تكفون ياهل الخبرة في اليايات الاسترالية , شريتها وتوهقت , من يعطيني العلم الاكيد /صور

[النمساوي 2008]

السلام عليكم


مريت الرماية قبل كم يوم حصلتهم المساعدات الاسترالية منزلين دفة جديدة للي يدورون


واشتريت اثنين خلفيات


واخذت المقاس 721 وافادني العامل الي بالمحل ان هالمقاس يرفع السياره 5 سم
قلت حلوو


بعد ماشريتها توجهت لاحد الورش خارج الرياض وفاجأني اليماني مدير العمال


قال هذي ماتصلح راح ترفع موترك وتشقلة شبر عن رفعه شد البلد يعني ( ماتصلح )

قلت معقولة !! طيب محل الرماية قال 5 سنتي بس


قال ابركبها لك وتشوف بعينك وشلون يشهق الموتر فوووق


ومشيت من عندة وانا محتار


السياره ( اف جي كروزر )

ياليت الي عندة معلومة يفيدنا بها لاني مقيم خارج الرياض وماودي اركبها او ارجعها الا على علم بين

انتضرك يالاجاويد ولاتحرموني من اي معلومة تفيدني

وهذي صور اليايات الاسترالي الي اخذتها

.

[التعـ King ـديل]

بدلها من عندهم وقلهم ابي اصغر منها .. عادي يبدلون لك

[الوسيطاء]

اخوي اذا موترك اف جي اشوف رفعت بلاده كافيه وثاني شي حتى 3 سانتي تفرق با لموتر وبيصير مرفوع

[المرتهي]

الأخوان يفيدونك

والله يبارك لك فيها

اذا انت مركب برازيلي من قبل : ) هل هي مريحة وأبي فايدتها لاني شفتها بالرماية الي بالتخصصي وسألتة عن سعرها شق وجهي بالسعر

[النمساوي 2008]

شكرا لكم

ورفعة بلادة ماناسبتني ابدا خاصة اني دايم احمل عفش وعزب ورى وينزل الموتر بشكل ملاحض
وفي البر مطامر

وانا ودي اتأكد من هذه المساعدات

هل هي مناسبة للاف جي ولا لا

والمقاس الي اخذتة هو 721

وافادوني اشخاص ان اصلا مقاس الافجي يختلف

ويجي رقمة 885 يرفع 5-6 سم

وانا والله مالي خبره في هالارقام والي يركب والي مايركب

اخوي المرتهي , ماركب شي من قبل , السياره شد بلد

[النمساوي 2008]

......................

[الادعج]

الياي رقم 721 هذا ياي خاااص بالاندكروزر من 2008 وفوق مهوب مخصص للاف جي وهو يرفع بحدود 4 سم
يعني الياي اللي عندك غير مخصص للاف جي

[ابو سعود4500]

انا من رايي انه 5سم واجد عليه من ورا بعدين لارحت عند الرمايه عندهم كاتالوج خاص بكل اليايات الي عندهم ويطابقون فيها الارتفاع الي تبيه مع الوزن وهذا ترا اهم من الارتفاع فالاوزان هي الي راح تستفيد منها بحال انك تحمل على الموتر يعني لاتااخذ شي لين مره ولا شي قاسي

وادري انك متلخبط شوي من كلامي بس لازم تشزف الكاتالوج الي عندهم علشان تعرف وش الي تبيه


اتمنا اني افدتك اخوووي

[موسيقار زماني]

بالنسبة لـ 721 هذا للاندكروزر 2008 وفوق

وانا الصررراحه مركبها وشقلته حلووة

وقبله ركبت 720 ويرفع تقريبا 2 ونص

بس الصرراحه ولا كاني راافعه

فنصيحة مني ركب 4 سم

بس تاكد من رقم اللي عندك يصلح لاف جي ولا لا

[وادي النوم]

إن بدلهن لك نور على نور


وإلا اذكر إني رحت لصناعية النسيم

ونصيت راعي الأوكسجين البارد ونزلوهن

حتى وصل إلى حد معين

[قناص العودة]

السلام عليكم
نصيحه يخوي الرمايه لا تاخذ من عندهم يايات ولا شي يخص الموتر
ياكم مره عطوني من هلكلام وفل اخير خرطي (نصابين)
لا كن اذا بغيت يايات رح لمحل4500

[أبو سليمان...]

حياك الله أخوي


اليايات حقت الاند كروزر تركب على الافجي

وما تجي الا مقاس واحد

ويرفع 5سانتي

[s3ed]

السلام عليكم
اخوي هذة اللي عندك النوع الجديد النايتروجين

شفً هذا اللنك يمكن يفيدك

انصحك بهذا النوع ممتاز جدا

http://www.mekshat.com/vb/showthread.php?t=340391

[قناص خلاوي]

اخوي حمل عزبتك كلها من الي ورح للرماية
وخذ وصف ورشتهم هناك راح يشور عليك الفني بالمقاس المناسب
ويركب لك على الشوف ان جاز لك والا يغيره
بالتوفيق

[قنوع]

لك رساله على الخاص