فزعتكم رحم الله والديكم ((سؤال عن معارض الشارقه))

[و لد ملهم]

بسم لله الرحمن و الصلاة و السلام على أشرف الأنبياء المرسلين ...

بعد ما ذهبت إلى معارض السيارات في الرياض تتفاجأت بأسعار السيارات المستوده مقاربه للجديده فقررت الذهاب إلى الشارقه بأذن الله و أحببت أن أستفيد من خبراتكم

1-أفضل المعارض للسيارات المستورده الأمريكيه بمدينة الشارقه .
2-الأوراق اللازمه للمعرض لتسجيل السياره و أوراق الجمارك .
3-أفضل أماكن فحص السيارات في الشارقه.
4-معرفة مبدأيه عن نظافة محرك السياره و القير بالنظر و الفحص الشخصي .

[الوزير 111]

والله ما عندي خبرة...
يعلمونك الربع...
تحياااااااتي الوزير 111

أبو خالد...

[ن م ر]

اخوي ولد ملهم :

افتح باحث قوقل لمكشات واكتب فيه شراء سيارة من الامارات او طلبك اللي تبي وبتلقى مواضيع كثير فيها معلومات وشرح وافي عن كل ما يدور في ذهنك من أسئلة

للمعلومية : باحث قوقل لمكشات تلقاه في أعلى الصفحة تحت الشريط المتحرك لأحدث المواضيع


لا تنسانا من الدعاء

[السنع كله]

لقد وجدت الخبير سكنت في الامارات سنوات اعرفها معرض معرض ورشة ورشة
اولا حتى تعرف الامر على صبحته اغلا السيارات هناك هي المسموح بتصديرها لنا لانه الى موديل كذا لايدخل المملكةوماكان اقل منه ولو بسنة وجدت الفرق الوف كثيرة فان وعيت هذا
فثانيا السيارات المصدومة الغرقانه الهلكانه تستورد عندهم عادي ويستقبلها عرب الشمال هناك ويلمصقونها ويجي الغريب من عندنا معه تذكرة ذهاب فقط يعني شاري شاري وياما رايناها اعداد قبل السلع مولعات حرارة متعطلات
وثالثا عموما فرق السعر بينناوبينهم وهامش الربح تقلص جدا الا واحد يسوي سواتهم يشتريها مصدومه ويلمقصها ويبيعها هناك
اما رابعا فخذ ذهاب وعودة مع واحد يبخص التلاعب بالسيارات وخذ لك فرة وسترى رؤيتي وتعرف معرفتي وغير كذا لا اخالك ناجيا من تلاعب شريطية معارض الشارقة وفقك الله وسدد على الدرب خطاك

[Abu Mryea]

أن بغيت شوري يالحبيب

ابعد عن معارض الشارقة والامارات بشكل عام

لأنها مجمع ( لزبالة ) أمريكا ,,, أكرمكم الله

والمشكلة أن زباينهم من ربعنا

إذا أنت ناوي على المستورد من أمريكا ,,, فربعنا

عندهم أفضل من اللي في الأمارات بفارق كبير ( لصالح معارض السعودية )

ولا تتوقع انك بتحصل موتر سليم من الغرق والحوادث والرش

بقيمة موتر ( سالفج ) ومصلحينه ( مشي حالك ) وقطع تجارية بعد

عندك الصالات في الرياض / الدايري الشرقي بين مخرج 12 و 10 - معارض الشفاء - طريق خريص

وعندك معارض في جده تجيب سيارات بالهبل ,,, وفيه مكاتب تجيب لك السيارة اللي تبيها

من أمريكا ويأخذون عمولتهم ( لكن تأكد أنه يكون المكتب ثقة )

وإذا رسيت لك على موتر وبعد فحصه مبدأيأً وقبل فحصه بالكمبيوتر

خذ رقم الشاصي وطلع له تقرير ( كارفاكس أو أوتوتشك ) وبناءً عليه

وبعد الاستخارة ,,, خذ الموتر وانت مرتاح البال

والخسارة اللي بتخسرها في السفر ,,, اتوقع تجيب لك الموتر اللي في بالك

سير على الموقع هذا عندهم سيارات اشوف أن اسعارهم مناسبة

http://www.sahoodinc.com/

[محب التطعيس]

انا رحت ودخت بمعارضهم ولا شريت شي النظيف عندهم يقارب لاسعارنا يعني( تيت تيت مثل مارحت جيت )ماانصحك اقضب ارضك هذي وجهة نظري

[HAS5SAN]

جزى الاخوان كل خير
افادوك وافادوني
كل يوم وانا اتولول ع النت من موقع لي موقع
اشوف السيارات هناك رخص التراب
واذا عرف السبب بطل العجب
اهم شيء لا يكون اصحاب الردود شريطيه

[و لد ملهم]

الله يجزاكم خير يا أخوان على نصايحكم و ما قصرتوا و الموقع اخوي
Abu Mryeaاكثر من رائع

[التعـ King ـديل]

نصيحه اخو مر على معرض قصر السيارات بالدائري الشرقي صح اسعاره تعتبر غاليه بس مواتره تستاهل

الامارات لاتشتري منها الا ياباني اما الامريكي انحش عنه .. انا قبل منع التصدير يوم كان مفتوح قبل ثلاث سنوات

كنت بالامارات وكنت باخذ كراون فكتوريا كانت بالاصل حقت شرطه امريكا تخيل اذا بدون تعديل تاخذها ب 10 الاف درهم

واذا تبي زبرقه ويقلبونها لك شكل ثاني تفرق معك على حسب الطلبات تبي فتحه تبي جلد عداد الكتروني هيدروليك وكل شي بحقه

طبعا هذا الكلام عام 2007 تقريبا والمواتر كان موديلها 99 و2000