وش المشكله ام هو شي عادي افيدوني ياهل الباترول

[ابوبندر111]

السلام عليكم ورحمة الله وبركاته
عندي باترول 2010 اخذته وكاله الشكل القديم ابو رفارف سود بس عندي مشكله بس اتمنى انها تكون عاديه تطلع معاي ريحه عند مااوقف واطفي السياره تشبه ريحة الا لعاب الناريه وقالي واحد هذي ريحة الوكاله من الحديد اللي بطنه طبيعي فتره وتروح والأن ماشي 6000 كم ومازالت الريحه ارجوا اللي عنده معلومه يردلي وشكرا لكم

[قناص خلاوي]

وعليكم السلام ورحمة الله وبركاته
ماشاء الله الله يطعمك خيره ويكفيك شره
ريحة الحراق تطلع اذا كان فيه تهريب زيت بصوفة العكس
وتقدر تعرف اذا شفت الهوبات الخلفية من داخل عليها زيوت او لا
وموترك ماشاء الله جديد ماظن أمداه يهرب وتخرب صوفه ..
ع العموم مر لك محل غيار زيت وانزل بالحفرة وشيك على الموتر
وان شاء الله الدعوى عادية مافيها خرابات .

[ابوبندر111]

وعليكم السلام ورحمة الله وبركاته
ماشاء الله الله يطعمك خيره ويكفيك شره
ريحة الحراق تطلع اذا كان فيه تهريب زيت بصوفة العكس
وتقدر تعرف اذا شفت الهوبات الخلفية من داخل عليها زيوت او لا
وموترك ماشاء الله جديد ماظن أمداه يهرب وتخرب صوفه ..
ع العموم مر لك محل غيار زيت وانزل بالحفرة وشيك على الموتر
وان شاء الله الدعوى عادية مافيها خرابات .

الله يجزاك خير مافيه اي تهريب وقبل فتره شيكت للوكاله على 1000كم شكرا لك يقناص خلاوي

[shabrsh]

السلام عليكم ورحمة الله وبركاته
عندي باترول 2010 اخذته وكاله الشكل القديم ابو رفارف سود بس عندي مشكله بس اتمنى انها تكون عاديه تطلع معاي ريحه عند مااوقف واطفي السياره تشبه ريحة الا لعاب الناريه وقالي واحد هذي ريحة الوكاله من الحديد اللي بطنه طبيعي فتره وتروح والأن ماشي 6000 كم ومازالت الريحه ارجوا اللي عنده معلومه يردلي وشكرا لكم

تصدق وانا اخووك عندي نفس الريحه ددسن 2011

وتصير وااضحة اكثر اذا شغلت الموتر داخل البيت

والله اني وششيت اول شيء بس يووم فحصت 5000كم ما قالوا شيء والحين ما شيء 6070 كم

[رحّال 9]

ايه عاديه وتروح بعد فتره هذي ريحه الوكاله خاصه بالنيسان فقط هههه

لاتخاف وانا اخوك ريحه عاديه والله يطعمك من خيره ويكفيك شره .

بالتوفيق.

رحّال 9

[ابوسند9]

اغسل السياره بستم وجرب

[بدوي جنوبي]

اغسل السياره بستم وجرب

تغسل بستم انتبه
رجعها للوكاله وخلهم يكشفون

[احب الخلا]

هذي سيور وعني مجرب في ددسني

[ثاقب]

السلام عليكم
لا تشيل هم .. ستتلاشى الريحه بطريقه تدرجيه حتى تذهب ,,وهي شبيهه برائحة الكبريت المشتعل والله ليست مشكله ابداً وقد تشمه ا احياناَ من بعض السيارات إذا ما مرت من من جانبك بسرعه وخاصه إذا كنت فاتح الهوايه.. فهي حاله صحيه ومؤقته للسيارت الجديده,لا تروح للوكاله ولا تتعبهم ويتعبونك مع إحترامي الوافر لمن اشار عليك بالوكاله,,والله يعطيك من خيره ويصرف عنك شره, احسنت الإختيار,, إحرص على تنظيف فلتر الهواء ما استطعت فهو بالغ الأهميه. تحياتي

[عاشق الغضا]

هذي ريحة الكنداسة لااكثر ولا اقل

[مقلع الرمث]

اي سيارة جديده يطلع منها ريحه اكتره حتى تمشي تقريبا 10 الاف وممكن اكثر

انا كان معي كامري وباترول فيها ريحه والروائح عادتن ماتكون من العوازل حول الشكمان والقزوز بالتوفيق

[ابن علوان]

هذي الريحه موجوده في اكثر السيارات ولكن بنسب متفاوته وهي تصدر من المحول الحفاز (دبة الرصاص )
وهي عااادي جدا بتنقص تدريجيا لان سيارتك باقي جديده
نصيحه لا توسسسسسسسوس كانت عندي في السفاري ورااااااااااااااااحت

[صبي هذيل]

عايدي طبيعي وبعد وقت بتروح حتى لو مشيت ومشا شخص وراك وشديت للموتر بتحصل الريحه وبعد وقت تروح خذ علم ولاتشغل عمرك مجرب
مع احترامي الفائق لردود الاخوان وشكراً

[خيال شاب]

خذ العلم مني هاذي طال عمرك دبة التلوث خاصة ايذا كنت داعس للموتر قبل الوقوف صح


فكه وشف الفرق بالعزم حتى حرارت الموتر تنزل فقط فكه وشل الشخال اللي داخلها خلها فاضيه مره

وشكرا

[sgl2002]

ياحبيبي لا توسوس ولا شي امش وطنش ترى النيسان إذا جلست تدقق بيتعبك واسأل مجرب ...

والأمر كله طبيعي حتى أنا معي شاص بريمي ماشي 90ألف ويطلع ريحة مثل ماقلت وهذا سببها دبة التلوث ومامنها ضرر ولاتفكها ترى يطلع الموتر عليه أصوات مزعجة ....


لاتغير بوكالة السيارة شي أفضلك في الاستخدام والبيع