تغيير لمبات طبلون الباثفندر 2003 وتحت تفضل

[قرم العيال]

بسم الله الرحمن الرحيم

السلام عليكم ,,

اهلا بكم احبتي ,,


اليوم قلت لازم اشوف حل لضعف الأضاءة بطبلون الباثفندر منعدم

المهم بعد التحري والسؤال .. عرفته انه الدعوى 3 لمبات وخلص عمرهم الافتراض

مريت احد الورش المتخصصه بالنيسان وقلت ابي الكهربائي ,, قالوا هناك تلقاهـ << اخلص بس نبي الزبده


الزبده يا طويلين العمر

هلا صديق .. هلا زبون << معاملهم

قلت شف الباث ولمبات .. قال بسيطه

رح جب لمبات ..

وامر قطع الغيار واحصل نوعين وكلهم وكاله شي الحبه بـ 25 ريال لونه بني

وشي بـ 40 ريال ولونه اسود (( اقصد البلاستيك )) المهم قلت خل ناخذ ابو 25 ريال


شافه قال رجعه وجب الاسود قلت كله نفسه !!

قال لا الاسود حق عدادات السرعه والبني حق لمبه زيت فرامل وجلنط ويجي ضعيف المشكله كلهم مكتوب عليه 2w وتوشيبا (( يقصد اللمبات الثانيه )) قلت امرنا لله

وناخذ 3 بـ 120 ريال

ويفك الطبلون بضرف ربع ساعه يقول هذا مشكل ديكور كله كبس

قلت خف يدك

المهم ويغير ثلاث لمبات (( الي يحب يشتغل بيده ما يبي شي بس لازم زراديه من النوع الثاني لي له لفه << اهل الفك والتركيب اكيد يعرفونه ))

المهم خويكم فهاهـ له شوي ويسولف مع واحد إلا والرجال مخلص << يعني ماصور شي ..

اللهم قبل وبعد .. وصوره للمبات القديمه

هذي الصور



قبل




بعد




وهذي اللمبات






المفروض القزاز شفاف لكن صار تقل نيكل من الاستعمال

النتيجه مرضيه وبقوهـ لكن إذا نزلت النور بحق تخفيف قوه الاضاءه ( اهل الباث يعرفونه )) المهم يصير مثل الصورة الاولى ..

عاد يقول احمد ربك هذا رخيص طبلون الليزر مشكله

شغل اليد : قلت كم !! قال انت عطن << عاد انا حبيب قلت 15 ريال

ضحك قال خلاص روح ما يبغى شي

قلت اجل كم قال .. 35 عشان انت زبون .. قلت لا 30 ريال

النتيجه


قطع الغيار بـ 120 ريال

وشغل يد 30 ريال

(( 150 ريال ))

الموضوع إهداء لـ الاخ العزيز

ابو عبد الرحمن الصفيان

[.أبوعبدالرحمن]

السلام عليكم ,,

الموضوع إهداء لـ الاخ العزيز

ابو عبد الرحمن الصفيان

وعليكم السلام ورحمة الله وبركاته


الله يرحم والديك ويوفقك ويسهل أمرك ، وبيض الله وجهك على هذا المجهود


ولك رسالة على الخاص يا غالي

[الباثفندر 3.5]

ما شاء الله ابدااع
جزاك الله خير و يستاهل ابو عبد الرحمن كل خير

[بدوي جنوبي]

لمبات ب 120 سعر مبالغ فيه
فيه نوع الحبه بريال تجارى
وفيه نوع أصلي الحبه ب5
والافياش ما تحتاج تغيير .

عموما اللمبات ما تتعدى 8 واط عشان ما تحرق العددات
بالتوفيق

[4800VTC]

ما قصرت يابو
ابداع

[سلمان 2000]

صباح الخير
اخوي ممكن وصف المحل الي شريت منه اللمبات لااني من زمان وادورها
جزاك الله خير

[قرم العيال]

لمبات ب 120 سعر مبالغ فيه
فيه نوع الحبه بريال تجارى
وفيه نوع أصلي الحبه ب5
والافياش ما تحتاج تغيير .

عموما اللمبات ما تتعدى 8 واط عشان ما تحرق العددات
بالتوفيق

حياك الله مشرفنا

نعم السعر غالي شوي ولكن حقه فيه يبي يعيش حتى 3 سنوات على الاقل

اما التجاري هذا ما راح يعش مهما كان .. وهذا حق موتر مزرعه ما هب موتر على طول تروح وتجي به ..

[قرم العيال]

صباح الخير
اخوي ممكن وصف المحل الي شريت منه اللمبات لااني من زمان وادورها
جزاك الله خير

يا هلا بك المبات الظاهر متوفره عند اي محل قطع غيار نيسان .. او موزع متعمد

انا اخذته من موزع اسمه العلاج بالرس

[قرم العيال]

ما قصرت يابو
ابداع

حياك الله ........

[عبدالرحمن السالم]

ماشاء الله تبارك الله
الله يعطيك من خيره ويكفيك شرهه

[قرم العيال]

حياكم الله

[سالم الطليحي]

عطنى وصف المحل لو سمحت