15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 5 12345 الأخيرةالأخيرة
النتائج 1 إلى 15 من 66

الموضوع: شراء قطع غيار السيارات عن طريق النت ( شف الفرق )

  1. #1
    تاريخ التسجيل
    Jun 2009
    المشاركات
    12

    شراء قطع غيار السيارات عن طريق النت ( شف الفرق )

    السلام عليكم ورحمة الله وبركاته
    كل عام وانتم بخير




    قطع الغيار عندنا تباع بأربعة أضعاف سعرها الأصلي !!!!!
    بما ان سيارتي امريكي وكيلها بالسعودية الجميح اضطر كما يضطر غيري لشراء قطع غيار السيارة منهم

    طبعا احتجت قطعة لسيارتي وذهبت لهم وقال سعرها 1600 ريال بعد الخصم

    ولان الميكانيكي لم يكن متاكد
    قال روح الوكالة اضمن لك

    حين ما دخلت السيارة لديهم رفضوا قبولها بحجه الزحمة

    جاوبت ان يجب عليهم قبولها وذلك لانهم الوكيل الحصري لها

    قال المصري اللي في الاستقبال انه راح تتاخر
    قالت عادي شهر شهرين ثلاثه انا مو مستعجل عليها ، عندي سيارة ثانية

    بعدها بيوم اتصل علي الفلبيني عندهم اسمه اكينوا وقال شغل يدينا 4500 من غير القطع

    طبعا انا عارف انهم يردون اطلع سيارتي لانه ماحد فحصها ولا يدرون حتى مشكلتها ايش

    المهم رفضت وقالوا ادفع 250 قيمة الكشف

    قلت معصي سيارتي على حالها في الموقف ولا احد قرب منها ادفع لكم 250 ليش
    طبعا حين ما شافني جاد وقلت ماراح ادفع ولا ريال والسيارة مفتاحها معي وراح اجيب الشرطة الان تعمل محضر ان السياره في مكانها ولم تدخل حتى الورشة

    قال خلاص طلعها مانبي شي

    المهم رجعت لورشة وقال شغل يدنا 200 ريال
    واعطاني رقم القطعة
    هنا اكتشفت استغلال الوكالة
    رجعت لهم ابي نفس القطعة اللي قال لي سعرها 1600 ريال

    اعطيتها السوداني اللي في قطع الغيار

    قال سعرها 3700 ريال

    قلت ليش كان سعرها 1600 ريال قبل يومين

    قال هذا السعر الجديد من الشركة

    تركتهم وطلعت

    وقلت السالفة لواحد قال لا يهمونك هات رقم القطعه وانا اجيبها لك

    هذا رقم القطعة ( AC93176626 )

    دخل موقع على الانترنت وداخل رقم القطعة وهنا اكتشفت كيف صار الجميح من اصحاب المليارات

    سعر القطعة واصلة للسعودية من 10 الى 15 يوم با ( 233 دولار ) 874 ريال فقط لا غير الاصلية كما بالصورة



    وهذا سعرها من موقع ثاني



    وهذا اسعار التقليد او ما يسمى عالمي وهو صناعة امريكية ولكن ليس اي سي دلكو لا يتجاوز سعرهم 90 دولار







    طبعا قلت خلاني اشوف اسعار باقي القطع اللي سبق اشتريتها منهم

    مراية السائق في الوكالة 3300 ريال




    سعرها واصلة للسعودية لا يتجاوز 500 ريال كاملة وبالوكالة 3300 ريال



    حساس الاوكسجين بالوكالة سعره فوق 600 ريال والحقيقي لا يتجاوز 105 ريال



    فحمات فرامل ( قماشات ) هذي سيرميك العادية بالوكالة سعرها فوق 550 ريال للامامي وهذا




    طبعا هذا الموقع وتقدرون تشاهدون الاسعار الحقيقية
    http://www.carpartswholesale.com/

    وايضا يوجد مواقع تبيع قطع غيار مستعمله ورخيصة جدا ومضمونه

    طبعا الكثير يسال ايش الضمان ادفع فلوس ويمكن ما توصلني القطع

    الجواب

    الدفع يكون عن طريق paypal وهو موقع مشهور وان لم تستلم القطع تستطيع بكل بساطة الدخول موقع paypal

    ورفض العملية وهم يتكفلون بمخاطبة البائع ان يرسل لك القطع او يرجعون لك كامل المبلغ لبطاقتك
    وحتى لو قالوا مثل التسليم خلال 15 يوم
    ومر 15 يوم ولا استلمت القطع تخاطب موقعpaypal وهم يخاطبون البائع بان يخصم لك قيمة الشحن او يعوضك عن التاخير

    طبعا اي شخص عنده شك بالموضوع
    يشوف قيمة اي قطعه اشتراها من الوكالة ويبحث عنها بالموقع ويشوف سعرها كم واصلة للسعودية


    منقوووول

  2. #2
    تاريخ التسجيل
    Apr 2011
    الدولة
    alraidh
    المشاركات
    3,260

    رد: شراء قطع غيار السيارات عن طريق النت ( شف الفرق )

    جزاك الله خير
    ومن العايدين وكل عام وانت والمسلمين بخير
    ومشكور على النصيحه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    تاريخ التسجيل
    Jan 2009
    المشاركات
    13

    رد: شراء قطع غيار السيارات عن طريق النت ( شف الفرق )

    حسبنا الله عليهم !!! الله لا يوفق اللي يغش المسلمين
    هل الموقع المذكور يدعم اللغة العربية ؟؟
    ناوي اتعامل معهم ان شاء الله واترك الحرامية اللي عندنا
    وش الجميح عند تويوتا !!!

  4. #4
    تاريخ التسجيل
    May 2011
    الدولة
    K.S.A الشرقية
    المشاركات
    2,135

    رد: شراء قطع غيار السيارات عن طريق النت ( شف الفرق )

    حسبي الله عليهم وجعلها نار في بطونهم اكلونا في كل شئ استغلال في كل شئ حراميه والواحد المفروض يسحب عليهم وعلى شركتهم وش الجميح عند تويوتا ؟؟؟؟؟؟؟؟؟؟؟؟؟؟؟؟؟؟
    فعلا جشع وغش واستغلال وشفط مافي جيبك والعماله مصاريه
    فعلا يجب مقاطعتهم وخلوها تصدي

  5. #5
    تاريخ التسجيل
    Mar 2011
    الدولة
    القصيم
    المشاركات
    556

    رد: شراء قطع غيار السيارات عن طريق النت ( شف الفرق )

    جزاك الله خير وماقصرت

  6. #6
    تاريخ التسجيل
    Aug 2004
    الدولة
    قلب الاسد
    المشاركات
    1,712

    رد: شراء قطع غيار السيارات عن طريق النت ( شف الفرق )

    ياخي المفروض انك ماكتبت الموضوع اخاف ان حمايه المستهلك اقصد حمايه التاجر من المواطن يدرون ويقفلون الموقع علينا
    وتتدبل الاسعار

    والخافي اعظم وادهى وامر
    حنا ملعوب علينا بقوه من جميع النواحي
    والتاجر ماعليه من احد وهو عارف انه مافيه احد بيحاسبه يلعب لعبته ويسرح ويمرح


    وحنا مانقدر نسوي شي
    واللي مامعوش مايلزموش
    تعبنا من ذالكلام
    تجارنا يربحون 500% من قيمه السلعه
    الله لا يربحهم يارب
    شوف محلات الجوالات اكسسوارات الجوالات بالجمله بااسعار زهيده جدا وتنباع مدبله 15 مره
    وكل شوي طالعين لنا الكفرات ارتفت اسعارها البطاريات تدبلت كل شي رفعوه

    البنوك نسبه القروض الاعلى في العالم كله واخر شي تورق مبارك

    تقترض 100الف تسددها 180الف
    والقائمه لا تنتهي
    طلع الشيب ماامتلكنا بيوت ابي اوصي عيالي يبنون بيت هههههههه
    قربت الساعه يابوصالح قامو يبيعون لحم بقواطي

  7. #7
    تاريخ التسجيل
    Oct 2008
    الدولة
    *في ارض الله الواسعة*
    المشاركات
    396

    رد: شراء قطع غيار السيارات عن طريق النت ( شف الفرق )

    انا دخلت الموقع بس مأدري كيف ابحث برقم القطعة

    {لاأله إلاالله}

  8. #8
    تاريخ التسجيل
    Sep 2010
    الدولة
    وسط الرياض
    المشاركات
    2,243

    Talking رد: شراء قطع غيار السيارات عن طريق النت ( شف الفرق )

    ابي لي كلبليتر لاند كروزر 95 vxr
    ابوعبدالله

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  9. #9
    تاريخ التسجيل
    Oct 2008
    المشاركات
    422

    رد: شراء قطع غيار السيارات عن طريق النت ( شف الفرق )

    هلا اخوي قبل فتره خربت مقصات موتري العلويه ورحت للوكاله واسأل عن سعرهن قال المقص الواحد 1300ريال يعني 2 بمبلغ 2600ريال قلت الله يديم الرخص المهم خشيت موقع امريكي من زمان متعامل معه وطلبت لي مقصين من امريكا وسعر المقصين بدون الشحن 1400ريال يعني الحبه 700ريال طبعاً القطعه ما هي وكاله لكن بدون مبالغه افضل من الوكاله وضمانها مفتوح يعني لو خربت عليك بأي وقت ارسلها وتتبدل مباشره وبالنسبه لقطع الغيار قسم بالله ان هالتجار الله لا يربحهم انهم صالخين هالمسلمين ولاعبين فيهم لعب وبالنسبه للي بيطلب من برا تجيب القطع الخفيفه بس القطع الثقيله تكون مكلفه بالشحن وجزاك الله خير على التنبيه .....

  10. #10
    تاريخ التسجيل
    Dec 2009
    الدولة
    في ارض الله
    المشاركات
    1,227

    رد: شراء قطع غيار السيارات عن طريق النت ( شف الفرق )

    بيض الله وجهك أخوي جبور22
    على النقل والتنبيه

    الله لايحرمك الاجر

    دمت بحفظ الله

  11. #11
    تاريخ التسجيل
    Dec 2006
    المشاركات
    335

    رد: شراء قطع غيار السيارات عن طريق النت ( شف الفرق )

    طيب كيف طريقة البحث بالموقع لاني اشوف البحث فيه شوي صعب

  12. #12
    تاريخ التسجيل
    Jul 2007
    المشاركات
    554

    رد: شراء قطع غيار السيارات عن طريق النت ( شف الفرق )

    طيب ليه مانتعون مع بعض ونفتح مكتب وصير مرجع للجميع ويكون في الرياض وكل واحد يحتاج قطعه لسيارته يطلبه عن طريق المكتب ان كان في الرياض يذهب للمكتب ويدفع قيمة القطعه وان كان خارج الرياض يكون عن طريق الموقع (مكشات) وتحويل المبلغ في حساب المكتب وجميع الشباب الى عندهم خبره في طلب القطع عن طريق النت يتعونون مع بعض ويكون هم المشرفين على المكتب وطلبات الاعضاء وبكذا نتحرر من استغلاال تجار الجشع والطمع
    ابو حســــــام

  13. #13
    تاريخ التسجيل
    Dec 2011
    المشاركات
    2

    رد: شراء قطع غيار السيارات عن طريق النت ( شف الفرق )

    فكرة جميلة جداا للمكتب

  14. #14
    تاريخ التسجيل
    Apr 2007
    المشاركات
    531

    رد: شراء قطع غيار السيارات عن طريق النت ( شف الفرق )

    للأسف الجميح اسوأ وكيل لسيارات GM في المملكة اسعار مبالغ فيها وتعامل سئ وعمالة رديئة حتى في اخلاقها وموقع قديم ومتهالك ويدل على جشع وبخل هذا التاجر والله المستعان

  15. #15
    تاريخ التسجيل
    Feb 2006
    المشاركات
    675

    رد: شراء قطع غيار السيارات عن طريق النت ( شف الفرق )

    بيض الله وجهك ماقصرت

صفحة 1 من 5 12345 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •