ماهـي افضل كفـرات للتحمـيل ؟

[مطيعيس]

السلام عليكم ورحمة الله وبركاته
مساكم الله بالخير

ارجو من الجميع افادتي عن افضل كفرات للتحميل والسفر , لأني راعي تحميل وسفر بمعدل مرتين في الشهر تقريبا ؛ ولا اعلم ماهي النوعيه الافضل علماً بأن نوع السياره جمس حوض غماره ونص 2004 .
ولااخفيكم اني قد استعملت دنلوب وصار لها معاي سنتين والان حبّلت احد الكفرات ؛ فأتمنى منكم افادتي ولا يهمني سعر الكفرات أهم شيء الجوووووده وطووووول العمر .


وجزاكم الله خير
اخوكم/مطيعيس

(ارجو من الذين ليس لديهم خبره او تجربه ان لا يردوا)

[أبوطاوي]

على ما اعتقد ان الكفرر كل ماصاار دقيق ثاار اقوى...على ما اعتقدددد!!!!الكلام موب اكيد...مجرد نظريه...
ويفيدونك دكاترت البر الي بالمنتدى ههههه

[مطيعيس]

جزاك الله خير ؛ ونحن بإنتظارهم

[المداوي2]

السلام عليكم ورحمة الله وبركاته

مساكم الله بالخير

ارجو من الجميع افادتي عن افضل كفرات للتحميل والسفر , لأني راعي تحميل وسفر بشكل اسبوعي تقريبا ؛ ولا اعلم ماهي النوعيه الافضل علماً بأن نوع السياره جمس حوض غماره ونص 2004 .
ولااخفيكم اني قد استعملت دنلوب وصار لها معاي سنتين والان حبّلت احد الكفرات ؛ فأتمنى منكم افادتي ولا يهمني سعر الكفرات أهم شيء الجوووووده وطووووول العمر .

وجزاكم الله خير
اخوكم/مطيعيس

(ارجو من الذين ليس لديهم خبره او تجربه ان لا يردوا)

انظر للملون بالاحمر


سنتين صيف وشتا وبر ومطر وسفر وتحميل (استعمال شاق)عز الله ماقصرت

ولا اعتقد ان فيه كفر عمره اكثر من سنتين ....

[النبع الصافي]

جرب أحد هذه الانواع حسب ترتيبها:
ميشلان
يوكوهاما
برجستون
وكل ما زاد تحمل الكفر في التحميل كلما كان خطراً عند المفاجئات الله يكفينا وياك الشر
وطبعا فيه أنواع غير معروفة أو غير متداولة لكن هذه الانواع معروفة
موفق

[مطيعيس]

الله يعطيكم العافيه .
اخوي المداوي :
عدلت في المشاركه وهو بمعدل سفرتين في الشهر تقريبا , ولكن اتوقع انها تخدم اكثر من كذا لأن مااستخدمه الا في السفر فقط .
وجزاك الله خير

[((ابوملاك))]

ما يبيلها كلام

كفرات الشاص مصممه لتتحمل الشاص وحمل الشاص

يعني الشاص وزنه طنين او طن ونص وحمل الشاص ثلاث اطنان ونص (محدثك معاه شاص ١١ )

واذا محل الموتر للحد القصاء تحط الهواء ٦٠ وتوكل على الله

للمعلوميه سعر الكفر الحجري الواحد ٧٥٠

[مطيعيس]

مااتوقع كفرات الشاص تركب على الجمس يا اخي مجهول

[((ابوملاك))]

انا عارف

بس ود الجنوط للمخرطه اذا ماركبت

[مطيعيس]

جزاكم الله خير
وتم شراء كفرات من نوع برجستون الله يعطينا من خيرها ويكف عنا شرها .

(اتمنى من الاداره اتخاذ ما تراه مناسب مع الموضوع)

شكراً