السلام عليكم ورحمة الله وبركاته
اليوم طرت لي فكره فيها تغيير جو
ودي كل واحد يعطينا موقف لاينساه عندما بدأ في قيادة السيارة ؟؟
ودنا بالتفاعل
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
اليوم طرت لي فكره فيها تغيير جو
ودي كل واحد يعطينا موقف لاينساه عندما بدأ في قيادة السيارة ؟؟
ودنا بالتفاعل
يشرفني تواصلكم ومتابعتكم عبر وسائل التواصل الإجتماعي
تويتر || https://twitter.com/osamhalhrby
إنستقرام || https://instagram.com/osamh_alhrby/
كييك || https://www.keek.com/osamh_alhrby
يوتيوب||https://www.youtube.com/user/liamadas98
موضوع حلوو ولي فترهـ افكر افتحه بهالقسم بس سبقتن
المهم موقفي كان على فورد مونديو
كنت مرجع خويي لببيتهم واهووس يمين يسار يمين يساار
وتهج هجه ما يهجدها اطلق طارهـ ههههههههههههه والشارع ضييق مسارين بسس
هجت يمين واعدلها وتهج يسار واعدلها خخخخخخخ وهجت يمين واعدل عااد هنا هجت يساار والله واحاول احاول ما قدررت واطمر الررصيف طمررهـ قسم بالله ما استوعبت شي الا عقب 10 دقايق من الخوف هههههههههه
وانتظر اخوي لين جا وقلتله ان باص خط البلدهـ حدن ولا قدرت اسوي شي .. قال حتى لو حادك واضح انك صاافط الطبلون الرصيف كبير ما يرقاهـ الا جيووب
عااد ربكم ستر لان قبلها سويت نفس الحركه خويي قالها لي استهبال اتحداك تدخل بين هالسيارتين وكان شارع عام وما بين هالسيارتين الا مكان صغيير يالله تدخل فيه السيارة عاد انا تحمست ودخلت بينهم وبغيت اخمم زباله حديد ( تكرمون ) بس الحمد لله تعدلت وعقبه علطول صارلي هالموقف
هذا واحد من الربع يسولف
يقول مرة عند خلاتي يوم انا صغير وكانو يبون مشوار ولاعندهم احد وكان فيه فان قير تمتيك وجو لمي يبون اوديهم وانا كنت ماادري وش التماتيك ولاعمري سقته يقول سكت وركبت الموتر وفتحت باب القراش مر انزل القير وحده مر يرجع ولسان حاله يقول مظبوط
ويوم رجع وينزل وحده ويدعس ولا مامشى مر ينزل وحده وصار كلش تمام
والحمدلله جت سليمه معه لو وراه موتر كان علوم
وموضوع رائع
انا جيت ابي ادخل السيارة الحوش ( كرسيدا ٨٢ )
وكانت معلقه على طلعة الكراج
المهم واعطي الموتر الاول وادعس بقوة ( خايف تدحدر ورا )
ومادريت الا وانا ماسح جنب الموتر من اليمين كامل
ومن خوفي من ابوي صكيت على نفسي من العصر الين رحت المدرسة اليوم الثاني
موضوووع حلو
وعليكم السلام
صراحه بداية تعلم السواقـــــه تصير انواع النكبات خاصه وانت مقبل على شي جديد في حياتك وبنفس الوقت فيه خطــــوره..وارتباك خاصه لاصار المعلم لايتحدث العربيه
تحاول انك تتعلم والي يصير يصير ولو بالاشارات
وبالمناسبه بداية تعلم القياده على يد خواجـــــه انجليزي شي فيه نوع من الغرابه !
فقد كان الوالد حفظه الله يعمل في شركه تعدين وكان هذا الخواجه يوصل الوالد ومعه مجموعه من المهندسين الى منازلهم وكنت انا دايم مسنتر عند الباب انتظرالوالد ففي احد المرات جاء ومعه الوالد وعزمه الوالد على الغداء فتمم الخواجه يعني قال OK وتغدا عندنا فكنت انظر لسيارة الشركه بنظرات فهمها الوالد وقال للخواجه ماودك تدربنا انا وولدي على السواقه على شان اشتري لي سياره وتنفعنا قال وكان كلامه مكسر تكسير نصه انجليزي ولايفهمه الا الوالد ..OK وكان عمري انذاك 7سنوات
المهم اخذ يدرب الوالد كلما حانت الفرصه وكان نوع السياره(( انذاك لاند روفر جيب مصندق توجد به من الخلف كراسي كثيره ))
المهم تعلم الوالد وبغينا نجيب العيد لاكن ربك ستر اشوف الانجليزي ماسك له حديده بيده طلعت الجلنط بعدينطبعا انا تقول جني طامر ورى ومنتبه لكل الحركات بس ماافهم شي الا من كلام الوالد
وبعد مده من الزمن علمني والدي وهذا الخواجه على قيادة السياره الاند روفر واصبحت من ذلك الحين سواق نمبر ون ولااحب الا الجيوب وكانت سيارات الدفع الرباعي عشقي منذ ذلك الوقت حتى الان واسف على الاطاله........
« سبحان الذي يسبح الرعد بحمده والملائكة من خيفته »
والله يربع مواقفكم زينه
كملوا وانا متابع بشده
لي ديرتن بين الطعميس وخشومهي مزبن لي ياابوتركي زبنهاالمزاحميةسبحان الله وبحمده
سبحان الله العظيم
علومكم زينه يالحبايب
بإنتظار المزيد
معقوله كلكم طلعتم سواقين
وين السوالف
انا ياطويل العمر اذكر سنه من السنين اول ماتعلمت السواقه .... جا ابوي الله يرحمه يقومن لصلاة الفجر ...المهم راح ويوم اوفيت شوي واتوقض او هي نبهتن امي المهم اني تأخرت عن الصلاة وكلي غمص وخايفن من ابوي الله يرحمه والله ويقوم اخوكم بالله ويشغل الموتر وكانت ددسن 98 وكان يعلق الابنص عشان التحميه قلت مايبيله تحميه حطه بالواحد وخله تدحدر الين المسجد ... طبعا المسجد كان بعيد شوي واطلق الابنص وشوي مير انام ولا وعيت الا وانا ناشبن بالماصوره وانزل ولا الصدام منطعج وارجعه للبيت بسرعه والبق الموتر وانطلق ركض للمسجد ويوم رجعنا مير اسبق ابوي واوريه الصدمه ( يولم العصابه قبل الفلقه ) قلتله شفت يبه شكله واحد من معازيم جيرانا امس طبعا الوالد ماراح يقول شي لابو جيرانا <<< برائه
المهم عدت على خير
يعطيك العافية على الروعة في الطرح..
كان معي ددسن والفرامل ماتمسك الا بعد رابع تدبيلة..
دخلت في سباق مع أحد العليميين مثلي دوبه متعلم
لكن سيارته فراملها طيبة..
المهم بدأ السباق ومن الحماس نسيت إن الشارع ينتهي في جدار عريض وكبير وهو سور مسلخ القرية..!
كنا مسرعين مسرعين رفعت النظر قدام شوي الا الكارثة الجدار حوالي 50 متر..
ادبل للفرامل مافيه فايدة لزقت في الجدار ودركسون سيارتي ارتفع فوق رأسي من قوة الإرتطام
سلمت من الحادث والحمدلله,,
لكن ماسلمت من الجلد..
لكم أجمل تحية
الروقي
عشت عند عمي خمس سنين
المهم مره سافر ومفتاحه دايم فوق التلفزيون بالصاله
وانا مستلم الشباب اللي حولي اني اسوق واعرف ... الخ (خرط فاضي)
وكان في بيت عمي عزيمه ذاك اليوم وحريم وبزارين
والموتر كان يوقفه بالطول لأن الحي جديد والاراضي قدامنا فاضيه
ركبت وشغلت وعيال عماني معاي وآخذ بهم لفه ويوم جيت البق وارجع الموتر مكانه مير اتلخبط وادوس بنزين بدال الفراميل ,,, وهوووووووبــــا بالسور وما جا في بالي الا البزارين اللي كانوا يلعبون بالحوش وانزل والحمدلله ما صار فيه احد ويوم جو العيال يسألوني وراك صدمت؟؟ .. قلت ياخي هالقرمبع نشبت رجلي على البنزين تحسبوني منيب عارف امسك فرامل مثلا؟؟ <<< أبد التصريفه بطرف لساني
المهم ويجيكم ذهينان ( أنا طبعا ) وانسم واحد من الكفرات واطلع العفريته قلت بقول ان الكفر بنشر وجيت بزينه وطاحت العفريته ودحدرت السياره بقوه على السور واروح لمرت عمي الله يذكرها بالخير وصدقتني
الزبده يوم جا يوم الجمعه بالليل ورجع عمي كنت نايم عشان المدارس جا قومني قال اجل مبنشر قلت ايه قال تعال تعال ,, ومرت عمي تقوله خله هذا جزاه بيزين الكفر وهو يقول لها تعلميني في ذالسوسه وخذ لك جلد بالخيزرانه يحبه قلبك .... هذا موقف ما انساه له تقريبا 15 سنه
اول ما بديت اسوق
الوضع ما كان سيبه أطلع متى ما أبي
ما أطلع الا للمشاوير
المهم أهلي ملوا من الاسواق والتمشي من كثر ما اوديهم
وتحسبني اروح مع الطرق المختصرة ؟
كنت ادور اطول طريق اروح معه
اذكر مرة قالوا لي اهلي ودنا للسوبرماركت وانا ساكنين شمال الرياض ووديتهم للعثيم شارع الخزان
والمدارس
الصبح أطلع اخواني من البيت بدرررري دوران وفطور
والظهر اسلك اطول الطرق على الحرررر
حتى خوالي انتفعوا مني اوديهم واجيبهم وامشور لهم
واستفدت فائدة عظيمة اني صرت ادل الرياض شارع شارع زنقة زنقة
المهم مرة من المرات صبحية خميس طلعت والوالدة بوديها لمحل على شارع العليا
المهم وامسك الشارع رايح جاي واضيع المحل بالعمد
واطلع على التحلية قلت يمكن انه هنا نقل والا بنسأل عنه
المهم وانا عند احد اشارات التحلية في المسار الاوسط يوم خضرت الاشارة وانا توني محرك قالت الوالدة رح للبيت بس شكله بيأذن الظهر ولا لقينا شي
انا على طول كسرت مديور ابروح للمحل بدون ما أنتبه الا جنبي دينا دخلت البيبان اليسار
وضاق صدري
والله يجزاها خير الوالدة كانت تراضيني وتقول انها هي السبب لأنها مخليتني ادوج ادور غرضها
الله لا يحرمني منك ياأمي
ويحفظ والدينا والديكم ويرزقنا برهم
مووووواقف واجد
مررره الظهر الساعه 2 وكان عندنا جمس 88 وارجع ريوس وكسرت بقوة ودربق بماصورة البايكه وبسبب الصوت طلع ابوي قايم من النوم وجلدني جلد
والمره الثانية حطيت المفتاح بالسويتش ولا قدرت اطلعه وانا عمري اصغر من 8 سنوات ورحت قلت لابوي وجاء كف للحين يوجعني هههههههه وتوبه بعدها
ومره بكابريس قدام ابوي وامي وتطفا وانا مسرع شوي وامر من جنبهم تارك الدركسون واقول وقفوني وقفوني بالبر وباحد العقوم وخر الدريتر
بس ما قال شئ الوالد غريبه
السلام عليكم ورحمة الله
موضوووووع حلووو وشدني اني اتكلم بكل صراحة
اول ماتعلمت السواقة سنة 1987م
ماقدرت اثبت السيااارة ترووح يمين ويسار وانااا ذابحني الخوف من ابوي يقول سوق عدل امسك عدل قلت ياااااااااااااااااه تعال سوووق انت قاام وضحك هاهاهاهاه
موقف ثاني .. اول مرة ادخل صبخة قريبه من البحر قااام الموتر يسلب يزحف يميييييييييين هديت الدركسون ونسدحت على الكرسي الثاني من الخوووووف هاهاهاهاه
وسلامتكم جميع
تقبلو مني أطيب تحية وتقدير
الذين يشاهدون الموضوع الآن: 1 (0 من الأعضاء و 1 زائر)