السلام عليكم ورحمة الله وبركاته
تحيه طيبه وبعد
هذي اول مشاركه لي ويعلم الله ماخترت هذه المنتدى الا لاني شفتكم راعين طعوس وبراري فقلت ايكد هم بيفيدوني عن الفيتارا
انا ياجماعت الخير سنين وانا مع الفوردات لابارك الله فيها من سياره ماركيز او فيكتوريا اذا ماتخرب هذي السياره اعرف انه فيه حاجه غلط خصوصا من 2006 صار مبرد القير حجمه صغير وترتفع حرارته ويضعف تبديلات القير وانواع المشاكل
المهم ماعلينا
المره الاخيره طلعت صلاله وندمت اني طلعتها بالفورد فقررت ان شالله اني اخذ جيب
بحك ماني عزوبي وابي جيب اقتصادي وقوي ولي وللزمن وعلى قد فلوسي
فقد وقع الاختيار على سوزوكي فيتارا الربع
قبل سنه تقريبا شفته وافتكر انه نزل نوع منه مكينته 2.4 وقير تماتيك وجنوط كروم
الان رجعت افكر فيه وماعندي خلفيه عنه كثير
طبعا انا اخترته لانه صغير وعجبني ومكينته تعتبر قويه جدا لان حجمه صغير وخفيف فبتكون المكينه مناسبه جدا للحجم
وحاب اخذ رايكم
الجيب يتحمل الكرف وهل فيه اعطال وهل فيه مثبت سرعه
لان الجيب داخل مزاجي مره مره واكيد بيكون اقتصادي فالبنزين لان الفورد هبل فني فالمدينه كئنه باخره ثقيل مره
انا شفته قبل سنه ومو متاكد منه عدل هل فيه مكينه 2.4 ولا انا غلطان ؟
بصراحه راح ابيع فوردي واضغط على نفسي وادبر قيمته واشتريه كاش
اتمنى تفيدوني هل تنصحوني فيه ولا لا
من ناحية القوه وحرارته وخراباته
ويعطيكم العافيه
وكل عام وانتو بخير