سيارات الجيش

[المصباح السحر]

السلام على الجميع ورحمة الله وبركاته

لي شهر وانا ادور بالمعارض ادور شاص قديم

واكثر ما القى سيارات الجيش او السلاح

ناس تمدحها وناس تذمها وانا دراهمي من العشرين ومنها وحول

ابي السيارة لاني مقبل على عمار وتعرفون ابحتاج سيارة انقل فيها

اللي يخبر لي موتر اهم شيء انه سالم من التقلب والتطعيس الجائر

[الخولاني]

دور لك ددسن دبل كد ومد وسعرها رخيص

[ذئب اليل]

سيارات الجيش مكروفة إلين قايلة بس

[سارق الكحل]

انا مع الخولاني

شف لك دتسن والا هايلوكس أفضل حتى مرغوبة للبيع مسقبلا

رغم ترى الحين يوصلون السمنت والحديد والبلك يعني يمكن ماتحتاج السيارة اذا عندك سوبربان يفي بالغرض

[طيرشلوى 2]

خذلك جمس من 95 وطالع

[شاط]

دورلك ددتسن


وعليك بحقين نقل العفش
تراهم اضمن

مجرب

[ابو ناصر2011]

غير الددسن لاتدور راعيت كد

[فارس الحربي1]

سيارات الجيش مكروفة إلين قايلة بس

لالا حرام عليك لاتقول الكلام هذا
انا واحد من اخوياي يقول ركبت همر جيشي علشان نسويله صيانه سنويه
موديله 97 يحلف حلف انه ماشي 1020 كيلو بس
للمعلوميه المكروفه صح الدوريات الامنيه والمرور وامن الطريق وسلاح الحدود
اما الدفاع المدني وسيارات المحاكم والشركات الحكوميه والامراء هذي مايجيها كرف

عمي شاري جمس 2004 حجم مكينته 8100 من حرس الامير سلطان بن عبدالعزيز
ماشي 75الف وشراه بــ72ريال ولا فيه شي كنه وكاله

[الشنه]

^^^^^^^^^


+1

[سوبر VTC]

اخوي احد الربع شرا سلقة باترول م91
ماشي اقل من 120الف تقريبا
الموتر جديد ما شاء الله الى درجه عصا الدبل ما تقدر تعشقه عاض لانه لم يستعمل
ديكوره جديد
حتى ما شاء الله اذا وقفت عند الشكمان و المكيف شغال تسمع نغمة الصوت صافية تقل م97
شراه ب22 و اشغلوه الناس و باعه ب31 و اللي شراه باعه ب34

[المصباح السحر]

اشكركم بعنف