وش افضل النعيمي او الحري

[عشانا]

اما بالطعم واللذة
النجدي ثم النجدي ثم النجدي
ثم الحري
اما النعيمي تشم ريحة زخمة في يدك بعد الاكل

[أبوعابد 22]

وش جاب لين جاب تقارن النعيمي مع الحري
قل حري ولا السوكني يمكن تركب
مافيه احسن من النعيي

[المنيعي1]

أنا أكلت الحري مرة وحده في الحج العام الماضي جبناه بالخيمه وعلقناه وطبخنا منه يالله لك الحمد طعمه فيه زخمه طبخنا وجبه وحده وبعده عطيناه المصري وجبنا دجاج.
أما النعيمي مايحتاج شهاده.

[sniper2009]

خير الكلام ماقل ودل جابها لكم من الاخر

[من وادي الفرع]

انا ارى ان الحري احسن من النعيمي
وجهة نظر

[الشيخ900]

أنا أكلت الحري مرة وحده في الحج العام الماضي جبناه بالخيمه وعلقناه وطبخنا منه يالله لك الحمد طعمه فيه زخمه طبخنا وجبه وحده وبعده عطيناه المصري وجبنا دجاج.
أما النعيمي مايحتاج شهاده.

الظاهر الي تقول فيه زخمه بربري ماهو حري شف عندنا الحجاز كله غير الحري مايدور وكل ديره بخيرها عني انا غير الحري مادور

[عبدالله.العلي]

حقيقتا هالمقارنة مالها معنى

الانعام تلعب دور كبير في لحمها وطعمها المرعى وتربيتها بأحواش
ولاتسرح
وكذالك اعمار الذبائح فرباع الحري ليس كثني النعيمي
والعكس

واخيرا واهم شي فيها كلها طبخها

[GM_400]

النعيمي

اللباني

البلدي

[الفوازي الحربي]

الحري لو تشوفه سمين ويذا ذبحته مايتغير اما لو تشوف نعيمي سمين اذبحه يجيك كحيان والحري احلى لحم ونعيمي قاسي شوي الي مايرع

[ياربي عفوك]

كلها انعام الله يديمها علينا ويزيدها في بلادنا من فضله

صدقت ياخوي

والناسس اذواق ماتقدر تاخذ الجواب الااكد كلن بيجاوبك حسب مزاجه باللحم وذوقه

[عاصفة عروى]

صاحب الموضوع لماذا لم تكتب النجدي في الاستطلاع وشكراااااااا

[سعد العامري]

اللي يقول حري الجنوب وحري المدينة وهذا أفضل وهذا الله يديم النعمة وهذا ما ادري وشو هذا مع احترامي له ماعنده خبرة في الحلال والحلال باختصار إذا كان على مرعى عز الله مافيه مثله سواً حري أو نعيمي أو عربي أو سواكني أو تيوس وشف تيوس تهامة اللي على مرعى تزرط أمه حي كيف إذا جاك حنيذ بعد أما في اللذة أنا اشوف النعيمي والا كلها نعايم ربي اللهم لك الحمد والشكر

[جوبتير]

الحري نوعان

نوع موجود في الحجاز وجنوب شرق الحجاز ويسمى (الغنم البيض الحرش) الشهرانية

لحمه طيب وممتااااز

ونوع يوجد في جنوب المملكة جيزان والساحل ويسمى (الرفيدي) يشبه الحري الشهراني

بس أذانيه قصار هذا الله يديم النعمه لا باس به

أما النعيم فهي أنواع منها الشمالي الطييييييييييب هذا عزالله ممتااااااااااز

طعم وشكل يكحل العين في الصحن

أما السوري والعراقي الله يديم النعمة مشي حالك

اخذت الكلام من من لساني

صدقت في كل حرف بارك الله فيك
وأنا صوت للنعيمي لأني دائما اذبحه ولكن بشرط يكون بلدي من غنم الشماااااال أما نعيمي الشام والعراااق فهي زنخه ولحمها اسود ولا تطااااااااااااااااااااق

[بوراجح2011]

أستغفر الله الذي لا إله إلا هو الحي القيوم واتوب إليه

[يونكس واب]

السواكني افضل نوع