مجلس ملاك الإبل والخيل والأغنام والمهتمين بتربيتهن

[قزيزالنعام]

مشكور على الموضوع ويا ليت يحط قسم خاص لابل وقسم للغنم وشاكر لك اخي الضاري

[صقر البحيرات]

الله يقويكم موضوع طيب.......

... واهل الغنم خلوكم بعيييد هههههه

هههههههههههههه من تقصد يابو أحمد

مقيولة من زمان

اهل الإبل ما يشتهون اهل الغنم
واهل الغنم ما يشتهون أهل الإبل

.. ما السبب الاول لأهل الإبل .. يقولون ان الغنم حصاده تحصد الارض وماتخلي شيء وراها .. تقص لعشب من جذوره .. اتفق معهم لو إني راعي غنم وهي علينا بس الحق ينقال

. والإبل تاكل روس العشب يعني ما تضر العشب

والسبب الثاني .. الغنم برجلينها ( ظلوفها ) تحرث الارض حرث والعكس عند الابل

يعني لو جيت تلقط فقع ومرتها غنم حلمك تلقى فقعه وحده

عكس الابل سبحان الله رغم كبر رجلينها

أما أهل الغنم ما يحبون اهل الابل ما اعلم ماهو السبب .. بس الظاهر إن الشغله عناد

[جرير]

جبتها يابو مشاري ماعاد انا قايل شيء
احسبك بتزعل اثرك حقاني الله يجزاك خير
والله اني جربت الغنم وهالحين البل الفرق شاسع بس تراني مادور ربح يعني هواية وطفقة وخساير
على طاري عندي قعود وش حليله ماتشتريه
تراي عرضته على ابو ضاري وشكل الزلمه ماهو راعي مزاين
والله يسوى له قطيع من الغنم مع المرياع والعير

[صقر البحيرات]

هلا أبو أحمد الله يعافيك ويطول بعمرك مافي شيء يزعل أبد .. وترى القلوب وأنا أخوك بيضه ولله الحمد
والحديث في هذا المجال يطول

... والله البل من زمان راحت .. وبيعوها الشيبان الله يسامحهم ..

لكن هناك فرق كبير لا يقارن . بين سروح الغنم وسروح البل ..

الغنم فيها تعب ومشاكل كثيرة جدا .. وترهق راعيها .. وشغلتها متعبه جدا

أما الابل .. راعيها مرتاح فيها عيب واحد كثيرة السروح يعني تقطع ديار واجد في غضون أيام بحث عن الاشجار
والمفالي الطيبه .. ولا ترضيها اي ربيع ..


.. والحلال كله بركه .. وهي هواية
في بعضهم يحبون الابل وبعضهم الغنم وبعضهم المعز

أماقعودك .. وين اوديه .. لازم له ونيس تخبر ..!!

وأبو ضاري انا اقنعه لك .. يمكن يرضى ياخذ

.. أبو احمد الله محييك بالمجلس وياليت تفيدنا بحكم خبرتك بالبل

[الضاري]

ياهلا وحياكم الله جميعاً في مجلسكم

وجزيل الشكر لكم على تواصلكم في هذا المجلس

والمعذره على الأختصار هاليويمن مضغوط بالعمل عسى الله يفرجها

[صقر البحيرات]

عن إذنك اخي الضاري ..

يثبت الموضوع

[النبع الصافي]

هاليومين مع البرد
الجميع لازم يغير في برنامج تغذية حلاله
وكل واحد له طريقه:
بعضهم يحط مع الشعير تمر ( مفيد يدفي الغنم, ويزود فيتامينات)
شــــــــــــــــــــــــــــــــاركونا يالربع

[صقر البحيرات]

بارك الله فيك اخي النبع الصافي . وكلامك على متمه
لكن نحذر من زيادة التمر . .. وكذلك إعطاء الغنم خبز يابس .. بشكل قليل جدا

زيادة العلف بشكل كبير .. حتى تقاوم البرد وخاصة إذا كانت مواليد

وسوف يطرح موضوع كامل بهذا الشأن بإذن الله الاسبوع القادم ..

ودنا يجون اهل الحلال .. ويعطونا من خبراتهم

[Shqra]

ودي بـ 4 نياق وأبي أعرف متطلباتهم وكم تكلفني من ناحية صرفية لنفرض سنويا أو شهريا

ماودي أخاطر وأنا مدري وش يحتاجون .

واهم شي هل يحتاجون تطعيمات ووثائق ..إلخ أم لا

وجزاكم الله خيرا

[سلمان علي]

لي خمس ايام مشتري خيل عربي وهادي جدا
اخوي يركبه ولعبه حلو
بس المشكله الخوف عندي لازال موجود
لانه ايام كنت غشيم سقطت من فوق خيل تعبان
ابي مشورتكم شلون اتعلم واخلي الخوف يرووح

[وبال-هيت]

هذي المواضيع الي تطرح لما فيها من الفوائد والاختصار شكري للجميع

[صقر البحيرات]

لي خمس ايام مشتري خيل عربي وهادي جدا
اخوي يركبه ولعبه حلو
بس المشكله الخوف عندي لازال موجود
لانه ايام كنت غشيم سقطت من فوق خيل تعبان
ابي مشورتكم شلون اتعلم واخلي الخوف يرووح

... فقط تحتاج لتعويد نفسك ونسيان الماضي .. لأن سقوطك ولدي لديك خوفا من أيام الطفولة

... تحتاج .. إلى نسيان والبداية من جديد .. وحاول تبدأ بالخيل الهادئ ..
والتعليم خطوة خطوة
وتعطي ثقة بنفسك .. مع وجود موجه ومتابع لك في أول الخطوات

موفق خير يالغالي

[فنجال]

السلام عليكم....
ماخاب من استشار ...
انا ناوي احطلي وهواي البل ودي احطلي عشر منايح او خمس من الابل وابي منكم الشوروش احسن الانواع والالوان...واللي احسن طبع ...واذا احد عنده شي ينصفط او يدلنا على احد يكون مشكور والاسواق الرخيصه .وترى ماننسى العموله.هههههه.
تحياتي...

[صقر البحيرات]

موفق خير اخوي فنجال . إن شاء الله يجون أهل البل ويعطونك من خبراتهم التي تفيدك

وشف السوق .. وراجعه لمدة اسبوع إلى اسبوعين وإن شاء الله تحصل على أجوبة لكثير من الأسئلة التي تطرحها في ذهنك ..

[قزيزالنعام]

ودي بـ 4 نياق وأبي أعرف متطلباتهم وكم تكلفني من ناحية صرفية لنفرض سنويا أو شهريا

ماودي أخاطر وأنا مدري وش يحتاجون .

واهم شي هل يحتاجون تطعيمات ووثائق ..إلخ أم لا

وجزاكم الله خيرا

مرحبا اخوي العزيز 4نياق =لها نص كيس شعير او مكعب اوشوار نخاله+ربطه برسيم يومي ولك العدد والحساب عليك
1-كيس شعير لكل 10نياق قيمه الكيس 43ريال =2160ريال شهري
2-ربطه برسيم لكل 8نياق قيمه الربطه غير ثابت بس نبي نقول 18ريال=580ريال شهري
3-التطعيمات لا تحتاج البل عندها مناع قويه ....
4-العامل حسب المعاش ..1500 شهري تغريبن
المجموع 4240ريال مصروف 10نياق
عندك شبك وماء امرها بسيط
تحياتي لك