بالنسبه للوكري

[اسلي نفسي]

انا عندي طير وكري فرخ شريته من رجال مثلكم وشرواكم وبالنسبه للطير ما يقرنس السنه هذي
المهم هل ادهل الطير وادربه ولا اصبر عليه لين يحول عليه الحول

[السومر]

دربه داخل المربط في الجو المناسب

على النقز على الكف والعلف من يدك

واذا المربط يسمح لا مانع من تدريبه على المستويات الي تقدر عليها

علشان اذا بداء الموسم الا هو ما يبي له شي

وتدهيل الطير عمومآ لا يزيد عن شهر يعني اذا بغيت الحين او بداية الموسم

[طير الهقاوي]

السلام عليكم ورحمة الله وبركاته

اذا الطير عندك الوكري وجهن مبارك ولا يبيله شي
على ماقيلك دهله بالنقل وتعليف على كفك تونسبه في هذا القيض وذا عندك وقت هده مافيه مشكله والوقت المناسب هو من بعد صلاة الفجر اذا انطر النور
تحياتي لك اخوك طير الهقاوي

[alrshedi]

السلام عليكم ورحمة الله وبركاته
عطوك العلم اخوي السومر
و اخوي طير الهقاوي
او ماقصرو.
والله يوفقك ان شاء الله
وتصيد وتفيد

[اسلي نفسي]

الله لا يهينكم شباب كفيتم ووفيتم وانشالله ابدء فيه من اليوم وراح افوافيكم بالجديد الله لا يحرمنا منكم بالنسبه لي هذي اول تجربه لي في تدريب الصقور انشالله يدهل لي وما نستغني عن نصائحكم

[مشبر البران]

لاتنسا تدربه طراد وفالك النادر

[ولد الجنوب]

اخوي اسلي حياك الله بالنسبه اذا الطير فرخ هالسنه ابدا في تدهيله و اذا فرخ العام اربطه و خله يقرنس و الله يطعمك من صيده
واي استفسار تفضل

[اسلي نفسي]

ولد الجنوب

رد: بالنسبه للوكري
اخوي اسلي حياك الله بالنسبه اذا الطير فرخ هالسنه ابدا في تدهيله و اذا فرخ العام اربطه و خله يقرنس و الله يطعمك من صيده
واي استفسار تفضل
الله يعطيك العافيه