محتاج شوركم يا مكشاتيه في موتر .....

[صحراء الدهناء]

السلام عليكم ورحمة الله وبركاته ..... مساء الخير
الصراحة اني فكرت ابيع موتري الداتسون واشتري جيب مستوبيشي ( ناتيفا )

لكن السؤال هل هو موتر يستحق الاقتناء او لا ؟ وهل فيه عيوب؟ يعني بشكل عام هو كويس او لا ؟
واللي حدني عليه سعره مناسب جدا لي ,,, طبعا ابا ادور مستعمل ,,,

والله يكتب اللي فيه الخير

[صحراء الدهناء]

وين اللي جربو الموتر. قبل نتوهق به ههههههه

[ابو مرسال]

السلام عليكم ورحمة الله وبركاته
والله وانا اخوك بكذب عليك اذا قلت جربته لاكن احسن موتر في مستوبيشي باجيرو
والموتر الي انت تبيه ما قد سمعت احد يتكلم فيه لا بزين ولا بشين لاكن انت شف الناس وش يشترون اكثر
ووش الي يتحمل اكثر انا من رأيي انك تاخذ باجيرو عزم قوي وما شا الله نظرة واذا ماتبيه انا انصحك بالداتسون
وان شا الله اني افدتك بشي والي تبيه انا حاضر بلي تامر به وانا اخوك

[البعير المغوار]

نصيحة ابقى على الدتسن،

ناس كثيرة تتمنى الدتسن وانت بتبيعه، ترا بعد كم سنة بيصير جزء من تراثنا ان لم يكن الآن،

اما المتسوبيشي ذا فهو زي سيارات كاميرات ساهر.

[زيد الدوسري]

حبيبي الغالي انا ماقد جربته لكن ترى بتتقروش من كثر كسر القزاز لكن افضل شيء في المتسوبيشي هو الباجيرو ربع قوي وخفة لكن يقولون قطع غيارة الاستهلاكيه يعني سعرها معقول أما الصدامات والرفارف فيقولون نااار

لكن تبي الشور خذ لك باترول موديل ٩٤ وضبط فيه بعض الشغلات ومثل ما قيل عش حياتك واطرب زمانك

أتمنى إني افدتك

[عبدالعزيز-1]

كان معي باجيرو ربع موديل 2002 وبعته الحمدلله

السياره عمليه جدا لكن فيها عيوب وهي غلاء سعر قطع الغيار

اسلاك البواجي بعد الخصم 800 ريال

وقس على ذلك

الميتسوبيشي سيارات رائعه لكن يعيبها قطع غيارها وانا رايي خلك على الددسن ازين

[م.العبيدي]

وعليكم السلام
السيارة ما اعرف عنها شي بس انا بخدمك بشغله بسيطة من ملاحظة من يستخدمها وهم اخونا السودانيين ممكن تسال عنها عندهم ويفدونك او تروح ايات ورشة متخصصة فيها وتعرف عيوبها

[كبسولة2]

صراحة سبق أن أستخدمت باجيرو 4 ابواب

الموتر قووووي جداً في الرمل والطلوع

ولكن عيب المستوبيشي قطع الغيااااااار ناااااااااار صراحة

والعيب الثاني كلتشه ضعيف تغريزة تغريزتين أوتسحب سيارة ينحرق

يحتاج لتغير الدسك وصحن الكلتش كل 7 شهور

[صحراء الدهناء]

مشكورين وما قصرتوا والله يجزاكم الجنة

والله عقب هالكلام شكلي ابا اصرف النظر عنه والله يختار اللي فيه الخير

[abo naser 1]

السلام عليكم

اثنين من الربع شرو جديد وقت العرض قبل سنتين ب 72 الف وبعد سنة من الأستخدام انصدمو بغلاء قطع الغيار حتى انهم فكرو في البيع تخيل قيمة الهوبات 5000 ريال طلبوها من امازون اعتقد موقع امريكي مع الشحن ب 1800 ريال