شوركم وهداية الله

[قصيمي دت كم]

السلام عليكم ورحمة الله وبركاته

اخواني انا ان شاء الله ناوي اشتري سياره للعائله وانتظر 2012 لكني محتار بين اليوكن اكسل دفع رباعي وبين التاهو الشفر ليت الطويل
وهل اخذ دفع رباعي ولا العادي لانكم عارفين انا في القصيم مكاشيتنا طعوس

انتظر ارائكم حفظكم الله

[* ابو باسل *]

اول شي ليتك قايل هداية الله ثم شوركم وانا خووك بيكون افضل ولاتقدم شورنا على امر الله سبحانه
اكيد الدبل افضل بس ترى اليوكن اكس لارج او السوبربان شفر ترى دبلها حق زنقات فقط يعني انتبه تروح تطامر بها وتطعس في طعوس جامده لان ارتفاع السياره عن الارض غير جيد وثاني شي طولها مايساعدها يعني عكس اليوكن القصير وموفق خير .
ونصيحتي لك اذا عائلتك ليست بالكبيره خذلك جي ام سي سيرا افضل واقوى والتحميل جبار ويتحمل المراقى والتطعيس والاماكن البريه الوعره واهم شي يكون زد 71 وموفق خير .

[قصيمي دت كم]

جزاك الله خير اخي ابو باسل
حاولت اعدل العنوان ولكن ما استطعت وهداية الله قبل كل شيء
السيرا طويل ولا قصير مثل التاهو القصير
عائلتنا 8 ونا ماني راعي تطعيس ولكن ابغاه للزنقات فقط

[عبدالرحمن السالم]

ماشاء الله تبارك الله ، اذا انتم 8 ماراح يشيل اليوكن القصير او حتى التاهو القصير
يا تاخذ لك جمس او يوكن طويل وعندك برضو الاكسبديشن ممتاز وعائلي
والله يرزقك ويوفقك ويسهل آمرك

[pass2love]

عندنا شفر طويل

ويوكن قصير



ممتازه جدا ومريحه بشكل ماتتصوره

بشرط

سواق يحافظ علي السياره

والدبل وقت التمشيه علي خفيف علي طعس ماتضر


وصدقني سياره في السفر مريحه جدا جدا

ليش ماتشري 2011 بعد رمضان يصير عليها عرض

وسمعت 2012 يمكن مايتغير

[قصيمي دت كم]

ماشاء الله تبارك الله ، اذا انتم 8 ماراح يشيل اليوكن القصير او حتى التاهو القصير

يا تاخذ لك جمس او يوكن طويل وعندك برضو الاكسبديشن ممتاز وعائلي

والله يرزقك ويوفقك ويسهل آمرك

جزاك الله خير
اعتقد اليوكن افخم من الفورد
ولكن فكره رائعه اني امر التوكيلات

[قصيمي دت كم]

عندنا شفر طويل

ويوكن قصير



ممتازه جدا ومريحه بشكل ماتتصوره

بشرط

سواق يحافظ علي السياره

والدبل وقت التمشيه علي خفيف علي طعس ماتضر


وصدقني سياره في السفر مريحه جدا جدا

ليش ماتشري 2011 بعد رمضان يصير عليها عرض

وسمعت 2012 يمكن مايتغير

ماقصرت يالغالي
انا اعتقد ماريح يتغير 2012 عن 2011 يمكن بلمسات خفيفه لكن قلت بأنتظر عن الحسافه
انا سواقه ماعندي احد يسوق الولد الوحيد توه صغير مابعد دخل المدرسه الله يصلح لنا ولكم النيه والذريه
وانا ابغيه للسفر فقط

[* ابو باسل *]

اجل دام عددكم 8 السيرا مايشيلكم لانه غمارتين وحوض وهو مورتر البر والطلعات والنفود والتحميل بس دامك تقول بر خفيف ودبل وقت الزنقات ابد لاتخاذ غير يوكون اكس لارج وانا خوك موتر يبي يعجبك وخله دبل لاقدر الله وانت مسافر تبي تعدل عن الخط تصلي وعيالك يتمشون شوي ابد يكون الدبل موجود ولاتخاف تعدل عن الخط وهو افضل لك دامك ماتبيه للبر والتطعيس افضل واوسع من اليوكن القصير لانه يشيل عفشك وعيالك بس القصير يالله يادوب يشيل العائله وشنطته الخلفيه ضيقه ماتشيل شي .

وهذي صورة الجمس السيرا وحش اذا قالوا وحش هههههه

[قصيمي دت كم]

اجل دام عددكم 8 السيرا مايشيلكم لانه غمارتين وحوض وهو مورتر البر والطلعات والنفود والتحميل بس دامك تقول بر خفيف ودبل وقت الزنقات ابد لاتخاذ غير يوكون اكس لارج وانا خوك موتر يبي يعجبك وخله دبل لاقدر الله وانت مسافر تبي تعدل عن الخط تصلي وعيالك يتمشون شوي ابد يكون الدبل موجود ولاتخاف تعدل عن الخط وهو افضل لك دامك ماتبيه للبر والتطعيس افضل واوسع من اليوكن القصير لانه يشيل عفشك وعيالك بس القصير يالله يادوب يشيل العائله وشنطته الخلفيه ضيقه ماتشيل شي .

وهذي صورة الجمس السيرا وحش اذا قالوا وحش هههههه

الله يجوزك يابوباسل من الحور العين
السيرا يبي له شرواك راعي بر وتطعيس
انا ابي الدبل مثل ماقلت اذا بغيت اطلع من الخط ونا مسافر ولا جاز لي محل اوقف فيه
انا والعائله انزل وانا مطمئن بأذن الله
ماقصرت يالغالي