السلام عليكم ورحمة الله وبركاته
اخواني موتري فتك 2009 ماشي 110.000 الاف وعندي سفر بعد شهر هل يغير السير لأني اشوفه زين ولا تقطع على كم يغير وشكراً
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
اخواني موتري فتك 2009 ماشي 110.000 الاف وعندي سفر بعد شهر هل يغير السير لأني اشوفه زين ولا تقطع على كم يغير وشكراً
((عندما أجد من ينتقدني فل يعلم الجميع بأنني وصلت للقمة))
وش تقصد ؟؟ سيور المكيف وعلبة الدركسون الدينمو ؟؟
ولا تقصد سير المكينة الداخلي اللي في صدر المكينة ؟؟
لا إله إلا الله
شف عندك السيور كله ماعدا سير المكيف مايتغيرن الى بعد 140 الف كيلو واذا زاد عن المسافه يمكن ينقطع باي لحظه.
وكذالك البواجي مايتغير الى بعد 180 الف بس بشرظ الاصليات وسعرهن 280 ريال وكذالك بواجي بلد
الحاجتين ذولي بس للفتك 4800
اخي انا غيرتها كلها مع البواجي على 50 الف وحصلت السير في شقوق بسيطه وهو سير المصنع يعني غيرها لاتسافر غير وانت مغير سيور بواجي صفايه بنزين وتوكل على الله واهم شي كفاراتك شيك عليها سو الصيانه الي قلت لك وبالتوفيق ان شاء الله ترى المسأله كلها ماتكلف 600 ريال اذا كانت البواجي عاديه وليست بلاتينيوم اما البلاتينيوم سعر البوجي الواحد 80 ريال ويغير على 80 الف بس السيور معروف حتى الوكاله يغريونها على 40 لانها عندنا جونا حار وناشف وتنشف بسرعه ومع الشغل المتواصل وزياده درجه الحراره تنقطع لاسمح الله وانتبه منها لاتأمن لها .
عزيزي اذا انت تشوف السير نظيف ولا فيه قطع ومشدود صح .. مايحتاج اما اذا من نظرتك له تحس انه تعبان لا مالله حادك فكه وركب غيره وريح بالك
السيور على حسب الاستخدام مالها مسافه معينه ممكن تمشي 10 الاف كيلو وتجور على الموتر وينقطع السير وممكن تمشي 200 الف بدون مايصير شي
عند واحد من العيال ماشاء الله تبارك الله فتك 2007 ماشي 200 الف وكسور لحد الان محركاته شد الوكاله من سيور وربلات وخراطيش مويه
الرجال مشاويره معروفه ورايقه مدلع الموتر يعني لو جا عند مطب ممكن ينزل ويشيل الموتر فوق راسه ولا يرقى المطب
وانا اخوك كان من الناس اللي يوسوس ويتحراه ينقطع فكه هالحين وغيره
وكانك تبي تسمع الكلام عن مجرب لنفس السيارة اللي معك واكثر من واحد
لاتغيره الا اذا شفته فيه قطع لان حق الوكاله يتحمل لغايه 150 الف واكثر
حدود 200 الف يعني توكل على الله
استغفر الله العظيم واتوب اليه
أنت شاري السير شاريه خلاص أشتره وخله تحت المرتبه وأمش على القديم لو أنقطع عليك في السفر تغيره مهيب صعبه لكن الصعبه وين تلقى السير لو أنك مسافر
اذا انت تقول ابغير
لا تجدع القديم خله تحت المرتبة للضرورة القصوى
مثل تلقى موتر نفس موترك متعطل و تعطيه السير كانك معطيه الجنة
و وينطبق الكلام ايضا على البواجي
السير يكد الى فوق ال200الف بالراحة
ترى بواجي البلد افضل من حق السوق بمراحل اليوم اختلط التجاري مع الاصلي
ماتدري ايهم الاصلي لا تغيرهن الا اذا تغير عليك الموتر من تقطيع و خلافه
احرص على تغيير صفاي البنزين و على تنفيخ فلتر الهواء
احد الربع يمسك خط 600كيلو كل اسبوعين يرجع للديرة
و كان يبي يغير سير المكينة لانه متشرح متشذب نص تشقق
طبعا السير الجديد تحت المرتبة
و ما شاء الله تمت سنة و السير القديم تمام
يمشي بالخط 160 و السير القديم له الان فوق ال3سنوات
الذين يشاهدون الموضوع الآن: 1 (0 من الأعضاء و 1 زائر)