تكفوووووون فزعنكم معي خمس وعشرين الف ؤابي موتر

[عاشق القهوة]

مثل ما بالعنوان أبي موتر للولد ماتعدى قيمته خمس وعشرين ألف شوركم يالربع أبي له باترول باب أو هايلكس غماره تكفون إلي حوله لا يبخل علينا

[ABUAZIZ]

25 تجيب لك باترل بابين 96 - 97 ويمكن اجد لكن القديم افضل عن كلام ناس جربت الموديلين

[الشاايب]

يالحبيب هالقيمة تجيب لك باترول بابين من 97 وتحت

[التعـ King ـديل]

من واقع خبره وتبي موتر نظيف الخمس وعشرين يالله تجيب لك 93 ربع باترول ولا 91 ربع تويوتا ولا ونيت جمس 94

واذا تبي قرنبعات تجيب لك ربع نيسان 95 وتجيب لك ونيت جمس 98

[Inch]

يالغالي الـ 25 ألف مثل ما قالوا لك الشباب تجيب لك باترول من الـ 97 و تحت .

وتجيب لك غمارة بس البدي سلطة !!

[عاشق القهوة]

طيب لقيت باترول واحد وتسعين البدي حليل القير والمكينه شرط عليه هدرز الحرارة على الربع باب لونه رصاصي تؤه رايح عليه وجائ من الرياض كم يسوئ

[عاشق القهوة]

تكفووون ردو تراي عجل

[ذيب اللابه]

عاشق القهوه شيك على المزادات الحكوميه ترى فيها رخيص ولا تاخذ شي مرهم من الهدارز والفرارات
والمراوح لانه يقلل من عمر المكينه

واتمنى لك التوفيق

[عاشق القهوة]

والله لقيته ب- خمس طعش ألف أحس انه رخيص

[شقرآآآوي]

خوفك تشتريه بـ 15 ألف ..
وتصرف عليه 15 ألف ثانية من بلاويه ..

شوري لك دور على شيء لقطة ولا تستعجل ..

وأنصحك تشوف المزادات الحكومية ..

وأتمنى لك التوفيق ..

[المدير1]

الددسن الغمارتين وبس

[عاشق القهوة]

طيب وين مكان المزادات بالقصيم وفيه شيء قريب ؟؟؟