سوبربان 2011

[مزبن الدخيل]

السلام عليكم
شريت سوبربان شفر 2011 من الجميح وابغي اعرف الاشياء الي ممكن اركبها للموتر علشان احافظ عليه وش رايكم بتركيب دعاميه / وش رايكم بتلبيس الموتر لاني راعي كشتات وبالنسبه لتركيب خزان مويه

[* ابو باسل *]

الف مبروك الى عالم القوة والفخامه والله يعطيك خيره ويكفيك شره
وموترك دبل ولا عادي لاني اشوفك تقول مكاشيت وحركات
المهم اول شي لاتنسى تنجد المراتب وتلبسها وتلبس الارضيه بلاستك على شان ماتضرر فرشة السياره الارضيه وعلى شان المراتب ماتتوسخ وتتهتك بسرعه .
وعليك بتضليل يكون من النوع الامريكي الممتاز وانت حر هناك عدة شركات يمكنك الاختيار فيما بينا اولها في كول وايضا درايف سفن وما في مستواها من بقية الشركات .
واذا تبي دعامة ادخل على موضوعي هذا بيفيدك ان شاء الله .

تركيب دعامة فيدرالية لجمس سيرا 2011 بالصور .

[مزبن الدخيل]

الله يبارك فيك. ويجزاك خير. الموتر دبل

[مسير عليهم]

ماشاء الله الله يعطيك خيره ويكفيك شره

احرص على التضليل العازل وتركيب عازل لوجهية السيارة

الخزان خذ لك من خزانات الوطني ويكون ارضي اواذا فيه مجال تحت السيارة يكون افضل واهم شي يكون مقسم عشان ماتلعب المويه فيه

طبعاً السيارة نازله شوي ارفعها شي بسيط .. هذا اللي عندي حالياً