وش الافضل تاهو دبل او بدون دبل

[فتى السمار]

السلام عليكم ورحمة الله وبركاته

كيفكم ياشباب حبيت اخذ مشورتكم

انا ناوي اشتري تاهو 2011 بس احترت دبل او بدون دبل

وش الا فضل دبل او بدون دبل تكفون ابي ارئكم الحلوه

[baaasss]

وعليكم السلام ورحمة الله وبركاته
والله ياخوي اتوقع انت اللي تحدد هالشي ... تحتاج الدبل والا لا وبعدها قرر؟

[وادي حويره]

اذا انت راعي طعوس وبر وجبال فالدبل انسب خيار لك
لكن اذا انت راعي مدينه وسفر فبدون دبل انسب لك

[abo_hoor]

اذا انت راعي طعوس وبر وجبال فالدبل انسب خيار لك
لكن اذا انت راعي مدينه وسفر فبدون دبل انسب لك

مثل ماقال اخوي وادي حويره شوف اللي يناسبك وانت بعد اخوي فتي سمار شوف اللي عنده بدبل اسال عنه هل فيه خربات اولا والف مبروك مقدماا

[ابو وكر]

الدبل افضل وانت ورايك

[أبوحمزه]

اكيد دبل يجي يوم وتحتاجه شكرا لك وبتوفيق

[Tamimi.fars]

ذكرتني بأبوي الله يطول فعمره على الطاعة يوم جينا نشتري تاهو يقول منيب شاري الا دبل الي بدون دبل تيسٍ مخصي ومنيب شاري الا جديد اول من ي.... على مرتبته انا ههههه

انا اقول دبل يجي يومه الي تشغله

[بنزرت]

السلام عليكم
اخوي تبي نصيحه لله؟؟ ترا الدعوى واضحه مثل الشمس الصلاة خير من النوم
اشتري دبل حتى لو ما انت راعي بران وطعوس

[baaasss]

انا اخالف اخواني الاعزاء
اولا ليش تدفع مبلغ وقدره
ثانيا من ناحية الصيانة
ثالثا من ناحية الخفة بدون دبل اخف
اذا انت مانت راعي بر لا تاخذ دبل
واحد من الاخوان اخذ برداو .. وش غير البرادو.. باعه ما عمره طلع بر والا شغل الدبل
ارجع واقول انت اللي تقرر هالشي ... راعي بر ولو كان قدر بسيط خذ دبل..ما انت راعي بر لا تاخذ

[مواسي الطعوس]

الدبل خوي طيب .....لو توقف تصلي وانت في خط ((تبعد شوي عن الناس))

** لو تحتاج ترقى رصيف .
** يساعدك ويفتح لك مجال للنزهه ولاستمتاع في البر ومن لايحب البر .

**الفرق 10الاف ريال فقط .....وعند البيع يقل الفرق الدبل اقل خساره ب 5000الاف ريال اقل شي .يعني الفرق صار 5000الاف .


((انا اعتبر الدبل موتر ثاني)) اثنين ...في ....واحد

[بوراشد]

السلام عليكم ورحمة الله وبركاته

كيفكم ياشباب حبيت اخذ مشورتكم

انا ناوي اشتري تاهو 2011 بس احترت دبل او بدون دبل

وش الا فضل دبل او بدون دبل تكفون ابي ارئكم الحلوه

عسى الله يوفقك ويعطيك خيره ويكفيك شره مقدماً

بالنسبة للدبل
لا صارت مراويحك للبر صيف وشتا وجايز لك التطعيس واذا كنت من ربعي تدخل الريضان بليل توكل على الله واخذه دبل وعسى الله يبارك لك

بالنسبة لبدون الدبل
لا صارت مراويحك للبر مغير الشتا ودروبك بينة وواضحة ومالك فالتطعيس واغلب ممشاك على الطريق المعبد اخذ بدون دبل وعسى الله يبارك لك

بالنسبة لي انا معي بدون دبل لكن مالي فالتطعيس لكن وجود الدبل ابرك من عازته

[فارس الحربي1]

يارجال اذا تبي رائي خذلك دبل
يمكن تروح للبر وتغرس وماعندك احد لسمح الله ينفعك الدبل باذن الواحد الاحد

اما اذا كنت راعي ديره وحق خطوط خذ بدون دبل لان الدبل ثقيل شويه على الموتر

[شقردي الجبيل]

وعليكم السلام ورحمة الله وبركاته

ومبروك مقدما على شريت الجيب وهذا رابط هديه لك ومبرك مره ثانيه

[.أبوعبدالرحمن]

وعليكم السلام ورحمة الله وبركاته

عني أنا سقت يوكن 2007 الشكل الجديد بدون دبل

وسقت تاهو 2009 بدبل والله ما فيه أي فرق يذكر وإن كان هناك فيه ثقل فهو ما يتجاوز من 1 الى 2 %

يعني مافيه فرق وبعدين الدبل إن نفعك وإلا ما ضرك وبيجي يوم وتقول ليتني شاري دبل

خصوصا إذا غرزت على الخط او طلعت بر خفيفة تكره السيارة والدبل زين

ولا تنسى الاستخارة

[الجبل الراسي]

تاهو بدون دبل الددسن اطلق من شاربه نصيحه اشتر دبل وتوكل على الله