الى خبراء الاطباق(الشنطه) للصوالين بالقصيم

[نسيم المطر]

السلام عليكم ورحمة الله وبركاته
ياجماعة الخير بغيت اركب طبق للموتري g2010 ولا حصلت لا بالسنيدي ولا عروق الشمال وابي اللي يجي ارتفاعه اكثر من 48 سم علشان الثلاجه اللي يعرف احد يفصل بالقصيم عموم يفزع لنا والله لايهينكم
طبق_صقاله

[أبوعابد 22]

مافهمت عليك ياذيب يليت توضح لنا اكثر علشان نفيدك

[VTC 2002]

حياك الله اخوي نسيم المطر
عندي لك رأي ليش ما تأخذ الطبق الموجود عند السنيدي وتوديه ورشة حداده وخله يزود طول الأرجل المقاس اللي تبي
اما اذا كنت تبي الطبق اللي يركب على ديكور الشنطه بدون ارجل فيه مصنع الوادي بالرس يسوي الحديد والخشب عند اي منجره وخاصة منجرة شمس بالرس بس مدري عن سيارتك يركب لهل ولا لا لاني مركبه على فتك 2002 لوجود المكان لتركيب المسامير في الديكور الجانبي للشنطه
بعد اذن الادارة كتبت اسماء الورش ليستفيد اخونا منها او اي عضو وشكراً

[نسيم المطر]

حياك الله اخوي نسيم المطر
عندي لك رأي ليش ما تأخذ الطبق الموجود عند السنيدي وتوديه ورشة حداده وخله يزود طول الأرجل المقاس اللي تبي
اما اذا كنت تبي الطبق اللي يركب على ديكور الشنطه بدون ارجل فيه مصنع الوادي بالرس يسوي الحديد والخشب عند اي منجره وخاصة منجرة شمس بالرس بس مدري عن سيارتك يركب لهل ولا لا لاني مركبه على فتك 2002 لوجود المكان لتركيب المسامير في الديكور الجانبي للشنطه
بعد اذن الادارة كتبت اسماء الورش ليستفيد اخونا منها او اي عضو وشكراً

ابيض وجه ياذيبان لاخلا ولاعدم ماقصرت وجزاك الله خير

[do7my]

اذا تبي شغل نضيف وتفصيل مزبوط وقماش صاحي

رح للبريه اللي في الزلفي

انا والله عاني لهم من شقراء وبصراحه شغلهم في تلبيسة الشنطة والطبق عندي على لاندكروزر 2006 لايعلى عليه شغل رايق بصراحه
واذا انت عندك ثلاجه فيه الطبق المتحرك للثلاجه شغل شويه عليه قولت شغل معلمين
مرهم وشف شغلهم
القماش تايلندي زي قماش الراويه مهوب جلد يتقطع على طول والا تنزاني السنيدي يقلب وردي مع الشمس
شغل بصراحه مافيه كلام