سؤال عن الهدرز الله لا يهينك ؟؟؟

[يبقى مناي الق]

بسم الله الرحمن الرحيم
السلام عليكم
صبحكم / مساكم الله بالخيراااات

يا خوان أنا أبسؤال عن تركيب الهدرز على الجيب والجيب موديله 99

أبي نصائحكم قبل ما أركبه ؟؟؟

أبي سلبياااته ؟؟؟

أبي أجابياته ؟؟؟

وكم أسعارهن ؟؟؟

وأي واحد يركبه ؟؟؟

وهل تنصح بتركيبه ؟؟؟

وأنا رجال أبستخدم ...

[زمان وطاف]

يفيدونك الأخوان ان شاء الله مايقصرون

[سآبق الطير]

الهدرز يكون اوسع من اقزوز بلاده

يريح السياره ويعطيها عزم

والعيب هو الاستخدام السيء يقصر عمر المكينه الافتراضي

[كرم القلوب]

السلام عليكم

يريح الموتر صحيح بس الشق اكبر من الرقعه

انا مركبه على موتري باترول 99 وبصراحه شغلته مقرفه ...

صوت ومشاكل لكنه بالحقيقه يمد الموتر بالسرعه يعني 200 يجيه وهو مرتاح

والفرارات اهم منه بكثير وتريح الموتر اكثر منه


وعندي الهدرز سويدي للبيع

(غير شدة بلاده مافيه ...)

[عاشق الجكسار]

ركب وماعليك

[alengineer]

الهيدرز يعتبر مخرج للعادم من المكينة , فسوف تجد هناك عدة انواع منها:
1- ستانليس
2- سيراميك
طبعا افضلها سيراميك : لانها تقلل من انتشار الحرارة حول المحرك
قطر المواصيل الاصلية تكون اقل من الهديرز ,لذلك سوف يساعدك الهديرز علي خروج العادم اسرع و يكون منفس للمكينة

السيئات:
1- ممكن تواجه كسر احد المسامير اثناء فك القديم مما يتطلب منك التوجه للمخرطه
2- اذا كان نوعية الهديرز سيئة ممكن تصادف شرخ في الهديرز لاحقا.

[سوبر VTC]

من وجهة نظري توفر فلوسك افضل
ما مثل حق البلد اصلي الا اذا كان خربان او كان غالي
و القزوز تنشعر اذا جاه ماء

اخبر راعي ورشة طالب قزوز مع الشكمان كامل لباترول فتك من امريكا
طبعا نفس مقاس البلد بالضبط و نوعه استيل اصلي و راح يكلف واصل 7000الاف ريال
انا قلت له يابو فلان وش رايك بالهدرز العادي حق السوق
قال شف العادي لمصقه خراص بخراص و تراه يبرد عزم المكينة
يقول ان قزوز البلد و الشكمان موزونات من الوكالة مع انضغاط المكينة مقاييس و دراسات بالكمبيوتر
و اذا صارت المكينة حاشرة مع شد البلد فان العزم اقوى
بعكس الهدرز العادي تماما

[يبقى مناي الق]

يعطيكم العافيه يالغالين
بصرااااحه وفيتتتو وكفييتو
والي عنده أي شي عنه يطرحه علينا ..

[الذيب511]

انا سيمعت ان الهدرز له اضرار على المكينه مدري صح ولاخطاء افيدونا