استفسار عن نظام فرامل الاي بي اس بالبر والجبال والتغريز

[happeyman]

السلام عليكم

اخواني الكرام استفسار لو سمحتوا


اليوم رحت للعيسى اسوزو ناوي اشتري اسوزو دفع رباعي .... بس فيه ملاحظة ارجو من الاخوان الاجابة عليها

وهي بخصوص نظام الفرامل الايبي اس (نظام الفرامل المانعة للانغلاق )


هل تنصحوني بالنوع اللي فيه نظام الفرامل الاي بي اس او بدون

لانه يقول الافضل لك بالرمال والجبال بدون هذا النظام وراح تسبب مشاكل عند التغريز


وانا بيني وبينكم احب الامان اكثر لكن اذا بيبهذلني هذا النظام واغرز في كل رمله فما ابغاه

ارجو الاجابة ولكم جزيل الشكر



و نصيحتكم

[((ابوملاك))]

يابوي كل العالم على اي بي اس

وان ولعت لمبة الاي بي اس

طف السياره وانتظر شوي ثم شغلها وعااااااااااااااادي

تشتغل اللمبه من كثر ضغط الفرامل يعني تفحط مثلا وما اظن انك بتفحط

[حكمة الصمت]

وعليكم السلآم ورحمة الله وبركآتة


نصيحه مني لك ونصيحة آخ لخوه وآنت بكيفك لآكن نصيحة آنآ مع آخوي الصغير هآيلكس 2009 البآزعي فل الفل

الفرآمل حقهآ نظآم مآنع الإنزلآق والله غربلني غربلة وآنآ آتكلم عن االنفود بالآخص وآحيآن لو على الإسفلت ترآب (في وجه

العدو) بسيط يصير يمسك ويفك يعقدك صحيح إنه آمآن والآمن الله لآكن مضآره آكثر من منآفعه بالنسبه لي وآشوف إنه

مآيصلح إلآ على الآمريكي وبس .. وتقبل مروري آخوك حكمة الصمت

[مسير عليهم]

هو زين بس يربكك في الرمل لكن انت قس على استخدامك الدائم

هو بر او مدينه

[الجيب الريو]

النظام مصمم للاسفلت فقط
اما بالرمل بيكون التاثير عكسي بدل ماتوقف بعشرة امتار مثلا توقف بـ 15 متر
راعين التطعيس يفصلون النظام قبل التطعيس

[الليث الذهبي]

والله ياخيي خذ نصيحت مجرب الكستيرا مايجي الا النضام هذا ويمكن استخدمته 3شهور وبغيت اروح ضحيته فالنفد كذا مره يعني فالنفود استخدم النمره ماعندي فرامل لان النضام هذا اذا حس ان الكفر زحلق رفع رجلك عن الفرامل يعني الموتر يصيير بدون فرامل
ومن المواقف الي حصلتلي
مره في نقره في نفود الزلفي واجباري اني اطلعها لان مافيه درب الامعها وقلت بسم الله واكتم للموتر بالاول الطعس كبيييييير والي اردا من كذا كله شجر يعني قشع وخذ يامطامر الين هدت حيل الموتر وما بقي غير 7 امتار ويقول الموتر مكاني وغلت وضغت على الكلتش علشان ما يطفي الموتر المراد ان الموتر دحدر ورا ادوس على الفرامل مافيه فرامل ماصدقت سنت ضهري عل المرتبه وجمعت كل قواي على دواست الفرامل مافيه فايده واذكر اني بديت اسمع اصوات المرتب مادري بغت تنكسر اولا المكراد ان الموتر مامسكه شي وبالريوس حاول القمه نمره لكن اذا كان الموتر يمشي على ورا مايلقم لا بال r ولا غيره وش السوات ياولد الموتر اسرع بسرعه خياليه بالريوس
قلت مالك الاتسايس الموتر ورجلك على الفرامل لعل وعسى ان يمسك واناضر فالمريه الجانبيه الا وهاك شجرت الارطا الي كبر السياره والله اني مادري وشلون هجيت عنها توفيق من الله الله العلم ان اميمتي داعيتلي ذاك اليوم ماصدقت اني على الارض نزلت شوي اراعي للمكان والي حولي ماني مصدق اني حي والله ياهي رعب
لكن بعدها مخمخت عليه فالبيت وركبتلي فاصل يعني اذا بغيت ادخل البر افصله واذا مسكت الخط اشغله
اما بالنسبه للقار والديره نفعه واضح مايحتاج خذ رجال بس الله لا يبلاك بشوي رمل على القر مهوب رادق ال الجدار الي قدامك الله يكفيك الشر
نصيحه من قلب خذه وركبله فاصل قبل لا تطلع البر ولا لا تاخذه

[قائد السريه]

وعليكم السلآم ورحمة الله وبركآتة


نصيحه مني لك ونصيحة آخ لخوه وآنت بكيفك لآكن نصيحة آنآ مع آخوي الصغير هآيلكس 2009 البآزعي فل الفل

الفرآمل حقهآ نظآم مآنع الإنزلآق والله غربلني غربلة وآنآ آتكلم عن االنفود بالآخص وآحيآن لو على الإسفلت ترآب (في وجه

العدو) بسيط يصير يمسك ويفك يعقدك صحيح إنه آمآن والآمن الله لآكن مضآره آكثر من منآفعه بالنسبه لي وآشوف إنه

مآيصلح إلآ على الآمريكي وبس .. وتقبل مروري آخوك حكمة الصمت

بالعكس النظام هذا يهوق اكثر بالامريكي

عندنا جمس حوض بالنفود اذا كنت مسرع او في نزله قويه مثل ام دكه والله مايوقف الا بعد شق الانفس والمناقز خصوصا بالـ 2500 بس له فيوز يفصله

والهايلوكس الدبل افضل من الجمس وله ايضا سلك بالكبوت وسهل فصله
...............

اخوي صاحب الموضوع نظام مانع انغلاق الفرامل ماله اي علاقه بالتغريز

لانه خاص بالفرامل

ادخل على رابطة ملاك اسيزو ديماكس واسألهم عنه هل هو ينفصل بشكل مؤقت او لا

[بدوي جنوبي]

صح ماله علاقه بالتغريز
لكن اعتقد الشباب يتكلموا عن انه أذا كبس فرامل بقوة ما تمسك الكفرات
اكثر ،،، دوره الفعال أكثر في الازفلت .

اعتقد تقصدو نظام الجر .
نظام مراقبة الجر
Traction Control System
ويرمز له بـ TCS

و يطلق عليه أيضا نظام مانع الانزلاق
Anti-Slip Regulation
ويرمز له بـ ASR

هو أحد الأنظمة النشطة الحديثة التي تجهز به السياره
هدفه الحيلولة دون انزلاق السيارة عن مسارها الصحيح جراء القووة الزائدة كالضغط على دواسة الوقود بطيش. ويتبع النظام عدة طرق تدخل للسيطرة على السيارة, هي:

• إبطاء أداء شمعة الاحتراق أو حتى إيقافها تماماً في إسطوانة أو أكثر.
• التقليل من كمية الوقود التي تصل لأسطوانة أو أكثر.
• كبح عجلة أو أكثر.
• إيقاف عمل الصمام الخانق.

و عادة ما يتشارك "نظام مراقبة الجر" مستحثات الكبح وحساسات سرعة العجلة مع نظام الكبح مانع الانزلاق, لذلك فلا يمكن تجهيز أي مركبة بالنظام الأول دونما وجود الأخير مسبقاً.


فلا تخلطوا بين نظام مانع الانزلاق مع مانع الانغلاق

لان نظام ABS حق الفرامل هو مانع انغلاق الكفرات عند الضغط على دواسة الوقود فجأة او بقوة



بالتوفيق

[happeyman]

مشكورين اخواني الكرام على المعلومات التي طرحتموها

وجزاكم الله كل خير

الأفضل مما يظهر لي من الردود انه بدون نظام الفرامل الايبي اس افضل بالمناطق البرية