استفسار لاهل الخبرة بالكفرات

[بليهان الشمري]

السلام عليكم ورحمة الله وبركاتة

ياخوان انا راعي سفاري موديل 1999
ابي اركب كفرات ابو جمل ماكسس بس العيال يذمونة وبصراحة انا راعي سفر يعني وبخاطري اركب ماكسس يقولون انة تعمر اكثر من البرجستون وبعدين انا راعي طلعات للبر كثيرة على مدار العام

ارجوا من اهل الخبرة اتكرم علي بالشور

[ذئب اليل]

معندي خبر لاكن انتضر الخوان مراح يقصرون

[ماهقيت]

يالله حيهم ..... انا يالغالي ركبتهم ولي الان 3 شهور تقريبا ولا أروع ولا احسن وندمت اني ماركبتها من زمان..... بس اول ماتركبها خلها 2 يومين عشان تمسك بالجنط ثم رصصها ارضي وبإذن الله تمام التمام...بس تكون 8 غاط ... انا ركبت للاف جي كروزر

تقبل مروري

[ابوسامي 2011]

الكفرات زينه انا جربتها في الجبال وفي الرمال وفي الاسفلت ما يحتاج لاكن خفض الهوى الى 15 او 10 ورصص ولاتقول قليل بالعكس كافيه مره وتراه ينعفط اذا وقف اكثر من ساعتين لاكن يعود ويصلح من نفسه

[باترول 4500]

وعليكم السلام

انا مركبهن لي تقريبا سبع شهور وصارحة ماعليهن كلام ممتازات وخاصه بالنفود
بالنفود أحط الهواء 15
وبالديره والسفر 30 أو 35

[شيخ المواتر]

يفيدونك الأخوان.

بس بالنسبة للبرجستون ماعليه كلام والله,, مركبينه على جي اكس من عام 2004 تقريباً وللحين عليه .

بس بدا يتشقق شوي,, تخبر الشمس ما ترحم .

[HAS5SAN]

انا مع الـ

[بليهان الشمري]

ذيب الليل

ماهقيت

ابو سامي

باتروول

شيخ المواتر

لاهنتوا الجميع