ياجماعه الربع انتبهوا من زيت سوبرجيتي الذهبي

[كهربان]

فهذا الزيت عباره عن زيوت محروقه تم معالجتها ..

وانا بصراحه عندما يعرض علي ابويمن اني اغير منه .. كنت اشمه واستنكر ريحته كانه زيت محروق رغم لونه الاصفر وانه جديد ..وكنت مغير منه ابد ..

ولكن اخر مره عقب ماصجني العامل قلت خل اقراء ماعليه وعندما قراءت وجدت انه مكتوب عليه بانه زيت تم صناعته من زيوت معالجه عاليه الجوده ..
قلت الله يخلف مافيه شي اسمه زيوت عاليه الجوده بعد معالجتها ..

وكذلك من قبل كنت لاافضل ايه زيت ليس من منتجات شركه كبيره كبترومين او شل او غيرهم ..
فهذا الزيت الجيتي هو من شركه الشراع .. وما ادراك وش انتي يالشراع خربط بربط في عالم البترول والزيوت ..

والذي خلاني اكتب هذا التحذير هو كثره مستخدمي هذا الزيت من قبل المستهلكين وذلك لان عمال المشحمه يعملون عملهم بمديح هذا الزيت للزبون وانه مابعده ولاقبله ..
وكل هذا لانه يدخل عليهم رخيص ربما باربع ريال وهم يبيعونه باربعطعش ..

فنرجوا نشر هذا التحذير

وتنكيو

[ايسوزو2003]

الله يجزاك خير والله انا استخدمه
وعقب نصيحتك ابتركه

[900]

الشكله انه تقليد لسوبر جي تي ((فوكس))
واللي ماينتبه يوقع فيه والمفروض وزارة التجاره تمنع التقليد في العبوات والالوان

[كهربان]

الله يجزاك خير والله انا استخدمه
وعقب نصيحتك ابتركه

اي نعم اتركه جعلهم الذهاب هم وياه ..

وبارك الله فيك اخي ايسوزو

[كهربان]

الشكله انه تقليد لسوبر جي تي ((فوكس))
واللي ماينتبه يوقع فيه والمفروض وزارة التجاره تمنع التقليد في العبوات والالوان

اما في هذي صدقت فهو تقليد لاسم وشكل فوكس .. وهذا اللي يخم بعض الناس ..

اما التجاره الله يخلف بس ماعندهم الا الدجه ..

اهلن بك 900

[راعي الطلعات]

انا انصح بعلب الزيت المعدنيه

قبل اسبوعين تقريباً شرطة الرياض قبضة على عمالة تبيع زيوت مغشوشة كما بالصوره
حتى سوبر شل مغشوش

المصدر
http://www.sabq.org/sabq/user/news.d...5142&section=5

[الوسام889]

الله يجزاك الف خير

ويجعل عملك هذا في موازين حسنانك

بس عندي سوال عن زيت سوبر جتي علبته بلاستك اسود

وشراي الجماعه فيه ؟

[المهاجر انا]

الله يجزاك خير وياليت الواحد يشتري ويغير لنفسه او في البنشر وهو واقف على رؤسهم

[عساف999]

الزيت المعاد تكريره اسمه سوبر جيتي (فورس) طبعا سعره جمله4ريال
والاصلي سوبر جيتي (فوكس) سعره جمله تقريبا 9.5

[رامي ع الموت]

كنت عند البنشري الخميس الماضي اغير زيت الموتر ولقيت عنده كراتين مكومة من الفورس وقالي ما تمشي وان الشركة اللي تنتجه وقفت ، ذكرت له السبب ان مغشوش وفي حملة واسعة في النت عنه وبعض اللي جربوه قالوا يطلع صوت العصافير بعد 2000 كم
المهم البنشري يقول انه ماراح يجيب النوعية هذي لانها عيت لا تمشي ونصحته بالاصلي مهما كان سعره وايد كلامي

[كهربان]

انا انصح بعلب الزيت المعدنيه

قبل اسبوعين تقريباً شرطة الرياض قبضة على عمالة تبيع زيوت مغشوشة كما بالصوره
حتى سوبر شل مغشوش

المصدر

http://www.sabq.org/sabq/user/news.d...5142&section=5

اخوي راعي الطلعات ..
يقول ابويمن ان قصديره المغشوش في العلب البلاستيكيه يكون لونها ساده من غير اسم راعي المنتج .. فالتراء 7 وغيره ينكتب على القصديره .. اما المغشوش مغير لزقه ساده وبس ..
اما ذا العماله فهم ماينلامون هذه وظيفتهم النهب والغش بكل انواعه .. الله يعين بس

وشكرن لك

[كهربان]

الله يجزاك الف خير

ويجعل عملك هذا في موازين حسنانك

بس عندي سوال عن زيت سوبر جتي علبته بلاستك اسود

وشراي الجماعه فيه ؟

يالوسام والله ماعندي خبره .. اللي لاحظته وميزته ذكرته هنا ..
لكن الزبده وانا اخوك هو الماركات العالميه الكبيره هي اللي احرص عليها وخصوصا العلب المعدنيه ..
وبالتوفيق

[تيرنيدو]

لعنت الله على هالاجانب ورانا ورانا باذانهم يعني ما نسلم منهم
حسبنا الله عليهم ومن جابهم
شاكرا لك اخوي على التوظيح وبيض الله وجهك الاغلب والله ما يدقق ابد بل بالعكس يحط السيارة عند البنشري ويمشي ولا يدر وش الطبخه

انا عني ما استخدم الا موبيل الذهبي ممتتتتتاااااز جدا جدا عن تجربه لكم جميعا تحياتي

[تيرنيدو]

لعنت الله على هالاجانب ورانا ورانا باذانهم يعني ما نسلم منهم
حسبنا الله عليهم ومن جابهم
شاكرا لك اخوي على التوظيح وبيض الله وجهك الاغلب والله ما يدقق ابد بل بالعكس يحط السيارة عند البنشري ويمشي ولا يدر وش الطبخه

انا عني ما استخدم الا موبيل الذهبي ممتتتتتاااااز جدا جدا عن تجربه لكم جميعا تحياتي

[كهربان]

الله يجزاك خير وياليت الواحد يشتري ويغير لنفسه او في البنشر وهو واقف على رؤسهم

يالمهاجر الواحد وده يغير بنفسه بس صعبه ..
فاذا عزمت مره توقفت الباقي ..
اما الشراء والتغيير عند المشحمه .. ففكره لاباس بها .. ولكن ماعندنا عزيمه اننا نروح ونشتري ثمن نزوطل هالعلب وهذا يغلي عليك في التغيير ..
وهذا يشتغل لك من غير نفس ..

الله يعين بس ..