أنواع الشاص ( فزعتكم يا اهل الخبرة )

[سفير الجزيرة]

السلام عليكم

انا ناوي بشاص ولا اعرف انواعه

ومواصفاتي هي

2011
دفلك
بدون رفارف
مريح


وين احصل هالنوعية ، وانا ما ني من النوع اللي يحب الاكسسوارات ريموت وخرابيط


وعافاكم الله يا النشامى

والله يوفق كل من يفيدني

[على رمشي تمشي]

الشاصص نوعين فيه بدون رفارف وفيه برفارف
المريح إلى برفارف ولا هو ذيك الراحه به مناقز ولكن الاحسن إلى بدون رفارف - واذا على كلامك فيه سعودي وفيه خليجي
اذا ماتحب خرابيط الريموت والشاشات والتخشيبه خذ لك سعودي ممتاز والله - ولد عمي معه 2010سعودي بونش ماشاء الله مهنا نقره مايطبه - هذا زي موتره


ان شاء الله الاخوان يفيدونك

[azrh]

!!!!!!!!!!!!!!!!!!!!!!!!!!!!!!!!!!!

[سفير الجزيرة]

على رمشي تمشي

مشكور اخوي ورايك اشوفه ممتاز لا هنت

[عكس التيار]

ابو رفرف السعودي مايجي دفلك

لذالك على مواصفاتك اللي تبي دور لك بريمي فل كامل رفرف يجي ونش + دفلك + بلوتوث + بوصله + رفارف نفس لون الموتر + 7 سست

قيمته 2011 ب147 الف قبل شهرين الحين مادري كم

ولا خذ لك سعودي بدون رفرف 11 سسته ونش ودفلك بدون اكسسوارات والخرابيط اللي مالها لزمه

قيمته قبل ثلاث شهور تقريبا 120 الف

[سفير الجزيرة]

عكس التيار

مشكور اخوي لا هنت

بس تبي الحق هالحين الشاص السعودي ونش + دفلك + كفرات رملية 2011 بـ 126 ألف ريال
والموتر غير موجود يعني انقطع

لكن سمعنا إنه بينزل بعد شهرين وبينزل سرعة مرة ثانية

[بوشاص]

السلام عليكم

انا ناوي بشاص ولا اعرف انواعه

ومواصفاتي هي

2011
دفلك
بدون رفارف
مريح


وين احصل هالنوعية ، وانا ما ني من النوع اللي يحب الاكسسوارات ريموت وخرابيط


وعافاكم الله يا النشامى

والله يوفق كل من يفيدني

الاخ سفير الجزيره انا مثلك ودي ابيع القديم واشري 2009 او2011 ومحتار بين الاثنين والله يوفقك

[mudhii]

الشاصص نوعين فيه بدون رفارف وفيه برفارف
المريح إلى برفارف ولا هو ذيك الراحه به مناقز ولكن الاحسن إلى بدون رفارف - واذا على كلامك فيه سعودي وفيه خليجي
اذا ماتحب خرابيط الريموت والشاشات والتخشيبه خذ لك سعودي ممتاز والله - ولد عمي معه 2010سعودي بونش ماشاء الله مهنا نقره مايطبه - هذا زي موتره


ان شاء الله الاخوان يفيدونك

روعه الله يعطيك العافيه ومعلومات جامعه

[رحال الجوف]

انا معي شاص 2011 ونش هزاز 11 سستة مخشب شباك تمتيك مسجل كست وسيدي فل كامل والكامل وجة الله
من جوا كانك بمفخره ومن برا مايحتاج بس من ناحيت الراحة اسمع كلام مجررب

طبعنا السستة تجي منتحه اربع ستات متساويات سيدا هذولن يقالهن الحمالات راعي الشعير او يحملبة نياق
بالادق راعي التحميل الثقيل لا يشيلهن اما راعي التحميل المتوسط مثل عزبة وخيمة وتنوك ماء بالادق عزبت الابر بكاملها وزيادة مايظر على طول شلهن لانهن يكسرنك انت وجيبك اما الي مقوسات 7 سستات
مامنهن اي مطاب .
على طول لاقرب مكانيقي كويس خلة يشيل الحمالات ورقب سناتر ومسامسر اصغر يصير سبع سستات وماينزل الى 1 او 1 ونص سانتي وبعدين ركب كفارات بالوون ويصير
خفيف مره ولا مطب ولا غيره بس انصحك اول ماتسحبهن حطلك ثلاث اكياس تراب لمدت اسبوع وعقبن شلهن
ودعلي بالخير

[سفير الجزيرة]

مشكور اخوي رحال الجوف

كلام يؤووخذ بالحسبان لا هنت