الحل لواجهة السياره من العجاج

[سمو الصاحب]

الجميع يعلم الاجواء في السعوديه
وأثرها على بودي السياره
خصوصا العواصف اللتي تمر بها المنطقه هذه الايام وكل عام في هذه الفتره الزمنيه
والتي ربما تمنعك من سفر مهم خوفا من أثر الرمل على السياره
سؤالي هل من حل جذري يحمي واجهة السياره
هل البرقع حل ؟
اذا كان كذلك فهو متعب ومكلف وقتا وثمنا
هل التغبيره حل ؟
اذا كان كذلك هل هي آمنه على البودي
اريد تجاربكم لتكون حلولا واقعيه
وشكرا لكم

[اشهب .]

محلات التلميع يركبلك حمايه على الوجهيه والنور والعوارض

وتغيره كل سنتين إلى ثمان سنين وكل مازادت مده بقائه زات التكلفه

ولو تخليه وماتشيله ينشب بالبدي وعليه ضمان

ومحلات التلميع كثيرين وانا من راييي تركب عند ثري ام اوزيبارت افضل وأظمن

وعلى حسب الموتر اولا وأخيرآ

[ابوعمر1397]

التغبيرة والفيري والرشات الشفافة الهواء الشديد والمطر يزيلها

ما فيه زي البرقع بـ 150 من عند السماعيل وارتح

الحماية الشفافة اللي تركب على وجهية السيارة وشمعاتها اللي قال عنها اخوانا ( اشهب ) زي التضليلة لكنا غالية وتحتاج تلميع كل فترة وتغيير

[سمو الصاحب]

محلات التلميع يركبلك حمايه على الوجهيه والنور

وعلى حسب الموتر اولا وأخيرآ

شكر لك
السياره تاهو2009

وبالنسبه للحمايه مكلف وتشيله بعد سنتين والا يخرب البدي
وشكرا لك

[سمو الصاحب]

التغبيرة والفيري والرشات الشفافة الهواء الشديد والمطر يزيلها

ما فيه زي البرقع بـ 150 من عند السماعيل وارتح

اخوي ابو عمر البرقع بلشه تركيبه وشيلته ابلش
انا صراحه حطيت تغبيره ام 15 ريال وجاني مطر وشالها
بس حصلت اخوي مسويها ورش عليها نشا حق الملابس (مريتو)
وصراحه ثابته ومفيده
وشكرا لكم
ومن التجارب نستفيد ونطلع بالمفيد

[ابوميس الحلوه]

السلام عليكم جميعا
بالنسبه لي ركبت الحمايه من عند شركة جونسون بالرياض
ب1500 ريال وضمان 3 سنوات. وصريح قالي خلال الفتره
هذي بتصير صفراء يعني بيتغير لونها تدريجيا في فترة الضمان
بس متى مابغيت تفكها ماعليك الا تسمي بالرحمن وتمعطها كأنك تفك تظليله.
يأخي اركب شي شفاف او اركب شي يدمر ويغير منظر الموتر
معليش

[العسيري 2007]

الله يعز أبها

لا نفكر في برقع ولا تغبيره