والله احترت وبقووة اناس يقولون خذ (يوكن )وناس تقولون فورد (الاكسبدشن)وش الدبرة تعبت ؟

[بن عويشير]

شباب والله احترت ناس تقول لى اشتري يوكن جمسي 2011
وناس تشور على بالاكسبدشن فورد 2011

ناس تقول الجمس خرباته كثير والتكييف حار
وناس تقول الاكسبدشن الكهرباء حساسه ما تعرف لها الا الوكاله

وانا فى حيره من امرى تعبت من التفكير
والله ما انلام السياراه اقصاد وديون وسلوف

والسياره غاليه تحرق القلب

لكن الواحد يشور اخوانه واحبابه وما خاب من ا ستشار

اى احد مشترك بالموقع يسوق للسيارتان ارجوه لا يرد

لانه بيصير غاش لى والمسلم اخو المسلم

تكفون ابي شوركم يا الربع

[جلمود الحره]

يوكن تقولي ليش اقولك يكفي انه جي ام سي بدون تعصب

[ابوصالح77]

والله يالغالي ما أدري شأقول لك
الدعوة واحدة
شف اللي خاش مزاجك
ولو تحول الوجهة لـ السكويا
سعرها مناسب ونفس الصناعة
الله يرزقك الخيرة المباركة

[رسيس نجد]

لا تعدى الياباني 00000 مجرد رأي 0

[مولع بالطير]

بسم الله الرحمن الرحيم تقبل الله منا ومنك صيامك وقيامك وجيمع المسلمين
الله يعطيك خيره ويكفيك شره الموتر الي بتاخذ من ناحيتي شخصيا انا جربت اليوكن 10 سنوات كديته كد لاكن محافظ عليه من ناحية زوت محركات تشييك وياربي لك الحمد لين بعته واليوكن شفه مع ناس واجد ماشتكو منه بالعكس موتر عملي ومريح وكانك تبي تاخذ شف التاهو ماهو ردي وسعره 116000 وعسي الله يرزقك بالخيره وستخر ونا اخوك اتمني افدتك

[mobe]

في الجودة والمميزات الاكسبدشن يتفوق على الجي ام سي بفارق بسيط

في الشكل الخارجي الجي ام سي هو الاقرب توافقا مع المزاج الذوقي السعودي

[جيبي جايزلي]

رح لم محلات التاجير واستاجر هذا وهذا وشف وش اللي يناسبك

[أبو غدي1432]

رح لم محلات التاجير واستاجر هذا وهذا وشف وش اللي يناسبك

[كاشت وحداني]

الله يدلك ويسهل امرك
اولا الاستخاره
ثانيا الراحه النفسيه لك انت شخصيا
ثالثا طريقة استخدامك
الموترين كلهم حول بعض
الاكسبديشن المرتبه الاخيره لما تنصفط تعطيك مساحه اكبر مستويه بعكس اليوكون
الاكسبديشن اريح قليلا من اليوكون
الا كسدبيشن حق انسان رايق وهادي
ان كان انت من النوع العجل وتحب المطامر خذ يوكون
البنزين حاليا لصالح اليوكون بسبب التقنيه الجديده اللي توفر عمل البساتم في حالة عدم احتياج الموتر لها

[بلحارث]

لا هذا ولاهذا شف عندك السوبربان الطويل افضل منهم خذلك ال تي وماراح تندم ان شاء الله انا اخذته ورحت فيه الجنوب ورجعت ماشاء الله تبارك الله والله انه يفتح النفس لامركب ولامظهر وعلى فكرة تراه نفس اليوكن بس الاختلاف بسيط جدا في الانوار الامامية وحاجات لاتذكر بالعكس السوبربان شكله احلى وارخص من اليوكن فقط بعشرة الاف وانت استغل العشرة الاف وركب له شاشة من عند الوكالة وتلبيسات والله يوفقك

[الصقر الحربي]

اليوكن أفضل
ولا تنسى قطع غيار الفورد تراها غالية

[ابوراكان تبوك]

السيارة اللي ماعليها علامةماتعتبر سيارة وجهه نظري

[ابونبيل]

كلهم كفو بس الاصاله في الجمس ..معروف منذ مبطي

[ابوصالح022]

غير التويوتا والنيسان لاتدوور

صحيح ان اليوكن والاكسبدشن موووووواتر فخمه ومريحه وعائليه

لكن غااااااااليه اسعاااره + بعد كم سنه كم تبي تبيعه+ الاعطاال
والله الديووون بنا بنا لكن اخذ لي سيارهـ 88 الف وحووول

يافورتشنر او اي سيارهـ ثانيه

والله يعييينك على الاختيار
وعليك باالاستخارهـ قبل كل شي
ولاتحمل نفسك فوق طاقتها


اخوك ابوصالح

[راعي المجهم]

نصيحة خذ لك جيب تويوتا أفضل مليوووووووووون مرة من الأمريكي

وسعره فيه شيييييييييييك مصدق متى ماحتجت دراهمه