الكفرات الحجريه

[ذيب الديماكس]

السلام عليكم ورحمه الله وبركاته
ياخوان انا معي باثفندر 2005 وودي اركب كفرات حجريه مع هلل طبعا ابي اشقل الموتر بيايات استراليه وتكفون يالمكاشيت فزعتكم وش احسن وارخص الكفرات الحجريه ووش انسب حجم انا راعي شعبان وجبال وابي القاسي الي يتحمل ويعيش لاهنتم والي يخبر مستعمل لايبخل علينا لا تفشلونا يالمكشاتيه
اخوكم الذيب

[رحّال 9]

ونا اخوك اتوقع الكفرات ما تسال عن السعر كثر ما تسال عن الجوده .

ومن ناحيه الجوده والاستعمال الناس اللي مجربين ينصحون بالدنلوب .

لانها تكد ولا يعوقها شي لكن يعيبها صوت يطلع في الخط فقط ومطب قاسي بعض الشي.

على العموم انا انصحك فيها وننتظر باقي الاعضاء يفيدونك عن الاسعار .

تحياتي لك وبالتوفيق .

رحّال 9

[أبوالمثنى]

وأنا أخوك ما أضن أن الهلل يركب على الباثفندر

لكن ماني متأكد

لكن خلني أقولك تجربتي

أنا موتري باجيرو وجنوطه الأصلية هلل ركبت عليها دنلوب حجري مقاس 16 235 85 (الي تجي على الهدد القديم وكالة)

سعرها يوم أشتريها كان الكفر الواحد بـ 450

الموتر خلقه أرتفع لأن الكفرات رفيعه

بالنسبه للشعبان والجبال فهو ممتاز جدا ويتحمل بشكل ما تتصور وبالنسبه للنفود يعني صراحه يبي لك تنسم 15 وسيء شوي برضه

لكن أنا أنصحك فيها واهم شي أهم شي تأكد أن الدنلوب أصلي مو خليجي

وأي استفسار أنا حاظر

[ذيب الديماكس]

السلام عليكم
اخوي رحال ............الله يجزاك خير ومشكور على تنبيهك على صوت الكفرات ومشكور على مرور وماقصرت
اخوي ابو المثنى...........اخوي انا سالت واحد من الربع معه باثفندر2005 مثل اللي معي ومركب هلل بس على كفرات ماكسس عاديه بس الله يجزاك خير على التنبيه من ناحيه الاصلي والخليجي ومشكور على مرورك
وحرم الله وجيهكم عن النار
اخوكم الذيب

[الطرس ممدوح]

موضوع جميل ومفيد

[ذيب الديماكس]

اخوي الطرس
مشكوور على مرورك

[كشات 64]

مرحبا بكم انا من وجهة نظري و الله تعالى اعلم ليش ما تركب كفرات لجميع التضاريس احسن وافيد لك بكل مكان و بالتوفيق

[ذيب الديماكس]

اخوي كشات........انا جربت بعض انواع الكفرات بس الحجريه افضل لطرقيه البر والقنص واقوى بكثير لان كل انواع الكفرات الي انا حاطهم اكثرهم تقطعت
ومشكور على مرورك
اخوك الذيب

[ذيب الديماكس]

لررررررررررررفع
وياخوان الي عنده كفرات حجريه شبه جديده اهم شي كنه جديده والحجم نفس اللي قاله ابو المثنى ولكم جزيل الشكر
اخوكم الذيب

[العرض داري]

الدلوب او البرجستون كلها مجربه وناجحة

[Lion a Heart]

حتى انا ودي بها ويارب تحصل مرادك

[ذيب الديماكس]

اخوي العرض داري انا اشهد على كلامك........ومشكووور على مرورك
اخوي ليون والله مدري اسمك كذا او خطا انا عليمي بالانقليزي امين الله يجزاك خير ...........ومشكور على مرورك
اخوكم الذيب

[صدق النوى]

عندك الكفرات الدنلوب ام لبنه افضل كفرات الحجرية الي جربتها
ممتازه جدا في البر والطلعات
عيبها فيها صوت في الخط
جربتها وممتازه مرررررره على الباترول
اتمنا لك التوفيق

[ذيب الديماكس]

اخوي صدق النوى
جزاك الله خير ومثل ماقلت انها ممتازه بس الصوت عيبها ولا هي مايعيقها شيء
مشكوور على المرور

[طير شلوى نجد]

كفرات عندي ممتازه ما بعدهن الا البالون بس تخبرون مشاكل البالون وقصر عمرة