وش رآيك وجزاك الله خير

[سرطوقا]

السلام عليكم ورحمة الله وبركااته

شهر مبارك

بسم الله ماشاء الله

عرض علي جيب لاندكروزر 91 نظيف بمعنى الكلمه مافي صدوم مافي شي مره


ماشي 256 ولم يرجع
مكيفين
لونه رصاصي غامق


انا رجال ابشتريه للبر طبعا مكينته 12 بلف وليست 24 بلف هل يصلح للبر


رأيك وجزاك الله خير وبارك الله فيكم

[قدر مكتوب]

يصلح بس عسى سعره مناسب , وتقدر تركب له مكينه مع دفع الفرق للتشاليح

[ابومناحي]

12 بلف ضعيفه

[سرطوقا]

صعره 26 الف ريال

وجزاكم الله على المرور

انتظر البقيه

[التعـ King ـديل]

سعره معقول بالنسبه لنظافته .. بقولك شغله .. زوج خالتي كان عنده باترول ربع 83 وكنا نركب معه خمس اشخاص وعزبتنا واغراضنا والهواء بالكفرات 30

ولا ازين منه .. واقولها لك طالما الموتر نظيف ومحركاته زينه ماعليه خوف للبر ولا للديره ومن كلامك الموتر يعتبر لقطه ونظيف بالحيل

[المنيعي1]

مشكلته ثقيل مرة يعني أذا طلعات بر وجبال ماعليه وشعبان بس النفود ماينفع

[سرطوقا]

شكرا لكم كثيرا ( بتخاويني ياكنق التعديل نطعس عليه ؟ )

وتراني ان شريته ان شاء الله ابي ارهمه واركب فيه مكينه وشرايك :؟

[جمس z71]

خذه وتوكل على الله الموتر لقطه..

اسال الله ان يكتب لك اللي فيه الخير..

[التعـ King ـديل]

سرطوقا خوتك شرف لي طال عمرك .. وبالنسبه للترهيم تقدر تركب له مكينه 4500 حقت 97 تركب بدون ترهيم وحوسه

[سرطوقا]

جزاكم الله خير

وان شاء الله ابنزل الصور لاشريته

[عبيد الله]

اشتر وعلي 29الف بعد المعاينه
اذا انه مثل كلامك

[Abo gssar]

يسوى طالما تقول انه نظيف ..
.وموديلات بداية التسعينات في ممتازة واعتمادية
خذه وتوكل على الله

[فلشر]

يالذيب اذا تبي تبيع ارسل لي خاص

[التعـ King ـديل]

سرطوقا خذه واذا ما جاز لك زبونه موجود شف كم واحد هنا بيكسبك