحمه دآخل علبه الكلتش ..ولآزم تغير علبه الكلتش).


المهم..ركبنا الــدســـك والصــحن الجـــديد..


ولآكن للاسف.. توقعت السياره ترجع طبيعي..مثل مآكانت..



الى الان.. تعشيق القير مآهو سلس.. لآزم قوه.. اذا جيت بعشق من 2 الى 3 لآزم ادف العصا بقوه..


وفيه صوت طقه..





مع ان السياره اول مآشريتها مآكانت كــذا...(السياره استخدام ارامكوا).



ياليت الي موتره قير عادي..او يعرف المشكله يدلنا.



لعبوا علينا الورش..واكلوا فلوسنا ع الفاضي.




وله دعوه طيبه. ان شاء الله.



وشكرا.

[مقلع الرمث]

على مااظن سيارتك قطاع 10 اذا كانت قطاع 10 مالك الا طريقه وحده انك تغير القير كامل لقير 25 hd

عندنا اول 2006 قير عادي فاكينه وكاله اول مامشى3000 الاف كيلو تحت التمرين راح القير

رحنا ووظبناه عند الوكاله وجلس عندهم قرابه الشهر والنصف

وبعد فتره خرب والمشكله يكون بعلمك ليست من كلتش ولا دزك المشكله من نحاسات والقير حساس جداا

ومره ثالثه خرب ايضا لذالك انصحك بتغيير القير على ماقلتلك


انا سمعت انه يغير حاجات بالقير قطع من تايوتا واحد اسمه هنا ابو عبد الله ويعرف ورشه بالصناعيه القديمه

بالرياض ويضبط القير

لكن اذا بداء بالاصوات وعدم التعيشيق اصبر عليه اشوي وخلاص ماعاد يعشق ويشغلك


بالتوفيق ياخوي

[1231]

اشكرك آخوي مقلع الرمث.


على سرعه ردك..


سيارتي 2500 HD 4*4


وما اضن القير فيه شي.

الله يستر.

وجزاك الله خير.

[مطر11]

مشكور على الطرح

[amsd2002]

السلام عليكم
فيه ورشة ممتازة
ورشة الموسى في الصناعية تخصص قيرات ودبلات
رقم جوال 0507163947

[1231]

السلام عليكم
فيه ورشة ممتازة
ورشة الموسى في الصناعية تخصص قيرات ودبلات
رقم جوال 0507163947

الله يعطيك العافيه اخوي.

بس انا بالشرقيه.

[كاشت 2011]

ان شاء الله احدالاعضاء بيساعدك

اخوك/كاشت 2011

[الجوال1]

افحص زيت القير

[ابو باسل]

مشكلك إن شاء الله بسيطة
لك رسالة على الخاص

[GMC79]

المشكلة بعلبة الكلتش الداخليه بس

والله حرام تغيير كل هذا
عموما سعرها 450 ريال بس صعب تحصلها نادره اذكر اني حصلتها في الدمام بس نسيت المحل في الخضرية المحلات اللي من شرق على طريق عمر بن عبد العزيز

وفي الرياض حصلتها عند السبيعي في الصناعية القديمه