والله احترت وبقووة اناس يقولون خذ (يوكن )وناس تقولون فورد (الاكسبدشن)وش الدبرة تعبت ؟

[ابوضيف الله]

شف وانا اخوك انا بالنسبة لي اليوكن اجمل كاشكل خارجي ومكيفة ممتاز جدا
الاكسبدشن انعم ومكيف ممتاز جدا وفية ميزة وتقدر تروح للوكالة وتتاكد منها بنفسك
اليوكن دفرنس خلفي الاكسبدشن فريول+تعليق مستقل لكل كفر لحالة يعني اريح بالمطبات والحفر والبطناج
لاكن بالنسبة للشكل الخارجي وفي البيع اليوكن وتقدر تدخل رابطة السيارتين وتشوف
والسعر فارق كبير بينهم اليوكن نص فل 2011دبل ب147.700والتاهو اقل منه على كلام الشباب ب10.000ريال
الاكسبدشن نص فل ب121000الف ريال يعني فرق مهو بسيط
ولاتنسى الوكالة والضمان فورد اريح من جي ام بالضمان والصيانة بمراحل وقطع الغيار معقولة
رح للوكالة واطلب سيارة التجربة وجربها واستخر الله يكتب لك اللي فيه الخير
تحياتي

[أحمد الدهمشي]

اخي بن عويشير شكلك تميل لليوكون قبل طرح الموضوع
ذكرت ان الإجماع هنا على اليوكون والحقيقة
رجعت للردود ووجدت ان الغلبة للاكسبدشن
حيث نصحك6 بالاكسبدشن مقابل5 لليوكون
والباقي نصحك بتجربة السيارتين او سيكويا
شخصيا احب مواصفات وجودة الاكسبدشن
لكن السوق يجبرني على اليوكون
والله يكتب لك اللي فيه الخير

[You Like Me]

والسعر فارق كبير بينهم اليوكن نص فل 2011دبل ب147.700والتاهو اقل منه على كلام الشباب ب10.000ريال

الاخ ابو ضيف الله
التاهو مديل 2011 اقل فئة السياحي دبل بـ 140,000
هذا السعر قبل رمضان مادري اذا نزلت عروض رمضان او لا

[ابوضيف الله]

الاخ ابو ضيف الله
التاهو مديل 2011 اقل فئة السياحي دبل بـ 140,000

هذا السعر قبل رمضان مادري اذا نزلت عروض رمضان او لا

عزيزي You Like Me
يوكن نص فل ب١٤٧،٧٠٠
الفل كامل ب١٨٧،٧٠٠
الدينالي ب ١٩٠٠٠٠
هاذي الاسعار لدي الجميح والتاهو الفرق بينه وبين اليوكن ٤٠٠٠ريال
طلعت من عندهم رحت للعيسى لقيت النص فل يوكن ب١٥٠٠٠٠ريال
والتاهو اقل ب٧٠٠٠ريال
بس اللي قاهرني ان الجميح في الموقع حقهم حاط خصم ٢٥٠٠٠ريال كل هاذا استغفال ولعب على الناس وقلت
لهم انت في الموقع كذا كذا قال الموظف صحيح قلت شف الموقع حقكم كاتبين عروض رمضان
طبعاً الاسعار هاذي بتاريخ ١٤٣٢/٩/١٥ الموافق ٢٠١١/٨/١٥

[Abusliman]

السكويا بططل ويمسك سعرهـ بحكم انه تويوتا ويكررف معك
وسعرهـ طيب تاخذهـ بدبل سياحي بـ 141400 وتاخذهـ نص فل بدون دبل بـ 141400 نفس القيمة
لكن من رايي تاخذ دبل سياحي افضل وترا السياحي فيه مواصفات حلوهـ يعني مهب زي السيارات الصغيرهـ ما فيها شي ابد
والنص فل يفرق عن السياحي بـ
- راديو, مشغل 6 اسطوانات بنظام جيه بي إل.
- عدد 14 سماعة
- عوارض سقفية.
- مقعد السائق بتحكم كهربائي.
- فتحة سقف.
- تحكم بالنظام السمعي من المقود.
- مراية الرؤية الخلفية ذاتية التعتيم مع بوصلة.
- شاشة عرض درجة الحرارة الخارجية و معدل استهلاك الوقود.
- دعاسات ارضية
وسعر السياحي بدون دبل 131400
عاد انت لك الراي ولا تنسى ان تويوتا لو صارلك ظرف لا قدر الله بتوقف جنبك بالمعارض وبتفزع لك
والامريكي طيب بعد لاكن انت فكر واستخر
انا فضلت السكويا على اليوكن بسبب انه يعيش معك عشر سنين بالراحة باذن الله اما الامريكي 5 سنين وتبدا خراباته
والسبب الثاني انه يمسك سعرهـ
والسبب الثالث مكينته امريكية بالتعاون مع فورد 8 سلندر 5700 واليوكن 5300 والموتر تراهـ مثل اليوكن لانه امريكي لاكن بمواصفات تويوتا .. بصراحة من اول اقول ما فيه بديل للجمس لاكن الحين فيه بديل وقوي بعد
وانت وذوووقك

[بن سليمان]

كل اللي اقدر أقوله لك أولا الله يوفقك ويسر أمورك ويكتب لك الصالح
ثانيا الحق على عروض الفورد قبل لا تنتهي هذا إذا ما انتهت وخلص المخزون
وعليك بالموتر هذا البطل اعرف اكثر من زميل جربوه يمدحون فيه بالحيل



والسيارة حققت المركز الاول في رضاء الزبائن الامريكان من حيث الموثوقية والاعتمادية والرضا العام والجودة الشاملة






http://vehiclevoice.com/tag/autopacific-award/

[سعد777]

وهنا سوف تجد حيره اكثر ...

فخامه وشكل خذ يوكن
قوة تحمل وكرف ورحابه خذ اكسبدشن

واكي في شي ببالك صل ركعتين واستخير والله يكتب اللي فيه رزق لك

[هيبه ملك]

الحل عندي خذ يوكن واذا مااعجبك بيعه وخذ اكسبدشن

[بن عويشير]

والله زادت على الحيره شكلي بهون من السيارتين
صج كلن ورايه بالسيارتان
الاكسبدشن خلفيته غبيه انا خالص عليه او الرمضان وسحبت العربون
واليوكن على ما سمعت من الاخوان القير يسخصن بالمرفعات ويخبط

عشان كذا بستخير والله يقدم اللى فيه الخير

[ابوياسر1971]

اخي الكريم من واقع تجربه للاكسبديشن ( طويل) بالديره كان معك صغيره الموتر مرن جدا ومن ناحية الخطوط فهو مريح مسكت فيه خط اكثر من اثنعشر ساعه وما حسيت بقطعة الظهر اللي بالموتر الثانيه ما شاء الله تبارك الله وعلى فكره اخوي معه يوكن يشتكي من الحراره .

[بن عويشير]

يا شباب ابي واحد مجرب الاثنين بأمانه يقولي وش اشتري ترى مب سهل

[ديزب]

أنا اشتريت يوكن 2009 بتاريخ 22-9-1429هـ تصدق أن اليوم تنتهي الاستمارة جزاك الله خير على هذا الموضوع
والصراحة الموتر مافيه كلام للسفر وللعائلة ...لكن الاكسبدشن كأن ماله شعبية وعند البيع لك عليه
ما لاحظت على اليوكن أي ملاحظات إلا أن زر الدبل يحتاج الى انتباه دائما فلو قدر أن أحدا عشق الدبل أو أحد البزران حركه وانت ما دريت ، تخلف الله خصوصا اذا انت مسكت خط ...
شكرا للجميع ولا تنس صلاة الاستخارة فهي مهمة جدا لأنه مهما اصابك بعدها فلن تندم ...

[بن عويشير]

ابوي قال لى والله يا ولدي عليك اللى ناس هابه فيه قلت اليوكن قال خلك مع الناس

[عفشك مكمل]

باختصار

كلهم متشابهين وبما انك رجال عندك اقساط فحول على الفورد

[ابوياسر1971]

ابوي قال لى والله يا ولدي عليك اللى ناس هابه فيه قلت اليوكن قال خلك مع الناس

ثقافه خلك مع الناس هذا السباب في عدم قبول اي جديد حتى ولو كان احسن , مع تقديري الكبير للوالد ولك .