بـخــصوووص مــبـرد زيــت قيــر الفــــتـــك عااااااجل

[وليد46]

اخواني اعضاء منتدى مكشات الكرام

السلام عليكم ورحمة الله وبركاتة

قرأنااا قبل اكثر من اسبوع موضوع اخونا الثــقــيــل عن المشكلة الي صارتله في موتره

بخصووص مبرد زيت القير الفتك الي ضرب عليه وخلط زيت القير مع ماء الاديتر ووضب

القير وكلفه خساير الله يعوضه بالدنيا والاخرة فلذلك ......

اناا ودي اسال اي واحد منكم حصلت معه هالمشكله يعطيناا رايه ووش سوى

وهل فصل المبرد عن الاديتر ماله اضرار اكيده مابي احد من راسه يقول الا له لاءء

انا ابي احد جرب يعني احد عزل المبرد عن الاديتر وخرب عليه ولا احتمى القير او شي

من هالقبيل اماا الي يقول اتوقع رجااء لايقول شي ..

وانا والله ناوي اعزل المبرد عن الاديتر ونصحولي اكثر من ورشة ببريده وودي القاء

ياخوان واحد جرب موب معقوله هالمشكله عجين به العالم واكثر الي بالمنتدى واخر شي

اذا بغينا واحد جرب هالمشكله ولقا حل مالقينااه مااهووب معقوله .

والف شكر لكم كلكم والله لا يوريكم مكروه فيكم ولا في امولكم وممتلكاتكم...

[شحرور الدهنا]

انا معك خاصه ان قير الفتك حساس جدا انا اتكلم عن التوب ترونيك

[وليد46]

انا معك خاصه ان قير الفتك حساس جدا انا اتكلم عن التوب ترونيك

هلا فيك اخوي شحرور والله يعافيك على هالمرور يالغالي

وحنا انتمنى ان واحد من الي جربوا يدخلون ويعطوننا رايهم عقب عزل المبرد عن الاديتر

ويعلمنا التكلفه واي ورشة ويعطينا انطباعه عقب العزل

[صباح القايله]

اخوي انا فصلت الاديتر عن مبرد القير وخليت المبرد بلد ولي اكثر من سنه مافيه مشاكل والله الحمد 
وفيه بعضهم يركب بدال مبرد البلد مبرد اكبر


[ماون ماركز]

ما يحتاج ورشة .. الشغل اسهل من فك أديتر الماء

أشترت أديتر قير حق فورد

أو هذا حق ميركوري ميلان .. صغير ومدقدق


وركبه بيدك .. سهل جدا ً

أنا مركب حق الميلان لزميل .. على ميركوري ماركيز بأقل من ساعة


هذا على جمس أظنه مركب

-

[وليد46]

اخوي انا فصلت الاديتر عن مبرد القير وخليت المبرد بلد ولي اكثر من سنه مافيه مشاكل والله الحمد 
وفيه بعضهم يركب بدال مبرد البلد مبرد اكبر


هلا فيك اخوي صباح القايلة

والله سعدت بمرورك بس الله يعينك علينا اخوي وعلى اسالتي اول شي

مديل موترك الله لا يهينك

ثاني شي انت فصلته قبل تحصل المشكله ؟

ثالث شي وين باي ورشة وبكم السعر الله لا يهينك

رابع شي تعتقد الاكبر ازين من شد البلد ولك كل الشكر والتقدير على وساعة صدرك

[ابرق نثيل]

اخوي اذا انت تهين الموتر بالنفود بمعني تطعس وترقى مراقي بدون ماتنسم الكفرات في عز الصيف
احتمال يتاثر اذا جاه استخدام غير عادي لانه الفتك استخدام يومي ماهو سيارة رالي !!

ثانياً الفتك معروف بانه شيخ الجيوب وقله اعطاله شجعت البعض على استخدامه بطريقه اعنف من اللازم

عموما لا تقلق واجد هذا الفتكات معنا نكرفها ولكن في حدود واذا تحشمه يحشمك خاصه اذا كان على يدك وكاله
اما اذا مستخدم وماخذ بعد شخص مفحط به او مرهمه او راعي مقانيص فطبيعي يظهر به مثل هالمشاكل

وتبريد الزيت مع اديتر الموتر اضمن بالف مره من وضع راديتر خارجي لانه في هذه الحاله الزيت يبرد نفسه بالهوا وليس الماء

كل الانصحك به احشم الموتر وانتبه للاديتر والحراره لا تهمل

[ابوعبدالله46]

اخوي وليد
انا مركب مبرد المبرد بنفسي قبل 3 سنوات ولا شفت اي مشاكل ولله الحمد وعزلته احتياط فقط لاغير وقليل مره تحدث المشكله واذا السياره ماشيه فوق 250 الف فا عندك خيارين كا احتياط اما تركب مبرد خارجي او تركب اديتر جديد
والمبرد يختلف من حيث الحجم والسعر وكل ما كان اكبر كلما كان احسن واذا كانت سيارتك جديده توكل على الله وما عليها ان شاء الله
وانا كلفني 250 ريال اديتر ولي من محلات الهدروليك يتحمل حرارة 120 درجه 6 متر سعر المتر ماني والله متذكر بس ممكن ب 20 ريال للمتر وركبته بنفسي
اتمني اني افتدك

[وليد46]

اخوي وليد
انا مركب مبرد المبرد بنفسي قبل 3 سنوات ولا شفت اي مشاكل ولله الحمد وعزلته احتياط فقط لاغير وقليل مره تحدث المشكله واذا السياره ماشيه فوق 250 الف فا عندك خيارين كا احتياط اما تركب مبرد خارجي او تركب اديتر جديد
والمبرد يختلف من حيث الحجم والسعر وكل ما كان اكبر كلما كان احسن واذا كانت سيارتك جديده توكل على الله وما عليها ان شاء الله
وانا كلفني 250 ريال اديتر ولي من محلات الهدروليك يتحمل حرارة 120 درجه 6 متر سعر المتر ماني والله متذكر بس ممكن ب 20 ريال للمتر وركبته بنفسي
اتمني اني افتدك

اخوي ابو عبدالله ممكن كم سؤال الله لا يهينك

موترك كم مديله ؟ ؟ وبعدين انا ودي اسالك بعد ماعزلت المبرد عن الاديتر مايحتمي القير ؟ ؟

يعني تعشيق القير بعز القيض تمااام ؟ ؟ ولا فيه مشاكل ارجو الرد السريع

لاني مواعد راعي الورشه بعد كم يوم ارجو الحمااس يالغالي معي وشكرا لك

ولمرورك ياخلفهم

[ماون ماركز]

اخوي اذا انت تهين الموتر بالنفود بمعني تطعس وترقى مراقي بدون ماتنسم الكفرات في عز الصيف
احتمال يتاثر اذا جاه استخدام غير عادي لانه الفتك استخدام يومي ماهو سيارة رالي !!

ثانياً الفتك معروف بانه شيخ الجيوب وقله اعطاله شجعت البعض على استخدامه بطريقه اعنف من اللازم

عموما لا تقلق واجد هذا الفتكات معنا نكرفها ولكن في حدود واذا تحشمه يحشمك خاصه اذا كان على يدك وكاله
اما اذا مستخدم وماخذ بعد شخص مفحط به او مرهمه او راعي مقانيص فطبيعي يظهر به مثل هالمشاكل

وتبريد الزيت مع اديتر الموتر اضمن بالف مره من وضع راديتر خارجي لانه في هذه الحاله الزيت يبرد نفسه بالهوا وليس الماء

كل الانصحك به احشم الموتر وانتبه للاديتر والحراره لا تهمل

اذا ركبته بالشبك .. وحطيت عليه مروحة .. يطلع أحسن من تبريد الماء بمليون مرة



تحياتي

[وليد46]

اذا ركبته بالشبك .. وحطيت عليه مروحة .. يطلع أحسن من تبريد الماء بمليون مرة



تحياتي

اخوي ماوان كلامك سليم ومية بالمية

بس للاسف الفتك مافيه مكاان كافي لمبرد والمروحه قدام بس المبرد يكفي اما المروحة

ماله مكاان ارجواا التفاعل مع الموضوع لكي نعرف حقيقة هذي المشكلة

[ابوعبدالله46]

اخوي بالنسبه لا استفسارك
الموديل 2005
بالنسبه للحراره ما ادري والله لاكن ما تغير على شي من حيث التغيير لا بالتعشيق ولا غيره
مع العلم انه ما فيه احد زيي اجلط الموتر جلد تعطيس والمكيف ما يطفى ابد سوى بالبر او غيره وانوم فيه بعز الحر بالبر والمكيف شغال يعني موريه نجوم الليل بالنهار
لاكن انا اقترح عليك ان تخلي اللي بيركب لك الاديتر يغلى مواصير زيت القير(وهي عدد 2 ما صوره خارجه من القير للاديتر) لانها تمر بجانب القزوز وتعرف الحراره
يعني احسب 10 سنتي من خروج المواصير من القير وقصها بمنشار حديد وخليه يركب (اللي)
ويمشيه على الشاصي بالجهه اللي فيها البطاريه أي بجنب المكينه (عكس القزوز) وبكذا تكون افتكيت من حرارة القزوز ونا مسويها كذا
الشي الاخر تاكد من ا ليات اللي راح يركبها لك انها تتحمل حرارة الزيت لو تشتريها على حسابك وشيك بنفسك بعد التركيب على القفزان ولاديتر لايكون يدق او يحك بشي لانه تعرف بعض العماله ما تتكل عليهم
واي استفسار حاضرين

[وليد46]

يعني انت يابو عبدالله تنصح بعزل مبرد القير عن الاديتر صح ؟ ؟ يعني اتكل على الله وعزل المبرد ؟

[شحرور الدهنا]

ياشباب والله انكم فتحتو عيوني على شي اول اعرفه طيب واللي بيخليه على وكالته موتري فتك ٥

[برايدوي عنيد]

هلابك اخوي

سالت ميكانيكي ببريده و قال مر علي فتكات مخبطه وهي مركب له مبرد للقير منفصل عن المكينه

وهذا رابط يفيدك ان شاء الله

معك Vtc ؟؟ تفضل باالدخول موضوع يهمك !! http://www.mekshat.com/vb/showthread.php?t=155215

لكن شيك كل فتره وربك يعين

وتقبل مروري....