افضل تانكي للجيب تويوتا

[غشام 11]

السلام عليكم
ودي اركب تانكي للماء السيارة جيب جكس آر 2011 وش تنصحون فيه اي نوع واي شكل
ولكم خالص الود

[شيخ بني تميم]

عليكم السلام ورحمت الله وبركاته عندك توانك الوطن ممتازه والا جت بتاخذ لا تاخذ الا الي تحط علي العفش او لاصق في المراتب الخلفيه وبتوفيق انشا الله

[غشام 11]

ما قصرت ياشيخ بني تميم
بس احس ان اللي خلف المراتب بيكون افضل وهل اللومنيوم افضل ام البولي ايثيلين

[شيخ بني تميم]

الالمينيوم ينزلك مويه بارده والبولي ثلين اول مره اسمع هلاسم اما ذا كان الي مثل البلاستيك يصير فيه عزل يعني ماتصجك صوت المويه واتمنا لك التوفيق

[النداوي909]

الله يوفقك

[غشام 11]

يا شيخ البولي ايثيلين نفس تانكي الوطني او الوطن نفس الخامة يعني
المهم وش الانسب واللي ما يطلع صوت

[عالي الكيف]

السلام عليكم رحمة الله وبركاته

نصيحتي لك (وبقوووووووه) خزان البولي ايثيلين سواء كان الوطني او الزامل (الوادي) او غيرهم

والاسباب :
1 / خفيف الوزن.
2 / مايغير الطعم .
3 / توفير كبير بالقيمه الماليه.
4 / لا يؤثر فيه نوع الماء المستخدم ,,,يعني لو انجبرت تعبي ماء هماج ماضر التانكي بس اغسله ويرجع زي ماكان .
بخلاف الخامات الاخرى فهي للماء القراح(الحلو) فقط .
هذا ما اذكر الآن ولعل هالأسباب كافيه .

انصحك تمر الرمايه توني مارهم وشفت عندهم نوعيات حلوه لوجود الفواصل الكبير فيها واحجامها ايضآ مناسبه (الى 140لتر)

ولاتنسى تركب حنفيات اقتصاديه بالماء ولي نوعيه ممتازه (ايطالي مثلآ) ولو مالقيت عندك لي العايد وغيره .

تحيتي للجميع

[شلفا تبوك]

اخوي موتري ٢٠١٠ جي اكس ار
عليه خزان الوادي ١٤٠ لتر
من اول علا جمس ٩٩ وله ٦ سنوات لا ريحه ولا طعم في الماء
فيه نوع الوطني ممتاز جدا جدا وتقريبا نفس الوادي
موقعهم في لبن مخرج ٣٤ او طريق خال بن الوليد
ابحث في قوقل عن رقمهم وكلمهم
بانسبه للستيل ايضا ممتاز لكنه غالي فوق العاده
وكل الخزانات تعطي نفس الغرض وهو توفر للماء
تقبل مروري

[قناصه]

1-حسب ميزانيتك الماديه
2-حسب احتياجك لكمية الماء
3-حسب رغبتك في مكان وجود الخزان>داخلي والا خارجي

وبالترتيب مع المميزات والعيوب:

1-الاستنستيل >>مايصدي +قوي خصوصا لو كان خارجي
عيوبه>>غالي جدا>>ثقيل>>لازم تتأكد من الورشة المصنعة لان اكثرهم يغش في اللحام

2_الالمنيوم>>مايصدي>>خفيف>>>سعره مقبول

عيوبه الخارجي منه مايتحمل >سهل العطب

3-البولي ايثلين>الزامل الودي الاختيار اوالوطني الللللخ كلهن واحد
سعره وسط مايصدي

عيوبه ماتقدر تفصله على كبفك احجام واشكال جاهزة
مع تعرضه للشمس يتغير طعم الماء لازم بالضل دائما او تركب له عازل وتفصل عليه شراع
سهل الكسر اذا بترهم له خارجي
4-الحديد او الصاج>ابونجمه رخيص وعملي
عيوبه الصداء وتغير طعم الماء

5- البلاستيك سواء الامريكي او الياباني او الصيني
سعره معقول جدا مطاوع للتشكل في المكان الموضوع فيه
العيوب سهل التمزق مهما اجتهدت لابد يهرب في السيارة لو كمية قليله
وكذلك احجامها اللترية صغيرة بين 60 وا20لتر
6-الخزانات المرهمه من جيك وترامس اااالخ نصيحه ابعد عنها سلبيتها اكثر
رخيصة جدا وتقدر في الكشته تضعها خارج السياره وسهلة النقل في الفياض المغلقة مثل خريم
عيوبها كثرة التهريب للماء لابد من ربطها داخل السيارة شكلها قبيح سعتها اللترية صغيرة
وارى ان ام 6 ريال احسن منها

وانصحك بالتفصيل خارجي للمحافضة على فرش السيارة من الداخل

المقاس المناسب لايكون كبير ويتعب السيارة خصوصا في توازنها بالبر
ولايكون صغير وتبلش يخلص في نص الكشته المزعج

وضع قواطع داخل الخزان خصوصا الداخلي لمنع الصوت
وصغر مخارج الماء>>الحنفيات لتخفيف الاستهلاك

اتمنى اني افدتك واي خدمه انا حاضر واقريب

[غشام 11]

الاخوان
عالي الكيف
شلفا تبوك
قناصة
الله يبيض وجيهكم وكفيتوا ووفيتوا
واشكر تجاوبكم