1 – انا احتاج الى مساحة اضافية للعفش فهل السلة خلفية للعفش افضل ؟ او احمل العفش على السقف ؟ . ايهم افضل ؟
لو انا مكانك راح احمل فوق السقف لان اليوكن تقدر تحمل فيه فوق السقف وذلك لوجود عوارض بالجنب والطول واعرف شخص حتى لو بغى يروح للشرقيه حمل عفضل فوق التنده وهذا اشوفه انه افضل.
وما هي الامور التي تجب ان انتبه لها ؟
عندك امرين لابد منهم....
الاول .. اذا ترغب بتركيب العفش فوق التندهـ عليك بتفصيل شراع بحيث انك تحط فيه الاغراض وستكر على الاغراض بسحاب متين عشان مايلعب العفش بالهواء ويكون انسيابي قدر المستطاع.
ثانياً .. إذا لم ترغب بتحميلها فوق السقف عليك بتركيب سله خلفيه واللي اهم من اللسله تركيب مساعدات تتحمل التحميل ولو تلاحظ اخي الكريم لما تشوف ناس بالطريق بالسفر ومركبين سله السله نفسها حول ماتحك بالارض وتكون نازله مره والحظها اكثر شي على الجيوب. اما نوعية اللسله عليك بتركيب سلة اسمها سلة رفيق الدرب تتحمل ثقل ثلاث رجال بالغين تقريبا اوززود بعد . حسب كلامهم.
يعني اللي يقول السله الخلفية للعفش احسن ... يذكر لي افضل نوع ومين اللي يركبها صح .؟
افضل سله ذكرتها لك وهي حقة رفيق الدرب علما اني لم اجربها ولا اعرف سبق له ان جربها بس اذكر يوم كنت بالغرابي فيه تقليد لها وفيه واحد ركب التقليد لانها شبيهه لها بالظبط وفكها وركب الاصليه حقة رفيق الدرب يعني بين قوسين يجي منها تقليد انتبه.
واللي يقول لي السقف احسن ... هل اربط العفش بحبال عادية ولا لها طريقة افضل !!!
الطريقه ذكرتها وهي تفصيل شراع يلم عفشك كله ولاكن ان كنت مستعجل يوجد شبكه مثل شبكة كورة الظائره بحيث انها تثبت عفشك مضبوط.
2- اريد ان اركب حماية لخلفية السيارة .. اين افضل مكان يبيع او يفصل ..!!
اما حماية ماذا تقصد بحمايه هل هي دعاميه ام تضليلة ام عازل ضد الخدش من العواصف الرملية
3- اريد تركيب حماية لواجهة السيارة ... هل البرقع افضل ... واين المفصل الجيد ؟
بخصوص الحمايه فيه بخاخ لون علبة اسود كبير من تحت وضيق من الاعلى ولزقته كلها كتب انجليزي ماعدا كتبه واحده عربي وحسب كلام راعيه صعبه تحصله بالرياض
وهو لما تحطه على وجهية السياره لونه شفاف مايشاف وفعال لابعد درجه وشفته بعيني.
بخصوص البرق له سلياته وايجابيات
4- ما هي افضل الشركات لعمل التظليل الحراري ... مع العلم بان لدي تخفيض 40% لشركة 3M فهل هي شركة ممتازة ؟ ام هل هناك افضل منها ؟
شركه 3m لايختلف عليها اثنان ولاكن غاليه بالحيل انا عندي خص ولا ركبتها
ركبت تضليله كوريه سوداء بـ 80 ريال وصلى الله وباركـ وتفي بالغرض لابعد الحدود ولله الحمد.
آمل منك اخي الكريم الاطلاع على هذا الموضوع لاهميته القصوى وشكرا
http://www.mekshat.com/vb/showthread.php?t=399026
اخيراً عسى الله يرجعك سالم غانم معافى لاحبابك وديرتك ويستر عليك ويطوي خطرك وان يوفقك وشكرا