سجه مع الهاجوس طبيعتن لي
قصة هذه القصيدة كان الشاعر مبارك فايز البخيت السبيعي في بحره بمحافظة جده عام 1395هـ وكان بيته مفتوح لجماعته وجميع من يقصده ، وفي احدالايام سير عليه مسايير من جيرانه وقاموا ينصحونه عن الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وشبلاك يالبخيت عسى ما شر وش فيك وش تهوجس فيه قال نعم وقال القصيده
سجه مع الهاجوس طبيعتن لي = طبيعتن بموت ماجزت عنها
أشكي على الخلاق وارفع له ايدي = لاكثرت الأفـكار يفك منها
أما الكرم قد فازبه حاتم الطي= حتى الفرس منشان ضيفه طعنها
خلوني أكرم في حياتي وانا حي=ولامت مدري جثتي مـن دفنها
خلقت في الدنيا وانا مامعي شي=وبروح منهـا مامعي شي منها
مسكين ياللي تحسب الواجد شوي=والعافيه لوتنشرا وش ثمنها
ياجاهـل الدنيا تراها كما الفي= يامخبل اللي في حياته ومنها
إن ناحرت لك قامت تروح وتجي=مثل الذلول اللي طويلٍ رسنها
وإن دبرت خلتك طايح ومرمي= وكم واحدنٍ له حاجةٍ ماضمنها
لابد مانرحل عن المزح والغي=ونسكن بيـوتٍ قبلنـا من سكنها
النفس مثل الغصن عايش على الري=ولولاه كل الناس عافـت وطنها
يالله عسا الحسنات تقضي على السي=لاقربو للنفس ذرعة كفنها .
ارجو ان تكون نالت اعجابكم وهذا مااريد الوصول اليه ,,,
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة ذيب مجزل
